ລາຍລະອຽດຜູ້ຕິດເຊື້ອໃນຊຸມຊົນຕິດເຊື້ອໝົດຄອບຄົວ ມີເດັກນ້ອຍ 8ເດືອນນຳ ຢູ່ບ້ານ ບ້ານຫາດຊາຍຂາວ

ລາຍລະອຽດຜູ້ຕິດເຊື້ອໃນຊຸມຊົນຕິດເຊື້ອໝົດຄອບຄົວ ມີເດັກນ້ອຍ 8ເດືອນນຳ ຢູ່ບ້ານ ບ້ານຫາດຊາຍຂາວ

ລາຍລະອຽດຜູ້ຕິດເຊື້ອໂຄວິດໃນຊຸມຊົນມື້ນີ້ 5 ກັນຍາ 2021 ຈາກຜູ້ຕິດເຊື້ອທັງໝົດ 172 ຄົນ, ຊຸມຊົນ 56 ຄົນ, ສະຫວັນນະເຂດ 21 ຄົນ, ຈໍາປາສັກ 13 ຄົນ

+ ນະຄອນຫຼວງວຽງຈັນ 6 ຄົນ: ເປັນຄົນໃນຄອບຄົວດຽວກັນທັງໝົດ

– ຜູ້ທີ 1 ອາຍຸ 24 ປີ ເພດຊາຍ ຢູ່ບ້ານຫາດຊາຍຂາວ ເມືອງຫາດຊາຍຟອງ ອາຊີບພະນັກງານທະຫານຢູ່ໂພນເຄັງ ຄົນໃນຄອບຄົວຕິດເຊື້ອສັກວັກຊີນຄົບ 2 ເຂັມ

– ຜູ້ທີ 2 ເພດຊາຍ ອາຍຸ 52 ປີ ບ້ານຫາດຊາຍຂາວ ຊີບພະນັກງານທະຫານຢູ່ໂພນເຄັງ ຄົນໃນຄອບຄົວຜູ້ຕິດເຊື້ອໄດ້ສັກວັກຊີນ 2 ເຂັມ ພະຍາດປະຈຳໂຕເປັນເບົາຫວານ ແລະມີຄວາມດັນສູງ

– ຜູ້ທີ 3 ເພດຍິງ ອາຍຸ 19 ປີ ບ້ານຫາດຊາຍຂາວ ອາຊີບຂາຍເຄື່ອງອອນລາຍ (ຍັງບໍ່ໄດ້ສັກວັກຊີນ)

– ຜູ້ທີ 4 ເພດຊາຍ ເດັກອາຍຸ 8 ເດືອນ ບ້ານຫາດຊາຍຂາວ

– ຜູ້ທີ 5 ເພດຍິງ ອາຍຸ 52 ບ້ານຫາດຊາຍຂາວ ອາຊີບພະນັກງານທະຫານຢູ່ໂພນເຄັງ

-ຜູ້ທີ 6 ເພດຊາຍ ອາຍຸ 18 ປີ ບ້ານຫາດຊາຍຂາວ ອາຊີບນັກຮຽນ (ສັກວັກຊີນແລ້ວ 2 ເຂັມ)

+ ຄຳມ່ວນ 7 ຄົນ: ເປັນພະນັກງານ ປກສ ຢູ່ຄ້າຍຄຸມຄັງ

+ ສາລະວັນ 2 ຄົນ: ເປັນຄົນໃນຄອບຄົວດຽວກັນ (ຜົວແລະເມຍ) ເປັນພະນັກງານ

+ ບໍ່ແກ້ວ 2 ຄົນ: ມາຈາກບ້ານຄຸນບົງ ເຊິ່ງມີປະຫວັດການເດີນທາງກັບ ບ້ານໃຫມ່ສີເມືອງງາມ

+ສະຫວັນນະເຂດ 21 ຄົນ, ຈຳປາສັກ 13 ຄົນ, ຫຼວງນໍ້າທາ 5 ຄົນ: ເປັນຜູ້ສຳຜັດໃກ້ຊິດກັບຜູ້ຕິດເຊື້ອເກົ່າ

ສຳລັບ ບ້ານແດງທີ່ຖືກກຳນົດເປັນບ້ານແດງໃໝ່ໃນນະຄອນຫຼວງວຽງຈັນ ມີ 1 ບ້ານຄື: ບ້ານຫາດຊາຍຂາວ, ເມືອງຫາດຊາຍຟອງ

ພໍ່ແມ່, ພີ່ນ້ອງ, ປະຊາຊົນ ແລະ ທຸກພາກສ່ວນໃນສັງຄົມ ຈົ່ງພ້ອມໃຈກັນ ປະຕິບັດການດໍາລົງຊິວິດປົກກະຕິແບບໃໝ່ (new normal) ເປັນຕົ້ນ ຫຼີກເວັ້ນການເດີນທາງໄປສະຖານທີ່ສ່ຽງ, ສະຖານທີ່ແອອັດ, ຮັກສາໄລຍະຫ່າງ, ໃສ່ຜ້າອັດປາກ-ດັງ, ລ້າງມືເລື້ອຍໆດ້ວຍນ້ຳສະອາດໃສ່ສະບູ ຫຼື ເຈວລ້າງມືທີ່ມີທາດເຫຼົ້າ 70% ຂື້ນໄປ, ຮັກສາມາລະຍາດໃນການໄອ-ຈາມ, ອະນາໄມຂ້າເຊື້ອຈຸດສ່ຽງ ແລະ ຫ້າມຊຸມແຊວກັນເປັນກຸ່ມ;
ພວກເຮົາທຸກຄົນ ຕ້ອງຮ່ວມແຮງຮ່ວມໃຈ ແລະ ສາມັກຄີກັນ, ເພື່ອພ້ອມກັນຜ່ານຜ່າວິກິດນີ້ໄປດ້ວຍກັນ ແລະ ສາມາດກັບມາດຳລົງຊີວິດປົກກະຕິໂດຍໄວ.

ຂ່າວລາວ