ແຈ້ງໂຈະພິທີການສູດມົນຂ້າມປີ ທີ່ຫໍທັມມະສະພາ ແລະ ເດີ່ນທາດຫຼວງເພື່ອປ້ອງກັນໂຄວິດ

ແຈ້ງໂຈະພິທີການສູດມົນຂ້າມປີ ທີ່ຫໍທັມມະສະພາ ແລະ ເດີ່ນທາດຫຼວງເພື່ອປ້ອງກັນໂຄວິດ

ສູນກາງ ອພສ ແຈ້ງການມາຍັງ ບັນດາທ່ານ ທັງຫຼາຍ ທີ່ມີກຸສົລສັດທາຈິດ ວ່າ ເພື່ອຈັດຕັ້ງປະຕິບັດຕາມ ແຈ້ງການ ຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 1414/ຫສນຍ ລົງວັນທີ 23 ທັນວາ 2020

ວ່າດ້ວຍການສືບຕໍ່ປະຕິບັດບັນດາມາດຕະການຜ່ອນຜັນ, ມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດໂຄວິດ 19 ທາງ ສູນກາງ ອພສ ຈະບໍ່ໄດ້ຈັດພິທີບຸນ ສູດມົນສົ່ງທ້າຍປີເກົ່າ 2020 ຕ້ອນຮັບປີໃໝ່ສາກົນ 2021ທີ່ ເດີ່ນຫໍທັມມະສະພາ ແລະ ເດີ່ນທາດຫຼວງ ໃນຄືນວັນທີ 31 ທັນວາ 2020.

ຈຶ່ງແຈ້ງບອກມາຍັງທ່ານທັງຫຼາຍໄດ້ຮັບຊາບໂດຍທົ່ວກັນຂໍໃຫ້ທຸກຄົນ ຈັດພາຍໃນຄອບຄົວຂອງຕົນຢູ່ເຮືອນ

ຂ່າວລາວ