ເປີດນຳໃຊ້ທາງລົດໄຟ ລາວ-ຈີນ ຢ່າງເປັນທາງການ ວັນທີ 2 ທັນວາ 2021

ເປີດນຳໃຊ້ທາງລົດໄຟ ລາວ-ຈີນ ຢ່າງເປັນທາງການ ວັນທີ 2 ທັນວາ 2021

ໃນຕອນເຊົ້າຂອງ ວັນທີ 2 ທັນວາ 2021, ທີ່ສະຖານີລົດໄຟນະຄອນຫລວງວຽງຈັນ, ບ້ານໄຊ ເມືອງໄຊທານີ ໄດ້ມີພິທີເບີກໂຊກໄຊຍະມຸງຄຸນ ເສັ້ນທາງລົດໄຟລາວ-ຈີນ  ນຳໂດຍ ທ່ານ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສປປ ລາວ, ການນຳພັກຫຼັດພ້ອມດ້ວຍພຸດທະ ສາສະນິກກະຊົນ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ໃນພິທີ ພາຍຫຼັງເຕົ້າໂຮມພົນແລ້ວ ທ່ານນາຍົກລັດຖະມົນຕີ ໄດ້ຂຶ້ນໄຕ້ທູບທຽນບູຊາພຣະຣັດຕະນະໄຕ ຈາກນັ້ນກໍລັ່ນຄ້ອງ 9 ບາດ ເພື່ອເປັນສິຣິມຸງຄຸນ. ກ່ອນຈະເຂົ້າສູ່ມິພິທີໄຫວ້ພຣະຣັດຕະນະໄຕ ຮັບສິນ, ສູດປະລິຕະມະຫາມຸງຄຸນໄຊຫລວງ (ສູດມະຫາໄຊຍະມຸງຄຸນຫລວງ), ຟັງທຳມະເທດສະໜາບັນຍາຍ 1 ກັນ, ກ່າວຄຳຖວາຍສັງຂະທານ, ເຄນກັນບູຊາທຳມະເທດສະໜາ, ເຄນບ້າງປັດໄຈບູຊາທຳ, ຄາລະ ວະ-ຮັບພອນ-ຢາດນ້ຳ ແລະ ຕາງໜ້າຄະນະພະສົງພົມນ້ຳມົນສະຖານີ ແລະ ລົດໄຟ ເພື່ອເປັນສິຣິມຸງຄົນ ເອົາໂຊກເອົາໄຊ.

ພາຍຫລັງສໍາເລັດທິທີເບີກໂຊກໄຊຍະມຸງຄຸນ, ທ່ານ ພັນຄຳ ວິພາວັນ ນາຍົກລດຖະມົນຕີພ້ອມພັນລະຍາ ແລະ ການນຳຂັ້ນສູງ ເຂົ້າຊົມສະຖານີລົດໄຟ ແລະ ລົດໄຟ.

ພິທີເບີກໂຊກໄຊຍະມຸງຄຸນ ແມ່ນພິທີທີ່ມີຄວາມສຳຄັນທາງສາສະໜາ ເຊິ່ງໃນພິທີຈະສູດປະຣິດຕະມະຫາມຸງຄຸນໄຊຫລວງ (ສູດມະຫາໄຊຍະມຸງຄຸນຫລວງ) ເພື່ອກຳຈັດປັດເພີກສິ່ງບໍ່ດີທີ່ຢູ່ໃນສະຖານທີ່, ວັດຖຸ, ບຸກຄົນນັ້ນໆໃຫ້ອອກໄປ ເພື່ອເປັນສິຣິມຸງຄຸນໃນການດຳລົງຊີວິດ ແລະເສີມສ້າງບຸນຍາປາຣະມີໃຫ້ແກ່ຜູ້ທີ່ເຂົ້າຮ່ວມ.

ຂ່າວລາວ