ພະ​ມະ​ຫາ​ກະ​ສັດ​ໄທ ສົ່ງ​ສານອວຍ​ພອນ​ວັນ​ຊາດ​ລາວ

ພະ​ມະ​ຫາ​ກະ​ສັດ​ໄທ ສົ່ງ​ສານອວຍ​ພອນ​ວັນ​ຊາດ​ລາວ

ພະ​ມະ​ຫາ​ກະ​ສັດ​ໄທ ສົ່ງ​ສານອວຍ​ພອນ​ວັນ​ຊາດ​ລາວ

ມະຫາວະຊິຣະລົງກອນ ພະວະຊິຣະເກົ້າເຈົ້າຢູ່ຫົວ ແຫ່ງ ຣາຊະອານາຈັກໄທ ໄດ້​ສົ່ງ​ສານອວຍ​ພອນ ເຖິງ ທ່ານ ທອງ​ລຸນ ສີ​ສຸ​ລິດ ປະ​ທານ​ປະ​ເທດ ແຫ່ງ ສ​ປ​ປ ລາວ ເມື່ອ​ບໍ່​ດົນ​ມາ​ນີ້, ຊຶ່ງ​ມີ​ເນື້ອ​ໃນ​ດັ່ງ​ນີ້:

ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ, ຂ້າພະເຈົ້າ ຂໍສະແດງຄວາມຍິນດີດ້ວຍຄວາມຈິງໃຈ ແລະ ຂໍອວຍພອນໃຫ້ທ່ານປະທານປະເທດ ມີພະລານາໄມແຂງແຮງ ແລະ ມີຄວາມຜາສຸກ ລວມທັງຂໍໃຫ້ປະເທດ ແລະ ປະຊາຊົນຊາວລາວ ປະສົບຄວາມສໍາເລັດ ແລະ ຈະເລີ່ນຮຸ່ງເຮືອງ ຍິ່ງໆຂຶ້ນໄປ.

ຕະຫຼອດໄລຍະເວລາຜ່ານ​ມາ ສາທາລະນະລັດ ປະຊາທິະໄຕ ປະຊາຊົນລາວ ແລະ ປະເທດໄທ ໄດ້ດໍາເນີນການພົວພັນມິດຕະພາບຢ່າງແໜ້ນແຟ້ນ ດ້ວຍຄວາມເຂົ້າໃຈອັນດີ ແລະ ເຄົາລົບຊຶ່ງກັນ ແລະ ກັນຕະຫຼອດມາ, ພ້ອມທັງມີບຸກຄົນສໍາຄັນ ແລະ ປະຊາຊົນທັງສອງຝ່າຍກໍມີນໍ້າໃຈໄມຕີໄປມາຫາສູ່ກັນມາໂດຍຕະຫຼອດ.

ຂ້າພະເຈົ້າ ເຊື່ອເປັນຢ່າງຍິ່ງວ່າ ການພົວພັນອັນໃກ້ຊິດດັ່ງກ່າວ ຈະໄດ້ຮັບການສືບຕໍ່ພັດທະນາກ້າວໜ້າຕໍ່ໄປ ທັງມີສ່ວນສໍາຄັນທີ່ສົ່ງເສີມການຮ່ວມມືໃນກິດຈະການດ້ານຕ່າງໆ ເປັນຕົ້ນ: ດ້ານວັດທະນະທໍາ, ການຄ້າ, ການລົງທຶນ ແລະ ການທ່ອງທ່ຽວໃຫ້ເຂັ້ມແຂງ ແລະ ເພີ່ມພູນຍິ່ງຂຶ້ນ ເພື່ອຜົນປະໂຫຍດຮ່ວມກັນຂອງປະເທດ ແລະ ປະຊາຊົນທັງສອງຝ່າຍໃນຫຼາຍດ້ານ.

ຂ່າວຕ່າງປະເທດ ຂ່າວລາວ