8ມື້ແລ້ວຍັງບໍ່ພົບ ສ່ວນເຈົ້າໜ້າທີ່ໄດ້ມີການຖອນກໍາລັງອອກ ຢຸດການຄົ້ນຫາພໍ່ຕູ້ພວງຊົ່ວຄາວ

8ມື້ແລ້ວຍັງບໍ່ພົບ ສ່ວນເຈົ້າໜ້າທີ່ໄດ້ມີການຖອນກໍາລັງອອກ ຢຸດການຄົ້ນຫາພໍ່ຕູ້ພວງຊົ່ວຄາວ

ເປັນເວລາ 8ມື້ແລ້ວທີ່ພໍ່ຕູ້ພວງຫຼົງປ່າ ແຕ່ຍັງຊອກບໍ່ພົບສ່ວນເຈົ້າໜ້າທີ່ໄດ້ມີການຖອນກໍາລັງອອກ ຢຸດການຄົ້ນຫາພໍ່ຕູ້ພວງຊົ່ວຄາວ

ທາງຍາດພີ່ນ້ອງໄດ້ແຕ່ພາວະນາ ແລະ ຂໍໃຫ້ມີຜູ່ໃຈບຸນຊ່ວຍພໍ່ຕູ້ໄວ້ໃຫ້ປອດໄພ

ເປັນມື້ ທີ່ 7 ທີ່ຊອກຫາ ພໍ່ຕູ້ ພວງ ສຸວັນນະວົງ ຫລົົງປ່າ, ມາຮອດຕອນແລງມື້ນີ້#ກະຍັງຊອກບໍ່ເຫັນເທື່ອ,​ ພາລະກິດໃນການຄົ້ນຫາຍັງຈະສືບຕໍ່ຈົນກ່ວາຈະພົບເຫັນ,​ພວກຂ້າພະເຈົ້າ ຂໍຂອບພະຄຸນເປັນຢ່າງສູງມາຍັງອຳນາດການປົກຄອງທ້ອງຖີ່ນ ບ້ານ,​ເມືອງ, ປກສ, ປກຊ, ຫນ່ວຍງານຕ່າງໆ ແລະ ຍາດຕິພີ່ນ້ອງ ທີ່ໃຫ້ການຊ່ວຍເຫລືອພວກເຮົາຕະຫລອດມາ, ພິເສດ ຂໍຂອບໃຈ ນຳ ຣີສອດ ນ້ຳປຽນຢໍລະປາ ທີ່ໃຫ້ການຊ່ວຍເຫລືອ ແລະ ອຳນວຍຄວາມສະດວກທຸກຢ່າງນັບແຕ່ມື້ເກີດເຫດຈົນເຖິງປະຈຸບັນ,​ອີກເທື່ອຫນື່ງຂໍຂອບໃຈນຳເພືີ່ອນ fc ທຸກທ່ານທີ່ຄອຍໃຫ້ກຳລັງໃຈ ຊ່ວກົດໄລ້,​ກົດແຊໃຫ້, ທ້າຍນີ້ຂໍອວຍພອນໃຫ້ທຸກໆທ່ານຈົ່ງຢູ່ດີມີແຮງ ທຳມາຄ້າຂື້ນເທີ້ນ(ຊ່ວຍແຊຕື່ມໃຫ້ແດ່ເດີ)020 55696948

ຂໍ້ມູນເພີ້ມເຕີມກ່ຽວກັບການສູນຫາຍຂອງພໍ່ຕູ້ພວງ ອາຍຸ 95 ປີ ລາຍລະອຽດດັ່ງນີ້:

ວັນທີ 03/10/2020 ພໍ່ຕູ້ພວງ ອາຍຸ 95 ປີ, ພ້ອມດ້ວຍຫຼານ 2 ຄົນ ອາຍຸ 32 ປີ ( ເປັນຫຼານສາວ ແລະ ຫຼານເຂີຍ ), ເຫຼນ3 ຄົນ ອາຍຸ 12 ປີ, 9 ປີ ແລະ 5 ປີ ຕາມລຳດັບ ລວມແລ້ວມານຳກັນທັງໝົດ 6 ຄົນ, ໃດ້ມາເຖິງສູນຂໍ້ມູນຂອງສະຖານທີ່ທ່ອງທ່ຽວນໍ້່າປຽນຢໍລະປ່າເວລາ 12:15 ( ຂໍ້ມູນຈາກຫຼານເຂີຍ )

