ກອງທັບຈີນຊ່ວຍເຫຼືອອຸປະກອນການແພດໃຫ້ກອງທັບລາວເປັນ​ ຄັ້ງທີ​ 3

ກອງທັບຈີນຊ່ວຍເຫຼືອອຸປະກອນການແພດໃຫ້ກອງທັບລາວເປັນ​ ຄັ້ງທີ​ 3

ກອງທັບຈີນຊ່ວຍເຫຼືອອຸປະກອນການແພດໃຫ້ກອງທັບລາວເປັນ​ ຄັ້ງທີ​ 3 ຕາມ​ຂ່າວ​ CRI-FM93​ ລາຍງານວ່າ:

ວັນທີ 23 ພະຈິກນີ້ກອງທັບປົດປ່ອຍປະຊາຊົນຈີນໄດ້ສືບຕໍ່ໃຫ້ການຊ່ວຍເຫຼືອລ້າອຸປະກອນການແພດປ້ອງກັນໂຄວິດ-19 ໃຫ້ແກ່ກອງທັບປະຊາຊົນລາວ, ຕາງໜ້າຝ່າຍລາວກ່າວຮັບໂດຍທ່ານພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ​ ແລະ​ ຕາງໜ້າຝ່າຍຈີນກ່າວມອບໂດຍ​ ທ່ານ​ ຈ່ຽງ ຈ້າຍຕົ່ງ ເອກອັກຄະລັດຖະທູດ ແຫ່ງ ສປຈີນ ປະຈໍາ​ ສປປ​ ລາວ.

ນີ້ເປັນຄັ້ງທີ​ 3​ ທີ່ກອງທັບຈີນໃຫ້ການຊ່ວຍເຫຼືອແກ່ກອງທັບລາວແລະການຊວ່ຍເຫຼືອຄັ້ງນີ້ລວມມີອຸປະກອນການແພດປ້ອງກັນໂຄວິດ-19 ຈໍານວນ 14​ ລາຍການເຊິ່ງປະກອບມີເຄື່ອງກວດຫາເຊື້ອໂຄວິດ-19 ຈໍານວນ 403.200 ຊຸດ, ນໍ້າຢາກວດເຊື້ອໂຄວິດ-19 ຈໍານວນ 30.000 ຊຸດ, ເຄື່ອງຊ່ວຍຫາຍໃຈ 15​ ເຄື່ອງ, ເຄື່ອງແທກຄື້ນໄຟຟ້າຫົວໃຈ 10​ ເຄື່ອງ ແລະ​ ອື່ນໆ.

ຂ່າວຕ່າງປະເທດ ຂ່າວລາວ