ລາວ-ໄທ ລົງນາມລາດຕະເວນຮ່ວມທາງນ້ຳຕາມລໍາແມ່ນ້ຳຂອງ ເພື່ອສະກັດ ການລັກລອບ ແລະ ຄ້າຂອງເຖື່ອນ

ລາວ-ໄທ ລົງນາມລາດຕະເວນຮ່ວມທາງນ້ຳຕາມລໍາແມ່ນ້ຳຂອງ ເພື່ອສະກັດ ການລັກລອບ ແລະ ຄ້າຂອງເຖື່ອນ

ລາວ-ໄທ ລົງນາມລາດຕະເວນຮ່ວມທາງນ້ຳຕາມລໍາແມ່ນ້ຳຂອງ ເພື່ອສະກັດ ການລັກລອບ ແລະ ຄ້າຂອງເຖື່ອນ

ກອງປະຊຸມກຽມຄວາມພ້ອມວຽກງານລາດຕະເວນຮ່ວມຕາມລໍາແມ່ນ້ຳຂອງ ຊາຍແດນ ລາວ- ໄທ, ໄທ-ລາວ ລະຫວ່າງ ແຂວງບໍ່ແກ້ວ ສ ປປ ລາວ ກັບ ອຳເພີຊຽງຂອງ ຈັງຫວດຊຽງຮາຍ ຣາຊາອານາຈັກໄທ ຄັ້ງປະຖົມມະລຶກ ປະຈຳປີ 2021 ເຊິ່ງໄດ້ຈັດຂຶ້ນໃນວັນທີ 28 ທັນວາ 2021 ນີ້, ຂົວມິດຕະພາບລາວ-ໄທ ແຫ່ງທີ 4 ປະເທດໄທ ໂດຍການເປັນປະທານຮ່ວມຝ່າຍ

ລາວນຳໂດຍ ທ່ານ ພັນເອກ ທອງໄຂ ສີຍາລາດ ຫົວໜ້າການທະຫານກອງບັນຊາການທະຫານແຂວງບໍ່ແກ້ວ, ຫົວໜ້າຄະນະປະສານງານປະຈຳພື້ນທີ່ຊາຍແດນ ລາວ-ໄທ ແລະ ຝ່າຍໄທໂດຍແມ່ນ ທ່ານ ນາວາເອກ ຈິລັດ ຜູກທອງ ຜູ່ບັງຄັບໜ່ວຍເຮືອຮັກສາຄວາມສະຫງົບຮຽບຮ້ອຍຕາມລໍາແມ່ນຳ້ຂອງເຂດຊຽງຮາຍ, ຮອງຫົວໜ້າຊຸດປະສານງານປະຈຳພື້ນທີ່ຊາຍແດນ ໄທ-ລາວ ພື້ນທີ່ພາກເໜືອຂອງໄທ ແລະ ພາກສ່ວນທີ່ກ່ຽວ ຂ້ອງ ທັງສອງຝ່າຍ ລາວ-ໄທ, ໄທ-ລາວ ເຂົ້າຮ່ວມ.

ກອງປະຊຸມໄດ້ກຳນົດຈຸດຂອບເຂດທີ່ຈະອອກເຄື່ອນໄຫວລາດຕະເວນຮວ່ມຄັ້ງນີ້້ເປັນ 6 ຈຸດ ໂດຍໃຊ້ເຮືອລາດຕະເວນ 05 ລຳ ເຮືອລາດຕະເວນຝ່າຍລາວ 02 ລຳ ແລະ ເຮືອລາດຕະເວນຝ່າຍໄທ 03 ລຳ ໃນການໄຫວຕົວຈິງແມ່ນເລີ່ມແຕ່ຂົວມິດຕະພາບລາວ-ໄທ ແຫ່ງທີ 4 ເມືອງຫ້ວຍຊາຍລົງໄປຮອດ ບ້ານຄົກຫຼວງ ເມືອງຫ້ວຍຊາຍ ລວມໄລຍະທາງ 20 ກິໂລແມັດ.

ຈາກນັ້ນ ທັງສອງຝ່າຍໄດ້ແລກປ່ຽນຄວາມຄິດເຫັນ ແລະ ປຶກສາຫາລືຈຸດປະສົງໃນການອອກເຄື່ອນໄຫວລາດຕະເວນຮ່ວມໃນຄັ້ງນີ້ກໍ່ ເພື່ອຮັກສາຄວາມສະຫງົບ, ຄວາມເປັນລະບຽບຮຽບຮອຍຕາມລໍາແມ່ນ້ຳຂອງຕອນເໜືອຂອງສອງປະເທດ ລາວ-ໄທ, ທັງເປັນການແກ້ໄຂການລັກລອບຂົນສົ່ງຢາເສບຕິດ, ການຂົນສົ່ງສິນຄ້າເຖື່ອນ, ການລັກລອບເຂົ້າ-ອອກເມືອງແບບຜິດກົດໝາຍ ແລະ ບັນຫາອື່ນໆທີ່ອາດຈະເກີດຂຶ້ນຕາມຊາຍແດນອີກດ້ວຍ.

ຂ່າວລາວ