ເມົາແລ້ວຂັບ ເຮັດໃຫ້​ເກີດອຸປະຕິເຫດລົດຕຳຮົ້ວກັ້ນຢູ່ທາງດ່ວນວຽງຈັນ​ ວັງວຽງ

ເມົາແລ້ວຂັບ ເຮັດໃຫ້​ເກີດອຸປະຕິເຫດລົດຕຳຮົ້ວກັ້ນຢູ່ທາງດ່ວນວຽງຈັນ​ ວັງວຽງ

– ແຈ້ງການກ່ຽວກັບອຸປະຕິເຫດ:ໃນວັນທີ​ 9​ ເມສາ​ 2021​ ທີ່ທາງແຍກສະຖານີນາຊອນ, ໄດ້ເກີດອຸປະຕິເຫດລົດຕຳຮົ້ວກັ້ນທາງດ່ວນ ສາເຫດຂອງການເກີດອຸປະຕິເຫດໃນຄັ້ງນີ້ແມ່ນເນື່ອງຈາກຜູ້ຂັບຂີ່ເມົາແລ້ວຂັບ, ປະກອບກັບການໃຊ້ຄວາມໄວໃນການຂັບຂີ່ທີ່ເກີນກຳນົດ, ອຸປະຕິເຫດດັ່ງກ່າວແມ່ນບໍ່ມີຜູ້ໄດ້ຮັບບາດເຈັບ.

-ສະພາບເຫດການ:ໃນຕອນຄ່ຳຂອງວັນທີ​ 9​ ເມສາ​ 2021​ ເວລາ​ປະມານ 19:52​ ນາທີ.​ ຢູ່ເທິງທາງດ່ວນວຽງຈັນ-ວັງວຽງ, ລະຫວ່າງສະຖານີນະຄອນຫຼວງ-ບ້ານບົວ.​ ລົດເກັງສີຂາວຄັນໜຶ່ງໄດ້ປະສົບອຸປະຕິເຫດຕຳເຂົ້າກັບຮົ້ວກັ້ນຂອງສະຖານີເກັບເງິນນາຊອນ, ໄກ້ກັບຈຸດກິໂລແມັດທີ K11+730, ແຕ່ບໍ່ມີຜູ້ໄດ້ຮັບບາດເຈັບແຕ່ຢ່າງໃດ.

ຕຳຫຼວດຈະລາຈອນ ແລະ​ ພະນັກງານບໍລິຫານຄຸ້ມຄອງທາງດ່ວນໄດ້ໄປຮອດທີ່ຈຸດເກີດເຫດ ແລະ​ ກວດສອບຫາສາເຫດທີ່ພາໃຫ້ເກີດອຸປະຕິເຫດຄັ້ງນີ້, ພ້ອມທັງດຳເນີນການຊ່ວຍເຫຼືອຜູ້ທີ່ປະສົບອຸປະຕິເຫດທັນທີ.

ອີງຕາມການໃຫ້ການຂອງຜູ້ຂັບຂີ່: ຈຶ່ງໄດ້ຊາບວ່າຜູ້ກ່ຽວໄດ້ດື່ມສິ່ງມຶນເມົາແລ້ວຂັບລົດ​ ແລະ​ ພາຍຫຼັງທີ່ດື່ມສິ່ງມຶນເມົາແລ້ວພາໃຫ້ບໍ່ມີສະຕິຈຶ່ງຂັບລົດດ້ວຍຄວາມໄວສູງ, ເຮັດໃຫ້ບໍ່ສາມາຄວບຄຸມລົດໄດ້, ຈຶ່ງເຮັດໃຫ້ເກີດອຸປະຕິເຫດດັ່ງກ່າວ.

ບໍລິສັດທາງດ່ວນລາວ-ຈີນຂໍເຕືອນມາຍັງນັກຂັບຂີ່ທຸກທ່ານ, ອຸປະຕິເຫດຄັ້ງນີ້ເຮັດໃຫ້ພວກເຮົາຮຽນຮູ້ວ່າ:

1​ ຫ້າມດື່ມສິ່ງມຶນເມົາແລ້ວຂັບລົດ, ຫ້າມເ​ມົາແລ້ວຂັບ, ຖ້ານັກຂັບຂີ່ທ່ານໃດດື່ມສິ່ງມຶນເມົາ ຫຼື​ ມີອາການເມົາແລ້ວ,​ ກະລຸນາຢ່າຂຶ້ນທາງດ່ວນ.

2.​ຫ້າມໃຊ້ຄວາມໄວເກີນກຳນົດໃນການຂັບຂີ່ເທິງທາງດ່ວນ

ຂ່າວລາວ