ອາຍຸພຽງ 24 ປີ ແຕ່ມີທຸກຢ່າງຈາກການຂາຍອອນລາຍສາມາດຊື້ດິນ ເຮືອນໃຫ້ພໍ່ແມ່ໄດ້

ອາຍຸພຽງ 24 ປີ ແຕ່ມີທຸກຢ່າງຈາກການຂາຍອອນລາຍສາມາດຊື້ດິນ ເຮືອນໃຫ້ພໍ່ແມ່ໄດ້

ອາຍຸ 24 ປີ ແຕ່ມີທຸກຢ່າງຈາກການຂາຍອອນລາຍ “ຕາດຳສາວສູ້ຊີວິດ” ສາມາດຊື້ດິນ ເຮືອນໃຫ້ພໍ່ແມ່ໄດ້ 1 ສະໝອງ 2 ມື ລົງມືທຳ ແດ່ ທຸກຄົນ ທີ່ສູ້ຊີວິດ, ຫາກເວົ້າເຖິງແມ່ຄ້າອອນລາຍຂາຍຄຣີມ ຊື່ນີ້ຄົງຄຸ້ນກັນດີ ຕາດຳ ເຈົ້າຂອງແບຣນ B&T skin care – Oho ceram ລາຍໃຫຍ່ແຫ່ງປະເທດລາວ ມີຕົວແທນຈຳໜ່າຍ ທົ່ວປະເເທດ ແລະ ເປັນທີ່ປຶກສາການຕະຫຼາດອອນລາຍ.

ກ່ອນຈະເປັນແມ່ຄ້າອອນລາຍທີ່ປະສົບຜົນສຳເລັດຄືທຸກວັນນີ້ ຊີວິດຕາດຳໄດ້ຜ່ານຜ່າອຸປະສັກຫຼາຍຢ່າງ ແຕ່ຜູ້ກ່ຽວບໍ່ເຄີຍຍອມແພ້ຕໍ່ຊີວິດ ແລະ ເຊື່ອໝັ້ນຕໍ່ອາຊີບແມ່ຄ້າຂອງຕົນເອງສະເໝີ ວ່າມື້ໜຶ່ງຕ້ອງເຮັດໄດ້. ບໍ່ມີຄວາມສຳເລັດໃດ ທີ່ຈະບໍ່ໃຊ້ຄວາມພະຍາຍາມ ແລະ ເວລາ

”ຊີວິດຄົນເຮົາບໍ່ແນ່ນອນແທ້ໆ ຈາກຄົນທີ່ບໍ່ມີໃຜຮູ້ຈັກ ບໍ່ມີຄົນຢາກຄົບຫາ ເປັນຄົນສຸດທ້າຍທີ່ພີ່ນ້ອງຄິດຮອດ ເປັນຄົນທີ່ຖືກດູຖູກສາລະພັດ ຂັບລົດຈັກສົ່ງເຄື່ອງ ມາຕອນນີ້ ແນມໄປ 3 ປີກ່ອນ ຂ້ອຍມາໄກຫລາຍ  ຕາດຳເອົາຄຳເຫລົ່ານັ້ນມາເປັນແຮງບັນດານໃຈ ຕາດຳເຊື່ອວ່າຫລາຍຄົນກຳລັງທໍ້ກັບຊີວິດ ແຕ່ເຊື່ອບໍ່ເຈົ້າບໍ່ແມ່ນຄົນດຽວທີ່ທໍ້ແທ້ ຫລາຍຄົນຜ່ານມາ 1 ນັ້ນໃນ ຕາດຳກໍຜ່ານມາແລ້ວ ພິສູດໃຫ້ຫລາຍຄົນເຫັນວ່າຄົນທີ່ຢູ່ປາຍແຖວຄົນນີ້ ຕ້ອງກາຍມາເປັນອັນດັບຕົ້ນໆໃຫ້ໄດ້

ຕາດຳນັ່ງພິມໂພສນີ້ ແລະ ໄປຄົ້ນຮູບ 3 ປີຜ່ານມາ ກໍຍ້ອນຕາດຳເຊື່ອວ່າສິ່ງທີ່ຕາດຳໄດ້ສື່ໃຫ້ທຸກຄົນເຫັນມັນຈະເປັນແຮງຊຸກຍູ້ໃຫ້ຫລາຍຄົນທີ່ສູ້ຊີວິດໄດ້”

ຕາດຳແມ່ນສາວແມ່ຮ້າງລູກຕິດ ທີ່ຜ່ານທຸກຢ່າງມາໄດ້ ແລະ ຢືນດ້ວຍລຳແຄ່ງຕົນເອງ, ທັງມີທຸກຢ່າງທີ່ຕ້ອງການໄດ້ ໃນອາຍຸພຽງ 24 ປີເທົ່ານັ້ນ. ຜູ້ກ່ຽວເຄີຍກ່າວວ່າ: “ຂອບໃຈ ທຸກສິ່ງ, ທຸກຢ່າງ, ທັງຄວາມທຸກ, ຄວາມສຸກ ມັນສອນໃຫ້ເຮົາຮູ້ວ່າ ຖ້າຄວາມເຈັບປວດ. ຖ້າມັນບໍ່ເຮັດໃຫ້ເຮົາຕາຍ ມັນຈະເຮັດໃຫ້ເຮົາເຕີບໂຕ.”

ສະໄໝທີ່ຮຽນກໍເປັນຄົນປະຢັດ ຜູ້ກ່ຽວຍອມຮັບວ່າ “ຕາດຳແຕ່ງໂຕ ມໍຊໍ ບໍ່ຕິດຫລູ ເນື່ອງຈາກຕາດຳເອງ ເຄີຍທຸກມາກ່ອນ ແຕ່ກ່ອນຈະມາຮອດຈຸດນີ້. ຕ້ອງຂອບໃຈຄຳດູຖູກ ຄຳດູໝິ່ນ ແລະ ຄົນໃສ່ຮ້າຍ ຄົນທີ່ເຮັດໃສ່ ແລະ ສາລະພັດຄວາມທຸກ ທີ່ຕາດຳໄດ້ຜ່ານມາ ຂອບໃຈ ໂຮງງານ ທີ່ຕາດຳເຄີຍເຮັດວຽກ ແລະ ຂອບໃຈອາຊີບເສີບເຂົ້າປຽກໃນມື້ນັ້ນ ມື້ນີ້ 24 ປີເຕັມ ແຕ່ມີທຸກຢ່າງທີ່ຕ້ອງການ.”

ແລະ ນີ້ຄືເຫດການໃນຊີວິດແມ່ຄ້າທີ່ຕ້ອງສູ້ຂອງຕາດຳຫວັງວ່າຈະເປັນແຮງບັນດານໃຈ ແລະ ແຮງຊຸກຍູ້ໃຫ້ແມ່ຄ້າອອນລາຍໄດ້ເດີ້. ອາຊີບໃດກໍໄດ້ທີ່ສຸດຈະຫຼິດ ແລະ ເຮັດຢ່າງເຕັມທີ່ມື້ໃດມື້ໜຶ່ງຄວາມສຳເລັດຕ້ອງເປັນຂອງເຮົາຢ່າງແນ່ນອນ.

ທີ່ມາ : ບັນເທີງມ່ວນ

ຂ່າວບັນເທີງ ຂ່າວລາວ