ສຶກສາອົບຮົມຊາວຄ້າຂາຍ ທີ່ຂາຍເຄື່ອງຊະຊາຍຕາມແຄມທາງ.

ສຶກສາອົບຮົມຊາວຄ້າຂາຍ ທີ່ຂາຍເຄື່ອງຊະຊາຍຕາມແຄມທາງ.

ໃນຕອນເຊົ້າຂອງວັນທີ 06 ພະຈິກ 2021 ເຈົ້າໜ້າທີ່ ປກສ ກຸ່ມ ສວນມອນ ສົມທົບກັບການຈັດຕັ້ງບ້ານສວນມອນ ເມືອງສີສັດຕະນາກ ນະຄອນຫຼວງວຽງຈັນ ລົງຈັດສັນຄວາມເປັນລະບຽບຮຽບຮ້ອຍ, ສຶກສາອົບຮົມ ຊາວຄ້າຂາຍ ທີ່ນຳເອົາເຄື່ອງມາວາງຂາຍຢູ່ຕາມທາງຍ່າງ ເຂດບ້ານສວນມອນ ຈຳນວນ 18 ຮ້ານ ທີ່ໄດ້ຮັບຜົນກະທົບຈາກການປິດຕະຫຼາດ

ເນື່ອງຈາກສະພາບການແຜ່ລະບາດຂອງເຊື້ອໂຄວິດ ຢູ່ເຂດບ້ານດັ່ງກ່າວ (ເຮັດໃຫ້ບໍ່ມີສະຖານທີ່ຄ້າຂາຍ).

ພັທ ວຽງຄອນ ແສງພະຈັນ ຮອງຫົວໜ້າ ປກສ ກຸ່ມສວນມອນ ໃຫ້ຮູ້ວ່າ

ຈຳນວນທີ່ນຳເອົາເຄື່ອງມາຂາຍຕາມທາງຍ່າງດັ່ງກ່າວ ເຈົ້າໜ້າທີ່ໄດ້ສຶກສາອົບຮົມ ກ່າວເຕືອນ ແລະ ບັນທຶກປະຫວັການເຄື່ອນໄຫວ ໃຫ້ຢຸດເຊົາ ການມາຂາຍເຄື່ອງຢູ່ຕາມທາງຍ່າງ ເນື່ອງຈາກເຮັດໃຫ້ບໍ່ມີຄວາມເປັນລະບຽບຮຽບຮ້ອຍ ເຮັດໃຫ້ການໄປ-ມາຂອງຜູ້ທີ່ໃຊ້ຖະໜົນບໍ່ໄດ້ຮັບຄວາມສະດວກ.

ຂ່າວລາວ