ຈັບຊາຍມືບອນ ລັກຈູດກອງເຂົ້າທີ່ປະຊາຊົນກອງໂຮມໄວ້

ຈັບຊາຍມືບອນ ລັກຈູດກອງເຂົ້າທີ່ປະຊາຊົນກອງໂຮມໄວ້

ປກສ ເມືອງສັງທອງ ຈັບຄຸມຕົວໄວ້ຕັ້ງແຕ່ວັນທີ່ 28 ຕຸລາ 2021 ຜ່ານມາ ຜ່ານການສອບສວນສືບສວນ ໝໍໃຫ້ປາກຄຳວ່າ ໄດ້ລົງມືຈູດກອງເຂົ້າຍ້ອນວ່າ ເຈົ້າຂອງກອງເຂົ້າບໍ່ຈ່າຍຄ່າແຮງງານໃຫ້ຕົນເອງ

ຊຶ່ງໝໍໄດ້ອ້າງວ່າຕົນເອງໄດ້ຮັບຈ້າງກູ້ເຂົ້າໃນມື້ນັ້ນ ບໍ່ພໍໃຈທີ່ບໍ່ຈ່າຍຄ່າແຮງໃຫ້. ທ້າວ ລັດດາ ອາຍຸ 23 ປີ ອາຊີບ ກໍາມະກອນ ຢູ່ບ້ານກົ້ວ ເມືອງສັງທອງ ນະຄອນຫຼວງວຽງຈັນ ຖືກເຈົ້າໜ້າທີ່ພະແນກຕໍາຫຼວດ ປກສ ເມືອງສັງທອງ ກັກຕົວໃນວັນທີ 3 ພະຈິກ 2021 ຂໍ້ຫາທໍາລາຍຊັບຂອງພົນລະເມືອງ (ຈູດກອງເຂົ້າ) ສ້າງຜົນເສຍຫາຍຈໍໍານວນ 7 ລ້ານກີບ.

ຜ່ານການສອບສວນ ຜູ້ກ່ຽວໄດ້ຮັບສາລະພາບວ່າ: ໄດ້ລົງມືກໍ່ເຫດໃນຄັ້ງນີ້ແທ້ ຍ້ອນມີຄວາມບໍ່ພໍໃຈ ທີ່ເຈົ້າຂອງກອງເຂົ້າບໍ່ຈ່າຍຄ່າແຮງງານ ທີ່ຕົນຮັບຈ້າງກູ້ເຂົ້າໃນມື້ນັ້ນ ເຊິ່ງເຈົ້າຂອງກອງເຂົ້າໄດ້ບອກຕົນວ່າຫຼັກຄ່າທີ່ຕົນຢືມກ່ອນໜ້າໝົດ ຕົນຈິ່ງເກີດຄວາມບໍ່ພໍໃຈ ແລະ ໄດ້ລົງມືກໍ່ເຫດ. ຕໍ່ກັບຄະດີດັ່ງກ່າວ ກອງບັນຊາການ ປກສ ເມືອງສັງທອງ ຈະໄດ້ດໍາເນີນຄະດີຕາມລະບຽບກົດໝາຍ.

ແຕ່ການແກ້ບັນຫາແບບນີ້ແມ່ນບໍ່ຖືກ ແຕ່ການກະທຳດັ່ງກ່າວນີ້ກໍ່ຖືວ່າຜິດແນ່ນອນ ເຫດເກີດຢູ່ ບ້ານກົ້ວ ເມືອງສັງທອງ ນະຄອນຫຼວງວຽງຈັນ ມູນຄ່າເສຍຫາຍໂດຍປະມານ 7 ລ້ານກີບ

ຂ່າວລາວ