ຟາຍເຊີ-ໂມເດີນາ ຈະມີລາຍໄດ້ເພີ່ມຫຼາຍ ຈາກວັກແຊັງກະຕຸ້ນພູມຄຸ້ມກັນ

ຟາຍເຊີ-ໂມເດີນາ ຈະມີລາຍໄດ້ເພີ່ມຫຼາຍ ຈາກວັກແຊັງກະຕຸ້ນພູມຄຸ້ມກັນ

ສຳນັກຂ່າວຕ່າງປະເທດລາຍງານວ່າ: ນັກວິເຄາະຄາດການວ່າວັກແຊັງເຂັມທີ 3 ຫຼື ວັກແຊັງ ບູສເຕີ ເພື່ອກະຕຸ້ນພູມຄຸ້ມກັນໃນການປ້ອງກັນໂຄວິດ – 19 ທີ່ຫຼາຍປະເທດກຳລັງສັກໃຫ້ແກ່ປະຊາຊົນໃນຂະນະນີ້ ຈະເຮັດໃຫ້ບໍລິສັດຜູ້ພັດທະນາຢ່າງຟາຍເຊີ ແລະ ໂມເດີນາ ໂກຍລາຍໄດ້ເພີ່ມຂຶ້ນຫຼາຍພັນລ້ານໂດລາສະຫະລັດ.

ນັກລົງທຶນ ແລະ ນັກວິເຄາະຄາດການວ່າ: ບໍລິສັດຟາຍເຊີ/ໄບອອນເທັກ ແລະ ບໍລິສັດໂມເດີນາ ຈະມີລາຍໄດ້ຈາກການຂາຍວັກແຊັງປ້ອງກັນໂຄວິດ – 19 ເຂັມທີ 3 ຫຼື ເອີ້ນວ່າ ວັກແຊັງກະຕຸ້ນພູມຄຸ້ມກັນ ( booster shots ) ຫຼາຍພັນລ້ານໂດລາສະຫະລັດ ໂດຍທັງສອງບໍລິສັດໄດ້ຄາດການເອົາໄວ້ແລ້ວວ່າ ຜູ້ທີ່ສັກວັກແຊັງປ້ອງກັນໂຄວິດ – 19 ຄົບ 2 ເຂັມແລ້ວ ຈະຕ້ອງສັກເຂັມທີ 3 ເພື່ອກະຕຸ້ນພູມຄຸ້ມກັນໃນການປ້ອງກັນໂຄວິດ – 19 ກາຍພັນ. ປັດຈຸບັນລັດຖະບານຫຼາຍປະເທດກຳລັງຈັດຫາວັກແຊັງ ເພື່ອນຳມາສັກໃຫ້ແກ່ປະຊາຊົນເປັນເຂັມທີ 3.

ທັງນີ້, ນັກວິເຄາະຄາດການວ່າ ໃນປີ 2023 ບໍລິສັດຟາຍເຊີ/ໄບອອນເທັກ ຈະມີລາຍໄດ້ຈາກການຂາຍວັກແຊັງເຂັມທີ 3 ປະມານ 6,6 ພັນລ້ານໂດລາ, ໃນຂະນະທີ່ໂມເດີນາ ຈະມີລາຍໄດ້ປະມານ 7,6 ຕື້ໂດລາ.

ຂ່າວຕ່າງປະເທດ