ຄລິບຖຽງສະນັ່ນ…ແຈ້ງໃຫ້ທາງພາກສ່ວນກ່ຽວຂ້ອງລົງກວດກາດ່ວນ ການຊຸມແຊວເປີດເພງສຽງດັງ

ຄລິບຖຽງສະນັ່ນ…ແຈ້ງໃຫ້ທາງພາກສ່ວນກ່ຽວຂ້ອງລົງກວດກາດ່ວນ ການຊຸມແຊວເປີດເພງສຽງດັງ

ຂໍອະນຸຍາດນຳໃຊ້ Facebook ລົງຂ່າວເລື່ອງມົນລະພິດທາງສຽງລະເມີດຄຳສັ່ງເຈົ້າຄອງນະຄອນຫຼວງວຽງຈັນ (ລາຍລະອຽດຄຳສັ່ງເບິ່ງໄດ້ໃນຮູບແຖວທ້າຍໆ).

ໝາຍເຫດ: ເນື້ອຫາມີການຮ້ອງຖຽງໂວຍວາຍສຽງດັງ.

ໃນວັນອາທິດ 27 ມີນາ 2022 ເວລາ 22:15 ມື້ອື່ນວັນຈັນຂ້ອຍຕ້ອງຕື່ນມາເຮັດວຽກ ແລະ ນ້ອງສາວຂ້ອຍຕ້ອງໄປຮຽນໜັງສືແຕ່ເຊົ້າ. ດັ່ງນັ້ນ ພວກເຮົາຕ້ອງການພັກຜ່ອນ ແຕ່ຂ້າງບ້ານ (ຮ້ານ ຫຼ້າ ເມືອງພວນ ຂາຍລົດໃຫຍ່ ຂາຍສົດ-ຂາຍຜ່ອນ 020 5999 9114, 030 999 9114 ທີ່ບ້ານໜອງພະຍາໃກ້ກັບອານຸສິດສາຂາໜອງພະຍາ) ຊຸມແຊວເປີດເພງສຽງດັງອຶກກະທຶກເນື່ອງໃນໂອກາດໃດກໍບໍ່ຊາບໂດຍທີ່ບໍ່ໄດ້ຮັບອະນຸຍາດຈາກພາກສ່ວນທີ່ກ່ຽວຂ້ອງໃຫ້ຈັດງານ

(ນີ້ບໍ່ແມ່ນຄັ້ງທຳອິດ ມີເຫດການແບບນີ້ຊ່ວງໂຄວິດ-19 ມາແລ້ວຫຼາຍຄັ້ງ ບາງຄັ້ງຮອດ 00:30 ກາງຄືນ) ຄັ້ງນີ້ ນ້ອງສາວຂ້ອຍໄປຂໍໃຫ້ຜ່ອນສຽງແລ້ວເທື່ອໜຶ່ງ ແຕ່ເພິ່ນບໍ່ຜ່ອນສຽງໃຫ້ ຊ້ຳບໍ່ໜໍາຍັງເປີດເພງສຽງດັງກວ່າເກົ່າອີກ ເລີຍໄປຂໍໃຫ້ຜ່ອນສຽງໃຫ້ອີກຄັ້ງ ແຕ່ກໍມີການຮ້ອງຖຽງໂວຍວາຍສຽງດັງສະແດງເຖິງຄວາມບໍ່ພໍໃຈຕໍ່ການທີ່ພວກເຮົາໄປຂໍໃຫ້ຜ່ອນສຽງລົງ.

ສະນັ້ນ, ພວກເຮົາຈຶ່ງຢາກຂໍໃຫ້ອົງການຈັດຕັ້ງທີ່ກ່ຽວຂ້ອງຊ່ວຍພິຈາລະນາແກ້ໄຂໃຫ້ແນ່ຖ້ອນ ເພາະໄດ້ໂທ ແລະ WhatsApp ໄປຫາສາຍດ່ວນຮັບແຈ້ງມົນລະພິດທາງສຽງ ປກສ ນະຄອນຫຼວງວຽງຈັນ ໝາຍເລກ 28899774 ແລ້ວ ແຕ່ເພິ່ນກໍໄດ້ພຽງແຕ່ຮັບເລື່ອງໄວ້ເທົ່ານັ້ນ ສ່ວນໝາຍເລກ 55609035 ແລະ 52555512 ແມ່ນບໍ່ມີໃຜຮັບສາຍ.

ຂ່າວລາວ