ອີກແລ້ວ ຜູ້ລະເມີດ ພົນລະເມືອງດີແຈ້ງຂໍ້ມູນເຈົ້າໜ້າທີ່ນຳໃຊ້ມາດຕະການປັບໃໝຕໍ່ຜູ້ຊຸມແຊວ

ອີກແລ້ວ ຜູ້ລະເມີດ ພົນລະເມືອງດີແຈ້ງຂໍ້ມູນເຈົ້າໜ້າທີ່ນຳໃຊ້ມາດຕະການປັບໃໝຕໍ່ຜູ້ຊຸມແຊວ

ເວລາ 22:00 ໂມງ ປກສ ກຸ່ມ ສີວິໄລ ໄດ້ຮັບແຈ້ງຂໍ້ມູນຈາກພົນລະເມືອງດີວ່າ: ມີການຕັ້ງວົງຊຸມແຊວເຫຼົ້າ-ເບຍ ເຈົ້າໜ້າທີ່ຈຶ່ງໄດ້ສົມທົບກັບອຳນາດການປົກຄອງບ້ານລົງກວດກາພົບເຫັນໄວລຸ້ນຈຳນວນ 6 ຄົນ ຍິງ 4 ຄົນ

ຢູ່ຫ້ອງແຖວເຂດບ້ານຊ້າງຄູ້ ເມືອງໄຊທານີ ນວ ຈຶ່ງໄດ້ເຊີນພວກກ່ຽວມາຫ້ອງການບ້ານ ເພື່ອສຶກສາອົບຮົມກ່າວເຕືອນ ແລະ ປັບໃໝ100,000 ກີບ/ຄົນ ລວມເປັນເງິນ 600,000 ກີບ.

ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງເຈົ້າຂອງກິດຈະການ, ຫົວໜ່ວຍທຸລະກິດຕ່າງໆ ໃຫ້ເປັນເຈົ້າການໃນການປ້ອງກັນ, ສະກັດກັ້້ນ, ການແຜ່ລະບາດພະຍາດໂຄວິດ-19 ຢ່າງເຂັ້ມງວດ

ຖ້າເມີນເສີຍປ່ອຍໃຫ້ເຄຫາສະຖານຂອງຕົນ ເປັນບ່ອນຊຸມແຊວເຫຼົ້າເບຍທີ່ເປັນສາເຫດເຮັດໃຫ້ການແຜ່ລະບາດພະຍາດໂຄວິດ-19 ຂະຫຍາຍອອກສູ່ວົງກວ້າງ

ຂ່າວລາວ