ສປປ ລາວ ເລັ່ງສັກວັກຊີນໃຫ້ໄດ້ 50% ຂອງປະຊາກອນ ນັກຮຽນອາຍຸ 17ປີ ແລະ ແມ່ຍິງຖືພາ12ອາທິດຂຶ້ນສັກວັກຊີນໄດ້

ສປປ ລາວ ເລັ່ງສັກວັກຊີນໃຫ້ໄດ້ 50% ຂອງປະຊາກອນ ນັກຮຽນອາຍຸ 17ປີ ແລະ ແມ່ຍິງຖືພາ12ອາທິດຂຶ້ນສັກວັກຊີນໄດ້

ປັດຈຸບັນຢູ່ໃນ ສປປ ລາວ ມີວັກຊີນປ້ອງກັນໂຄວິດ-19 ທີ່ໄດ້ນໍາເຂົ້າມາສັກມີ 5 ຊະນິດຄື: ຊີໂນຟາມ, ແອັດຕຣາເຊເນກາ, ສະປູນິກ, ໄຟເຊີ, ຈອນສັນ ແອນ ຈອນສັນ. ລວມມີທັງໝົດ 5.567,490 ໂດສ. ເຊິ່ງຢາດັ່ງກ່າວກໍໄດ້ມີການແຈກຈ່າຍໄປໃຫ້ກັບແຕ່ລະແຂວງ ໃນຂອບເຂດທົ່ວປະເທດ ເພື່ອສັກໃຫ້ກັບກຸ່ມປະຊາກອນທີ່ມີອາຍຸ ແຕ່ 18 ປີຂຶ້ນໄປ.

ມາຮອດປັດຈຸບັນສາມາດສັກວັກຊີນ ເຂັມທີ 1  ໄດ້ 2.788,830 ໂດສ ກວມເອົາ 38,01% ຂອງປະຊາກອນ ແລະ ເຂັມທີ 2 ສັກໄດ້ 1.907,657 ໂດສ ກວມເອົາ 26% ຂອງປະຊາກອນ. ໃນນັ້ນແຂວງທີ່ສັກກາຍ 50% ຂຶ້ນໄປແລ້ວກໍມີ ນະຄອນຫລວງ ແລະ ບໍ່ແກ້ວ ແລະ ແຂວງອື່ນໆກໍແມ່ນສະເລ່ຍຢູ່ໃນ 38% ຂອງເຂັມທີ 1. ຢູ່ແຕ່ລະແຂວງກໍພວມຕະລຸມບອນໃສ່ກັບການສັກເຂັມທີສອງ ຂອງ ຊີໂນຟາມ ແລະ ແອັດຕຣາເຊເນກາ ແລະ ຂໍໃຫ້ປະຊາຊົນບັນດາເຜົ່າຈົ່ງໄດ້ຮີບຮ້ອນເຂົ້າໄປບໍລິການ ເພື່ອສ້າງພູມຕ້ານທານໃຫ້ກັບຕົນເອງ.

ມາຮອດວັນທີ 19 ກັນຍາ 2021 ລາວເຮົາໄດ້ກວດວິເຄາະເຊື້ອທັງໝົດ 5.318 ຄົນ ພົບຜູ້ຕິດເຊື້ອໃໝ່ 371 ຄົນ, ນໍາເຂົ້າ 68 ຄົນ ຈາກ ສະຫວັນນະເຂດ 42 ຄົນ, ສາລະວັນ 13 ຄົນ, ຈໍາປາສັກ 10 ຄົນ, ນະຄອນຫຼວງວຽງຈັນ 2 ຄົນ ແລະ ຄໍາມ່ວນ 1 ຄົນ ເຊິ່ງກວດພົບຈາກແຮງງານລາວ ຫຼື ຜູ້ທີ່ເດີນທາງມາຈາກຕ່າງປະເທດ ເຂົ້າມາຕາມຈຸດຜ່ານແດນສາກົນ

ສະຖານະການໂຄວິດ 19 ມື້ນີ້ ວັນທີ 19 ກັນຍາ 2021 ພົບຜູ້ຕິດເຊື້ອໃໝ່ທັງໝົດ 371 ຄົນ ຊຸມຊົນ 303 ຄົນ ໃນນັ້ນຫຼາຍກວ່າໝູ່ແມ່ນນະຄອນຫຼວງວຽງຈັນ 225 ຄົນ, ຮອງລົງມາແມ່ນ 27 ຄົນ

ຂ່າວລາວ