ປະຊາຊົນລາວອາດຈະໄດ້ໃຊ້ວັກຊິນຕ້ານພະຍາດໂຄວິດ ທີ່ຜະລິດຢູ່ປະເທດລາວ

ປະຊາຊົນລາວອາດຈະໄດ້ໃຊ້ວັກຊິນຕ້ານພະຍາດໂຄວິດ ທີ່ຜະລິດຢູ່ປະເທດລາວ

ຍ້ອນການແຜ່ລະບາດຂອງພະຍາດໂຄວິດ-19 ຍັງມີການແຜ່ລະບາດເປັນວົງກວ້າງຢູ່ຫຼາຍກວ່າ 200 ປະເທດໃນທົ່ວໂລກ ລວມທັງ ສປປ ລາວ ແລະ ຍັງບໍ່ຮູ້ວ່າພະຍາດດັ່ງກ່າວຈະສິ້ນສຸດ ແລະ ຫາຍໄປຈາກໂລກນີ້ວັນໃດດັ່ງນັ້ນລັດຖະບານລາວ ຕາງໜ້າໂດຍກະຊວງສາທາລະນະສຸກ ກໍາລັງປຶກສາຫາລື ກັບບໍລິສັດ ຜະລິດຢາຢວນຊູ ແລະ ບໍລິສັດຄົ້ນຄວ້າຜະລິດວັກຊິນຕ້ານພະຍາດໂຄວິດ-19 (ບໍລິສັດ StemiRNa)

ກ່ຽວກັບການຈັດຕັ້ງປະຕິບັດໂຄງການທົດລອງ ແລະ ຜະລິດວັກຊິນຕ້ານພະຍາດໂຄວິດ-19 ຢູ່ໃນປະເທດລາວເພື່ອໃຊ້ໃນປະເທດລາວ ແລະ ເພື່ອສົ່ງອອກ ໃນນັ້ນໝາຍຄວາມວ່າປະຊາຊົນລາວອາດຈະໄດ້ໃຊ້ວັກຊິນຕ້ານພະຍາດໂຄວິດ-19 ທີ່ຜະລິດຢູ່ໃນປະເທດ ໃນອະນາຄົດ.

ການປຶກສາຫາລືກ່ຽວກັບໂຄງການດັ່ງກ່າວນັ້ນໄດ້ຈັດຂຶ້ນເມື່ອມໍ່ໆມານີ້ ທີ່ກະຊວງສາທາລະນະສຸກ ໂດຍທ່ານ ປອ. ດຣ ບຸນແຝງ ພູມມະໄລສິດ ລັດຖະມົນຕິກະຊວງສາທາລະນະສຸກ ແລະ ທ່ານ Ding YUEFAN ຊຶ່ງຕາງໜ້າໃຫ້ບໍລິສັດ ຜະລິດຢາຢວນຊູ ແລະ ບໍລິສັດຄົ້ນຄວ້າຜະລິດ ວັກຊິນຕ້ານພະຍາດໂຄວິດ-19.

ປອ.ດຣ. ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ ພ້ອມດ້ວຍຄະນະກົມທີ່ກ່ຽວຂ້ອງ ຕ້ອນຮັບ ທ່ານ Ding YUEFAN ຕາງໜ້າບໍລິສັດຜະລິດຢາຢວນຊູ ແລະ ຕາງໜ້າໃຫ້ບໍລິສັດຄົ້ນຄ້ວາຜະລິດວັກຊີນຕ້ານໂຄວິດ-19 (ບໍລິສັດ StemiRNa) ພ້ອມດ້ວຍວິຊາການ ເພື່ອປຶກສາຫາລື ກ່ຽວກັບການຈັດຕັ້ງປະຕິບັດໂຄງການທົດລອງ ແລະ ຜະລິດວັກຊີນ ຕ້ານ COVID-19 ຢູ່ ສປປ ລາວ ເພື່ອຮັບໃຊ້ມວນຊົນ ແລະ ສົ່ງອອກຕ່າງປະເທດ

ຂໍ້ມູນ: ສູນຂ່າວສານການແພດ ສຸຂະສຶກສາ

ຂ່າວລາວ