ອະນຸຍາດ! ໃຫ້ລ໋ອກດາວ 4 ເມືອງ ນະຄອນຫຼວງວຽງຈັນ ຈົນເຖິງ ວັນທີ 30 ກັນຍາ 2021

ອະນຸຍາດ! ໃຫ້ລ໋ອກດາວ 4 ເມືອງ ນະຄອນຫຼວງວຽງຈັນ ຈົນເຖິງ ວັນທີ 30 ກັນຍາ 2021

ດ່ວນ….​ຫ້ອງວ່າການສຳນັກງານນາຍົກ ລັດຖະມົນຕີ​ ອອກແຈ້ງທິດຊີ້ນຳຂອງນາຍົກ ເຫັນດີໃຫ້ນະຄອນຫລວງວຽງຈັນ Lockdown

ອີງຕາມ ບົດລາຍງານ ຂອງນະຄອນຫຼວງວຽງຈັນ ສະບັບເລກທີ 174/ຈນວລົງວັນທີ 18 ກັນຍາ 2021 ແລະ ການຊີ້ນຳ ຂອງທ່ານນາຍົກລັດຖະມົນຕີ ຫ້ອງວ່າການສໍານັກງານນາຍົກລັດຖະມົນຕີ ຂໍຖືເປັນກຽດແຈ້ງການຊີ້ນຳຂອງທ່ານນາຍົກລັດຖະມົນຕີມາຍັງທ່ານຊາບ ດັ່ງນີ້:

ເຫັນດີອະນຸຍາດໃຫ້ອົງການປົກຄອງນະຄອນຫຼວງວຽງຈັນປະຕິບັດມາດຕະການປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19 ຢູ່ນະຄອນຫຼວງວຽງຈັນ ເລີ່ມແຕ່ເວລາ 00:00 ໂມງ ຂອງວັນທີ 19 ກັນຍາ ເຖິງເວລາ 24:00 ໂມງ ຂອງວັນທີ 30 ກັນຍາ 2021 ຕາມການສະເໜີ

1. ໂຕເລກການຕິດເຊື້ອໃນຊຸມຊົນ ຢູ່ນະຄອນຫຼວງວຽງຈັນ ເພີ່ມຂຶ້ນ ແລະ ກະຈາຍໄປຫຼາຍບ້ານ ຫຼາຍເມືອງ ເຊິ່ງມີຄວາມສ່ຽງ ທີ່ຈະເກີດມີການແຜ່ລະບາດໃຫຍ່ໃນຮອບໃໝ່ ແລະ ຈະຄວບຄຸມໄດ້ຍາກຢູ່ນະຄອນຫຼວງວຽງຈັນ

2. ເພື່ອຮັບປະກັນບໍ່ໃຫ້ພະຍາດ COVID-19 ແຜ່ລະບາດອອກເປັນວົງກວ້າງ ແລະ ກະຈາຍໄປທົ່ວພື້ນທີ່ນະຄອນຫຼວງວຽງຈັນ, ສະນັ້ນ, ນະຄອນຫຼວງວຽງຈັນ ຈິ່ງຂໍສະເໜີປິດການເດີນທາງພາຍໃນ ແລະ ເຂົ້າ-ອອກ (Lock Down) ນະຄອນຫຼວງວຽງຈັນ ເລີ່ມແຕ່ເວລາ 00:00 ໂມງ ຂອງວັນທີ 19 ກັນຍາ ເຖິງເວລາ 24:00 ໂມງ ຂອງວັນທີ 30 ກັນຍາ 2021 ຄື:

ປິດການເດີນທາງພາຍໃນ ແລະ ເຂົ້າ-ອອກ ນະຄອນຫຼວງວຽງຈັນ ສະເພາະເຂດ 4 ເມືອງໃນ ຄື: ເມືອງຈັນທະບູລີ, ເມືອງ ສີໂຄດຕະບອງ, ເມືອງສີສັດຕະນາກ ແລະ ເມືອງໄຊເສດຖາ ແລະ ບາງສ່ວນຂອງ 3 ເມືອງນອກ ຄື: ເມືອງໄຊທານີ (ປິດ ແຕ່ຂົວທ່າງ່ອນເຂົ້າມາ), ເມືອງຫາດຊາຍຟອງ (ປິດແຕ່ສວນວັດທະນະທໍາຊຽງຄວນເຂົ້າມາ), ເມືອງນາຊາຍທອງ (ປິດ ແຕ່ບ້ານສີເກີດເຂົ້າມາ)

ປິດບັນດາໂຮງງານ, ຍົກເວັ້ນໂຮງງານທີ່ໄດ້ຜ່ານການກວດກາ ແລະ ໄດ້ຮັບອະນຸຍາດຈາກຄະນະສະເພາະກິດ ຂັ້ນສູນກາງ ແລະ ນະຄອນຫຼວງວຽງຈັນ * ນຳໃຊ້ໂຮງຮຽນຈຳນວນໜຶ່ງ ເປັນສູນຈຳກັດບໍລິເວນ ຂອງຜູ້ສຳຜັດໃກ້ຊິດກັບຜູ້ຕິດເຊື້ອ (C2)

ຍົກລະດັບມາດຕະການປັບໃໝ ຕໍ່ຜູ້ລະເມີດ ສູງສຸດຄື: 3.000.000 ກີບ/ຄົນ/ຄັ້ງ ແລະ 10.000.000 ກີບ/ນິຕິບຸກຄົນ/ຄັ້ງ, ພ້ອມທັງດຳເນີນຄະດີຕາມກົດໝາຍ ແລະ ໃຫ້ຮັບຜິດຊອບຄ່າເສຍຫາຍຕ່າງໆ ທີ່ເກີດຂຶ້ນ

ກະກຽມ ແລະ ປັບປຸງສູນປິ່ນປົວ ໃຫ້ສາມາດຮອງຮັບຜູ້ຕິດເຊື້ອໄດ້ໃນລະດັບ 1.000 ຕຽງ * ເພີ່ມຈຸດກວດຫາເຊື້ອ, ໃຫ້ວັກຊີນ, ໜ່ວຍກວດຫາເຊື້ອ ແລະ ໃຫ້ວັກຊີນເຄື່ອນທີ່

ຂ່າວລາວ