ສາວນ້ອຍໂນນີ້ ໄວ 12ປີ ກັບຄວາມສາມາດຫຼາກຫຼາຍບໍ່ແພ້ຜູ້ໃຫຍ່ ຈາກນາງງາມສູ່ການເປັນພິທີກອນ

ສາວນ້ອຍໂນນີ້ ໄວ 12ປີ ກັບຄວາມສາມາດຫຼາກຫຼາຍບໍ່ແພ້ຜູ້ໃຫຍ່ ຈາກນາງງາມສູ່ການເປັນພິທີກອນ

ບອກເລີຍວ່າພອນສະຫວັນຕ້ອງຄູ່ກັບພອນສະແຫວງ ຍິ່ງຍຸກນີ້ແລ້ວ ການທີ່ເຮົາເກັ່ງຫຼາຍໆດ້ານ ເປັນສິ່ງທີ່ດີ ເພື່ອທາງເລືອກ ແລະ ເຮັດສິ່ງຕ່າງໆໄດ້ຫຼາຍຢ່າງ

ການເລີ່ມໄວ ເລີ່ມກ່ອນຍິ່ງມີປະສົບການ ກ້າຄິດກ້າສະແດງອອກ ດັ່ງສາວນ້ອຍຄົນນີ້ ນ້ອງ ໂນນີ້ ພອນລິສາ ຈິດຕະພົງ ອາຍຸພຽງ 12 ປີ ແຕ່ເຄີຍຜ່ານເວທີປະກວດມາຫຼາຍເວທີ ບໍ່ວ່າຈະເປັນ ລາວຊຸບເປີໂມເດວຄິດ 2017 ໄດ້ ທ໋ອບ 6, ຄິດແອນຍັງໂມເດວຄອນເທສ2020 ໄດ້ຂວັນໃຈມວນຊົນ, ມິສບິວຕີ້ພາວເວີລາວຄິສ 2022 ໄດ້ມິສໄຊນີງສະຕາ ມາຄອບຄອງ

ຕັ້ງແຕ່ນັ້ນມາກໍຖືໄດ້ວ່າເດີນສາຍໃນວົງການບັນເທີງມາເປັນປະຈໍາ ດ້ວຍໂຕນ້ອງທີ່ມີພອນສະຫວັນໃນການເວົ້າ, ນິໄສໜ້າຮັກ ມັກສະແຫວງຫາປະສົບການເລື້ອຍໆ ບໍ່ວ່າຈະເປັນການລີວິວ, ການເປັນພິທີກອນ ຫຼ້າສຸດໄດ້ເປັນ MC ຢ່າງເຕັມໂຕ ໃນງານ ເທດສະການຄວາມສຸກໃນວັນເດັກ ບໍ່ວ່າເປັນການຈັດດ່ຽວ ແລະ ຄູ່

ໂດຍໂນນີ້ບອກວ່າ ຕື່ນເຕັ້ນດີໃຈສຸດໆ ທີ່ໄດ້ຈັບໄມຂຶ້ນເວົ້າເທິງເວທີ ຕໍ່ໜ້າຄົນຫຼາຍໆຄົນ ເປັນຄັ້ງທໍາອິດທີ່ອາດຈະເຮັດອອກມາໄດ້ຍັງບໍ່ຄ່ອຍດີ ແຕ່ໂນນີ້ກໍເຕັມທີ່ແລະ ໄດ້ຮັບຄໍາຍ້ອງຍໍຈາກຫຼາຍໆຄົນໃຫ້ມີກໍາລັງໃຈ

ການເປັນນາງງາມ ຫຼື ເວທີປະກວດ ກໍເປັນປະສົບການທີ່ດີ ໃນການເປັນທີ່ຮູ້ຈັກຂອງມວນຊົນ ການເປນຄົນຂອງສັງຄົມ ເຖິງອາຍຸຈະນ້ອຍ ແຕ່ວ່າເຮົາກໍມີຄວາມຝັນ, ມີຄວາມສາມາດທີ່ເຮົາ ຟຶກຝົນໄດ້ ນໍາມາປັບປ່ຽນຊີວິດເຮົາໃຫ້ດີຂຶ້ນໄດ້ ແລະ ການເປັນພິທີກອນ ຫຼື MC ກໍຖືເປັນການຕໍ່ຍອດທີ່ດີຈາກເວທີ ໃຫ້ເຮົາ ໄດ້ຮູ້ຈັກການເວົ້າຈາ, ລົມກັບຄົນໃນຈໍານວນຫຼາຍ ມັນທ້າທາຍ ແລະ ຕື່ນເຕັ້ນ ເຊິ່ງເຮົາກໍບໍ່ໄດ້ຖືວ່າເກັ່ງ ເຮົາຍັງຕ້ອງໄດ້ພົບ ແລະ ຮຽນຮູ້ຫຍັງອີກຫຼາຍໆຢ່າງອີກ

ໃນນາມທີ່ໂນນີ້ເປັນເດັກນ້ອຍ ເປັນຜູ້ຍິງ ເຊື່ອວ່າຜູ້ຍິງທຸກຄົນມີຄວາມຝັນ ພຽງມີຄວາມກ້າ, ຄິດ, ກ້າເຮັດແທ້ ໂອກາດມາຮີບຄວ້າ ຝຶກຝົນ ຜ່ານຄໍາເວົ້າຂອງຄົນ ຜ່ານຄວາມທ້າທາຍ ຕື່ນເຕັ້ນໄປໃຫ້ໄດ້ ຈັກມື້ໜຶ່ງຕ້ອງເປັນຂອງເຮົາ

ຈາກ: Phonerisa Nony Chittaphong

ຂ່າວບັນເທີງ