ສຳພາດຄູຝຶກຫຼັງຈົບເກມ ຂ້ອຍພູມໃຈ ເຖິງວ່າທີມເຮົາຈະເສຍ ແຕ່ກໍສະແດງໃຫ້ເຫັນເຖິງແນວທາງທີ່ດີຂື້ນຂອງທີມ

ສຳພາດຄູຝຶກຫຼັງຈົບເກມ ຂ້ອຍພູມໃຈ ເຖິງວ່າທີມເຮົາຈະເສຍ ແຕ່ກໍສະແດງໃຫ້ເຫັນເຖິງແນວທາງທີ່ດີຂື້ນຂອງທີມ

ຫຼັງເກມລາຍການ Suzuki Cup 2020 ທີ່ທີມຊາດ Malaysia 4-0 Laos

ທ່ານ Selvaraj ຄູຝຶກສອນທີມຊາດລາວ ໄດ້ໃຫ້ສຳພາດຫຼັງເກມວ່າ: ” ເຖິງວ່າທີມເຮົາຈະເສຍ ແຕ່ກໍສະແດງໃຫ້ເຫັນເຖິງແນວທາງທີ່ດີ ແລະ ຂ້ອຍພູມໃຈກັບທີມໃນເລື່ອງການປັບປ່ຽນເທັກຕິກຂອງເກມການຫຼິ້ນບານ.​

ພວກເຮົາເລີ່ມຕົ້ນໂດຍສ້າງຄວາມແຕກຕ່າງຈາກເກມທຳອິດ ທີ່ພົບກັບຫວຽດນາມ ແລະ ແນ່ນອນວ່ານັກເຕະຂອງ ມາເລເຊຍ ລ້ວນແລ້ວແຕ່ມີຄວາມສາມາດສູງ ແຕກຕ່າງຈາກພວກເຮົາ

ແຕ່ຂ້ອຍພູມໃຈທີ່ເຫັນນັກເຕະໃນທີມພະຍາຍາມສ້າງຄວາມທ້າທາຍ ແລະ ຍົກລະດັບເກມໃຫ້ດີຂຶ້ນ ຕ້ອງບໍ່ລືມວ່າ ທີມພວກເຮົາເປັນທີມທີ່ມີນັກເຕະຂ້ອນຂ້າງອາຍຸນ້ອຍຫຼາຍໃນທີມ ແລະ ເປັນໂອກາດດີສຳລັບພວກເຂົາ ທີ່ຈະພັດທະນາ ແລະ ຮຽນຮູ້ເກັບເອົາປະສົບການຈາກການແຂ່ງຂັນລາຍການນີ້

ຂ່າວບັນເທີງ ຂ່າວລາວ