ພິທີມອບ-ຮັບໃບປະກາດໃຫ້ນັກສຶກສາ ແລະ ປະຊາຊົນ ທີ່ຮັບຜົນກະທົບຈາກເຂື່ອນແຕກ.

ພິທີມອບ-ຮັບໃບປະກາດໃຫ້ນັກສຶກສາ ແລະ ປະຊາຊົນ ທີ່ຮັບຜົນກະທົບຈາກເຂື່ອນແຕກ.

ວັນທີ 10 ສິງຫາ 2021 ນີ້, ທີ່ໂຮງຮຽນເຕັກນິກ-ວິຊາຊີບແບບປະສົມ ສາຂາແຂວງອັດຕະປື ໄດ້ຈັດພິທີມອບ-ຮັບໃບປະກາດສະນີຍະບັດໃຫ້ແກ່ນັກສືກສາ ແລະ ປະຊາຊົນເຂດໄພພິບັດເມືອງ ສະຫນາມໄຊ ທີ່ຖືກຜົນກະທົບຈາກເຂື່ອນເຊປຽນ-ເຊນໍ້ານ້ອຍແຕກໃນໄລຍະຜ່ານມາ ໂດຍໄດ້ຮັບທຶນການສຶກສາຈາກບໍລິສັດເອັສເຄ (SK) ປະຈໍາແຂວງ ອັດຕະປື ໃນຫຼັກສູດວິຊາຊີບຊັ້ນຕົ້ນລະດັບ 1 ສົກປີ 2020-2021 ຂື້ນທີ່ໂຮງຮຽນດັ່ງກ່າວ,ໂດຍເປັນກຽດເຂົ້າຮ່ວມຂອງທ່ານ ສົມໄຊ ສຸລິຍະວົງ ຄະນະປະຈຳພັກເມືອງ ຮອງເຈົ້າເມືອງສະໜາມໄຊ, ມີ ທ່ານ ຖາວອນ ສຸກດາວົງ ອຳນວຍການໂຮງຮຽນເຕັກນິກ-ວິຊາຊີບແບບປະສົມ ແຂວງ, ມີຄູ-ອາຈານພ້ອມດ້ວຍນັກສຶກສາເຂົ້າຮ່ວມ.

ໃນພິທີໄດ້ສະຫຼູບຕີລາຄາຄືນກ່ຽວກັບການຈັດຕັ້ງປະຕິບັດການຮຽນ-ການສອນ ໃນໄລຍະຜ່ານມາ ເຊີ່ງການຮຽນ-ການສອນ ໄດ້ເລີ່ມແຕ່ເດືອນ ມີນາ 2021 ຫາ ເດືອນ ສິງຫາ 2021 ໃຊ້ເວລາທັງໝົດ 3 ເດືອນ,ມີນັກສືກສາທັງໝົດ 60 ຄົນ,ຍິງ 32 ຄົນ,ມີ 4 ສາຂາຮຽນ ຄື: ສາຂາອາຊີບຕັດຫຍິບສີ້ນ ແລະ ເສື້ອ, ສາຂາອາຊີບລ້ຽງສັດ, ສາຂາປຸງແຕ່ງອາຫານລາວ ແລະ ສາຂາອາຊີບ ຈອດທໍ່ນໍ້າ, ຜ່ານການຮຽນ-ການສອນໄດ້ລົງເລິກທັງພາກທິດສະດີກວມເອົາ 10%,ພາກປະຕິບັດຕົວຈິງກວມເອົາ 90%, ມີຊົ່ວ 480 ຊົ່ວໂມງ,ພາກທິດສະດີ 48 ຊົ່ວໂມງ,ພາກປະຕິບັດ 432 ຊົ່ວໂມງ.

ໂອກາດນີ້ກໍ່ໄດ້ມອບ-ຮັບໃບປະກາດຢ່າງເປັນທາງການ,ໂດຍເປັນກຽດມອບ ຂອງທ່ານ ສົມໄຊ ສຸລິຍະວົງ ຮອງເຈົ້າເມືອງສະນາມໄຊ ຢ່າງສົມກຽດ.

ຂ່າວລາວ