ນະຄອນໄກສອນ ພົມວິຫານ ຈະເປີດສັກວັກຊິນໃຫ້ເດັກອາຍຸ 6-11 ປີ ໃນໄວໆນີ້

ນະຄອນໄກສອນ ພົມວິຫານ ຈະເປີດສັກວັກຊິນໃຫ້ເດັກອາຍຸ 6-11 ປີ ໃນໄວໆນີ້

ນະຄອນໄກສອນ ພົມວິຫານ ຈະເປີດສັກວັກຊິນໃຫ້ເດັກອາຍຸ 6-11 ປີ ໃນໄວໆນີ້ ຫ້ອງການສາທາລະນະສຸກ ນະຄອນໄກສອນ ພົມວິຫານ ແຂວງສະຫວັນນະເຂດ ຈະເປີດສັກກວັກຊິນປ້ອງກັນພະຍາດໂຄວິດ-19 ໃຫ້ເດັກອາຍຸລະຫວ່າງ 6 ຫາ 11 ປີ ແລະ 12 ຫາ 17 ປີ ໃນທ້າຍເດືອນພະຈິກ ຫາ ເດືອນທັນວາ 2021ນີ້,

ຊຶ່ງມາຮອດປະຈຸບັນ ທີມງານແພດຫມໍໄດ້ເຄື່ອນໄຫວສັກຢາປ້ອງກັນພະຍາດ ໂຄວິດ-19 ໃຫ້ປະຊາຊົນກຸ່ມເປົ້າໝາຍທົ່ວໄປ ແລະກຸ່ມສ່ຽງໄດ້ແລ້ວ 61,2% ຂອງປະຊາກອນທັງໝົດ. ທ່ານ ນາງ ວິລະຢາ ຊະນະວົງໄຊ ຫົວໜ້າຫ້ອງການສາທາລະນະສຸກ ນະຄອນໄກສອນ ພົມວິຫານ ໄດ້ໃຫ້ສຳພາດວ່າ

ມາຮອດປະຈຸບັນທີມງານຫ້ອງການສາທາລະນະສຸກ ນະຄອນ ໄກສອນ ພົມວິຫານ ໄດ້ເຄື່ອນໄຫວສັກຢາປ້ອງກັນພະຍາດ ໂຄວິດ 19 ໃຫ້ປະຊາຊົນກຸ່ມເປົ້າໝາຍທົ່ວໄປ ແລະກຸ່ມສ່ຽງໄດ້ແລ້ວ 61,2% ຂອງປະຊາກອນທັງໝົດ, ໃນນັ້ນ ເຂັມທີ 1 ສັກໄດ້ 84ພັນ967ຄົນ ແລະເຂັມທີ 2 ໄດ້ 79ພັນ 67ຄົນ ແລະຍັງສືບຕໍ່ສັກຢູ່ຕາມຈຸດຕ່າງໆ ເປັນຕົ້ນຕາມສຸກສາລາ ແລະໂຮງໝໍນ້ອຍ ພາຍໃນນະຄອນ ໄກສອນ ພົມວິຫານ,

ສ່ວນເດັກອາຍຸລະຫວ່າງ 6 ຫາ 11 ປີ ແລະ 12 ຫາ 17 ປີ ແມ່ນຈະເລີ່ມໃນທ້າຍເດືອນພະຈິກ ຫາເດືອນທັນວາ 2021ນີ້.

ສະນັ້ນຈຶ່ງຮຽກຮ້ອງພໍ່ແມ່ຜູ້ປົກຄອງຈົ່ງນຳເອົາລູກຫຼານຂອງຕົນໄປສັກວັກຊີນ ຕາມຈຸດທີ່ກຳນົດ ເປັນຕົ້ນ ຫ້ອງການປົກຄອງບ້ານ, ສຸກສາລາ ແລະ ໂຮງໝໍນ້ອຍ 8 ແຫ່ງທີ່ຂຶ້ນກັບນະຄອນໄກສອນພົມວິຫານ ຫຼືໂທລະສັບສອບຖາມລາຍລະອຽດໄດ້ ທີ່ເບີ 041 212008.

ຂໍ້ມູນ: ເສດຖະກິດ-ສັງຄົມ

ຂ່າວລາວ