ສປປລາວ ຍັງບໍ່ພົບເຊື້ອສາຍພັນ ໂອໄມຄຣອນ ແຕ່ຍັງມີສິ່ງທີ່ນ່າເປັນຫ່ວງ

ສປປລາວ ຍັງບໍ່ພົບເຊື້ອສາຍພັນ ໂອໄມຄຣອນ ແຕ່ຍັງມີສິ່ງທີ່ນ່າເປັນຫ່ວງ

ໃນການລາຍງານຂ່າວ ຈາກຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂ້ການລະບາດພະຍາດໂຄວິດ 19 ໃນວັນທີ 03/01/2022 ຊີ້ໃຫ້ຮູ້ວ່າ ເຖິງແມ່ນວ່າ

ສປປລາວ ປັດຈຸບັນຍັງບໍ່ທັນມີລາຍງານ ການກວດພົບສາຍພັນ Omicron ກໍ່ຕາມ ແຕ່ສິ່ງທີ່ຍັງໜ້າເປັນຫ່ວງ ແມ່ນ ຍັງກວດພົບຜູ້ຕິດເຊື້ອໃໝ່ ໃນແຕ່ລະວັນ. ມື້ນີ້ ກໍ່ເປັນອີກມື້ໜື່ງ ທີ່ຕົວເລກຜູ້ຕິດເຊື້ອ ໃນທົ່ວປະເທດ ກວດພົບ 600 ກ່ວາຄົນ ເຖິງວ່າ ໃນໄລຍະ 2-3 ມື້ມານີ້ ຈຳນວນຜູ້ຕິດເຊື້ອຈະຫຼຸດລົງຫຼາຍກໍ່ຕາມ ຖ້າທຽບໃສ່ໄລຍະຜ່ານມາ ແຕ່ອັດຕາການກວດພົບເຊື້ອ ແມ່ນຍັງສູງຫຼາຍໃນແຕ່ລະແຂວງ, ຫຼາຍແຂວງເກີດລະບາດເປັນຈຸ້ມ ໃນຫຼາຍບ້ານ ຫຼາຍເມືອງ. ຮອດປັດຈຸບັນ ສປປ ລາວ ມີຈຳນວນຜູ້ຕິດເຊື້ອສະສົມທັງໝົດ 113.432 ຄົນ ໂດຍສະເພາະ ໃນໄລຍະນີ້ 99% ແມ່ນເກີດຈາກການຕິດເຊື້ອພາຍໃນ

ໃນໄລຍະປີໃໝ່ສາກົນນີ້ ຫຼາຍທ່ານໄດ້ເດີນທາງໄປຫາຄອບຄົວ ຢູ່ຕ່າງແຂວງ ຫຼື ໄປທ່ອງທ່ຽວຢູ່ຕາມສະຖານທີ່ສາທາລະນະຕ່າງໆ ເປັນຈຳນວນຫຼວງຫຼາຍ ເຊີ່ງມີຄວາມສ່ຽງສູງທີ່ຈະໃກ້ຊິດສຳຜັດກັບຫຼາຍຄົນ ແລະ ອາດຈະຕິດເຊື້ອພະຍາດໂຄວິດ-19 ໄດ້.

ສະນັ້ນ ກໍ່ຂໍໃຫ້ບັນດາທ່ານທີ່ເດີນທາງກັບຈາກການທ່ອງທ່ຽວ ໃຫ້ຕິດຕາມອາການຕົນເອງ ແລະ ຄົນໃນຄອບຄົວຢ່າງໃກ້ຊິດ, ຖ້າຫາກທ່ານ ມີອາການບໍ່ສະບາຍຄ້າຍຄືໄຂ້ຫວັດ ກໍ່ໃຫ້ໄປເກັບຕົວຢ່າງກວດຫາເຊື້ອຢູ່ຕາມບັນດາໂຮງໝໍ ແລະ ສະຖານທີ່ເກັບຕົວຢ່າງທີ່ທາງຄະນະສະເພາະກິດກຳນົດໄວ້ ເພາະວ່າ ຖ້າກວດພົບເຊື້ອໄວ ກໍ່ຈະໄດ້ປີ່ນປົວໄວ ເພື່ອປ້ອງກັນບໍ່ໃຫ້ການຕິດເຊື້ອ ກ້າວໄປສູ່ອາການທີ່ຮຸນແຮງ ຫຼື ຂັ້ນວິກິດ.

ຂ່າວລາວ