ເວລາ 12:30 ທັງ 6 ຄົນໃດ້ໄປຮອດເຂດຮ້ານອາຫານ ( ເຂດປິກນິກ ແລະ ສວນນໍ້າ ), ແລ້ວໃຫ້ພໍ່ຕູ້ອາຍຸ 95 ປີ ກັບເຫຼນອາຍຸ 12 ປີລໍຖ້າຢູ່ເຂດຮ້ານອາຫານ ສ່ວນທີ່ເຫຼືອແມ່ນໃດ້ໄປຫຼິ່ນກິດຈະກຳ ( ຂໍ້ມູນຈາກຫຼານເຂີຍ )

ເວລາ 13:12 ນາທີ ເຫັນພໍ່ຕູ້ລົງໄປຢ່າງຂົວອູເພື່ອຂ້າມນໍ້າໄປຫາເຂດຕູບປິກນິກ ເຊິ່ງເຂດດັ່ງກ່າວຈະມີປ່າດົງຕຶບໜາ ແລະ ເຊື່ອມຕໍ່ກັບປ່າສະຫງວນທີ່ກວາງໃຫຍ່ ເຊິ່ງເປັນຄັ່ງສຸດທ້າຍທີ່ເຫັນພໍ່ຕູ້ຢູ່ໃນເຂດສະຖານທີ່ທ່ອງທ່ຽວນໍ້າປຽນຢໍລະປ່າ ( ຂໍ້ມູນຈາກກ້ອງວົງຈອນປິດ )

ເວລາ 14:15 ຫຼານ ແລະ ເຫຼນ 4 ຄົນທີ່ໄປຫຼິນກິດຈະກຳໃດ້ກັບມາຮອດຮ້ານອາຫານ ແລ້ວພົບເຫັນແຕ່ເຫຼນອາຍຸ 12 ປີນັ່ງຢູ່ຄົນດຽວບໍ່ເຫັນພໍ່ຕູ້ ຜູ້ເປັນຫຼານເຂີຍຈຶ່ງໃດ້ແຈ້ງພະງານຂອງນໍ້າປຽນຢໍລະປ່າ

ຫຼັງຈາກນັ້ນຍາດພີ່ນ້ອງ, ພະນັກງານສະຖານທີ່ທ່ອງທ່ຽວ, ເຈົ້າໜ້າທີ່ທະຫານ-ຕຳຫຼວດ ອຳນາດການປົກຄອງຂອງເມືອງປາກງຶ່ມ ແລະ ໜ່ວຍກູ່ໄພ 200 ກວາຄົນໃດ້ລະດົມກັນຊອກຫາທັງເວັນທັງຄືນຕາມປ່າເຂດໄກ່ຄຽງແຕ່ຈົນມາຮອດປະຈຸບັນຍັງບໍ່ພົບເຫັນພໍ່ຕູ້ເທື່ອ

ຊ່ວງເວລາປະມານ 15:00 ຫາ 16:00 ຂອງວັນທີ 03/10/2020 ມີປະຊາຊົນພົບເຫັນພໍ່ຕູ້ຢູ່ນອກເຂດສະຖານທີ່ທ່ອງທຽວນໍ້າປຽນຢໍລະປ່າ ເຊິ່ງນັງຢູ່ຕູບແຄມທາງໃຫຍ່ ຕິດກັບທາງແຍກທີ່ຈະເຂົ້າໄປຫານໍ້າປຽນຢໍລະປ່າ ( ຂໍມູນຈາກປະຊາຊົນທີ່ພົບເຫັນໃດ້ແຈ້ງບອກລູກຫຼານຂອງພໍ່ຕູ້ໃນມື້ຕໍ່ມາ ແຈ້ງວັນທີ 4/10/2020 )

ມາຮອດປະຈຸບັນຍັງບໍ່ທັນພົບເຫັນພໍ່ຕູ້ເທື່ອ ແຕ່ທີມຄົ້ນຫາກໍ່ຍັງສືບຕໍ່ຄົ້ນຫາຢູ່ ຖ້າທ່ານໃດພົບເຫັນພໍ່ຕູ້ເຊິ່ງໃສ່ຊຸດຕາມຮູບທີ່ໂພດລົງນີ້ ຊ່ວຍແຈ້ງລູກຫຼານເພີ່ນແນ່ເບີ: 02054700555

ຂ່າວລາວ