ແຂວງຫົວພັນ ພຽງແຂວງດຽວ ທີ່ຍັງບໍ່ມີຜູ້ຕິດເຊື້ອພະຍາດໂຄວິດແມ້ແຕ່ພຽງຄົນດຽວ

ແຂວງຫົວພັນ ພຽງແຂວງດຽວ ທີ່ຍັງບໍ່ມີຜູ້ຕິດເຊື້ອພະຍາດໂຄວິດແມ້ແຕ່ພຽງຄົນດຽວ

ຈາກກໍລະນີທີ່ມີການແຜ່ລະບາດຂອງພະຍາດໂຄວິດ-19 ຢູ່ ສປປ ລາວນັບແຕ່ເດືອນມີນາ 2020 ຮອດປັດຈຸບັນເຫັນວ່າຍັງມີແຕ່ແຂວງຫົວພັນພຽງແຂວງດຽວທີ່ຍັງບໍ່ມີຜູ້ຕິດເຊື້ອພະຍາດໂຄວິດ-19

ຮອດວັນທີ 23 ສິງຫາ 2021 ນີ້, ສປປ ລາວ ມີຜູ້ຕິດເຊື້ອສະສົມ ຈາກພະຍາດໂຄວິດ-19 ແລ້ວ ເຖິງ 12.621 ຄົນ ໃນນີ້ ເສຍຊີວິດ 11 ຄົນ.

ຈໍານວນຕົວເລກຜູ້ຕິດເຊື້ອພະຍາດດັ່ງກ່າວ ແມ່ນຢູ່ ແຂວງສະຫວັນນະເຂດ 4.116 ຄົນ (ເສຍຊີວິດ 3 ຄົນ) ເປັນແຂວງທີ່ພົບຜູ້ຕິດເຊື້ອສະສົມຫຼາຍກວ່າໜູ່, ຮອງລົງມາແມ່ນແຂວງຈໍາປາສັກ ມີຜູ້ຕິດເຊື້ອສະສົມ 3.364 ຄົນ ເສຍຊີວິດ 3 ຄົນ, ນະຄອນຫຼວງວຽງຈັນ ມີຜູ້ຕິດເຊື້ອສະສົມ 2.241 ຄົນ (ເສຍຊີວິດ  4 ຄົນ),  ແຂວງ ສາລະວັນ 894 ຄົນ, ບໍແກ້ວ 700 ຄົນ,  ຄໍາມ່ວນ 981 ຄົນ (ເສຍຊີວິດ1 ຄົນ), ແຂວງວຽງຈັນ 497 ຄົນ ແລະ ແຂວງອື່ນຕາມລໍາດັບແຕ່ມີຜູ້ຕິດເຊື້ອບໍ່ຮອດ 50 ຄົນ.

​ສະຖານະນະການລະບາດຂອງພະບາດໂຄວິດ-19​ ປະຈຳວັນທີ​ 23 ສິງຫາ​ 2021​ ຜູ້ຕິດເຊື້ອ​ໃຫມ່​ +152 ຄົນ.​ ໃນນີ້​ຕິດໃນຊຸມຊົນ​ 65 ຄົນ​.​

ຂ່າວລາວ