ແຊຣ໌ເກັບໄວ້ເບີ່ງເລີຍ! ລາຍລະອຽດກຳນົດເວລາການຊື້ປີ້ລົດໄຟລາວ-ຈີນ

ແຊຣ໌ເກັບໄວ້ເບີ່ງເລີຍ! ລາຍລະອຽດກຳນົດເວລາການຊື້ປີ້ລົດໄຟລາວ-ຈີນ

ແຊຣ໌ໄວ້ເລີຍ! ລາຍລະອຽດການຊື້ປີ້ ລົດໄຟ ລາວ – ຈີນ ເງື່ອນໄຂມີຫຍັງແດ່? ມີຄຳຕອບດັ່ງລຸ່ມນີ້:

ກຳນົດເວລາຂາຍປີ້ລົດໄຟລາວ-ຈີນ​ ນະຄອນຫລວງວຽງຈັນ-ບໍ່ເຕັນ​ ເລີ່ມ 7:00-10:00 ໂມງ ທຸກມື້.

ນະຄອນຫລວງວຽງຈັນ-ຫລວງພະບາງ​ (ຂາຍປີ້, 14:00-16:00 ໂມງ ທຸກມື້)

ສໍາລັບພາຍໃນປະເທດ ໂດຍຈະມີການບໍລິການ 2 ຖ້ຽວຕໍ່ມື້ຄື: – ນະຄອນຫຼວງວຽງຈັນ-ບໍ່ເຕັນ 1 ຖ້ຽວ (ໄປ-ກັບ) ແລະນະຄອນຫຼວງວຽງຈັນ-ຫຼວງພະບາງ 1 ຖ້ຽວ​ (ໄປ-ກັບ).

ເວລາເດີນລົດມີ:

– ເວລາ 8:00​ ໂມງ ລົດໄຟອອກຈາກສະຖານີນະຄອນຫຼວງວຽງຈັນ

-ບໍ່ເຕັນ ແລະກັບແຕ່ສະຖານີບໍ່ເຕັນ-ສະຖານີນະຄອນຫຼວງວຽງຈັນເວລາ12.00ໂມງ

– ເວລາ 15:44​ ໂມງ ນະຄອນຫຼວງວຽງຈັນ-ຫຼວງພະບາງ ແລະກັບຈາກຫຼວງພະບາງ

-ນະຄອນຫຼວງວຽງຈັນເວລາ 18:16 ໂມງ.

ໃນນັ້ນ, ຈະເປີດບໍລິການກ່ອນ 6 ສະຖານີຄື: ສະຖານີນະຄອນຫຼວງວຽງຈັນ, ໂພນໂຮງ, ວັງວຽງ, ຫຼວງພະບາງ, ເມືອງໄຊ ແລະ ສະຖານີບໍ່ເຕັນ’ທີ່ສາມາດຊື້ປີ້ໄດ້

ໃນຕອນເຊົ້າວັນທີ​ 4​ ທັນວາ​ 2021​ ນີ້​ ບັນຍາກາດຊື້ປີ້ລົດໄຟ ໃນມື້ເປີດໃຫ້ມວນຊົນເດີນທາງ​ເປັນມື້ທຳອິດ ທີ່ສະຖານີນະຄອນຫຼວງວຽງຈັນ​ ເຫັນວ່າມີບັນຍາກາດຄືກຄືນ ມີຜູ້ໂດຍສານ ຢືນລຽນແຖວຍາວ ເພື່ອຊື້ປີ້ຂີ່ລົດໄຟສາຍແຫ່ງປະຫວັດສາດຂອງປະເທດ.​

ຜູ້ໃຊ້ເຟສບຸກຊື່: Xaisongkham Induangchanthy ແບ່ງປັນຂໍ້ມູນ ໃຫ້ຮູ້ວ່າ: ທ່ານໃດມີແຜນເດີນທາງຂີ່ລົດໄຟ ມື້ສອງມື້ຕໍ່ຫນ້ານີ້, ມີແນວໂນ້ມວ່າ ປີ້ເຕັມ. ແນະນຳໃຫ້ຊື້ປີ້ກ່ອນແຜນເດີນທາງ ຢ່າງຫນ້ອຍ 2 ມື້.

– ເບື້ອງຕົ້ນເພີ່ນຮັບແຕ່ເງິນສົດ.

– ເງື່ອນໄຂການຊື້ປີ້: ມີບັດສັກວັກຊີນຄົບ (1- 2 ເຂັມ, ແລ້ວແຕ່ຊະນິດຢາ) + ບັດປະຈຳໂຕ ຫລື ພາສປໍ ຫລື ປຶ້ມສຳມະໂນຄົວ.

– ສາມາດຊື້ແທນກັນໄດ້ ຂອບໃຈພາບລວມຈາກເຟສບຸກ

ຂ່າວລາວ