ປະກົດການໝອກລົງໜາ ປົກຄຸມນະຄອນຫຼວງວຽງຈັນ ຫຼັງຝົນຕົກ

ປະກົດການໝອກລົງໜາ ປົກຄຸມນະຄອນຫຼວງວຽງຈັນ ຫຼັງຝົນຕົກ

ເປັນອີກມື້ທີ່ໝອກໜາລົງມາປົກຄຸມນະຄອນຫຼວງວຽງຈັນ ຫຼັງຝົນຕົກອາກາດໜາວເຢັນ ໂດຍໝອກເລີ່ມ​ມີແຕ່ເຊົ້າວັນທີ​ 22 ມັງກອນ​ ແລະ​ ມາປົກຄຸມອີກໃນເຊົ້າວັນທີ 23​ ມັງກອນ​ 2022​ ໜອກລົງໜາແບບນີ້ຂໍໃຫ້ຜູ້ທີ່ກຳລັງຂັບລົດເດີນທາງຈົ່ງລະມັດລະວັງ ເພາະທັດສະນະວິໄສໃນການເບິ່ງເຫັນອາດຫຼຸດລົງ.​

ກົມ​ອຸຕຸນິຍົມ​ ແລະ​ ອຸທົກກະສາດ​ ພະຍາກອນອາກາດປະຈຳວັນທີ 23/01/2022​ ວ່າ: ມວນອາກາດເຢັນຍັງສືບຕໍ່ແຜ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງປານກາງ, ສົມທົບກັບກະແສລົມຕາ ເວັນຕົກ ພັດປົກຄຸມພາກເໜືອ ແລະ ຕາເວັນອອກສ່ຽງໃຕ້ພັດປົກຄຸມ ພາກກາງ ແລະ ພາກໃຕ້, ຊຶ່ງຍັງຈະເຮັດໃຫ້ອາກາດເຢັນ ຫາ ໜາວເຢັນ ແລະ ຍັງຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນໃນແຕ່ລະພາກ. ສຳລັບຢູ່ພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນອາກາດຈະໜາວເຢັນຫຼາຍ.

ພະຍາກອນອາກາດແຕ່ເວລາ 07 ໂມງ ຂອງວັນທີ 23/01/2002 ຫາ ເວລາ 07 ໂມງຂອງວັນທີ 24/01/2022.​ ພາກເໜືອດ້ານຕາເວັນອອກ (ແຂວງ ຜົ້ງສາລີ, ຫົວພັນ ແລະ ຊຽງຂວາງ): ອາກາດໜາວເຢັນ ແລະ ຍັງຈະມີຝົນຕົກໃນລະດັບຄ່ອຍຢູ່ບາງທ້ອງຖີ່ນ ຫຼື ເນື້ອທີ່ການປົກຫຸ້ມຂອງຝົນເທົ່າກັບ 40% ຂອງພາກ. ອຸນຫະພູມໃນລະຫວ່າງ 10 – 23 ອົງສາ.

ພາກເໜືອດ້ານຕາເວັນຕົກ (ແຂວງ ຫຼວງນ້ຳທາ, ບໍ່ແກ້ວ, ອຸດົມໄຊ, ຫຼວງພະບາງ ແລະ ໄຊຍະບູລີ): ອາກາດເຢັນ ຫາ ໜາວເຢັນພ້ອມຈະມີໝອກໜາປົກຫຸ້ມຢູ່ທົ່ວໄປ ໃນຕອນເຊົ້າ ແລະ ຈະມີຝົນຕົກຄ່ອຍຢູ່ບາງທ້ອງຖິ່ນ ຫຼື ເນື້ອທີ່ການປົກຫຸ້ມຂອງຝົນເທົ່າກັບ 40%ຂອງພາກ, ອຸນຫະພູມໃນລະຫວ່າງ 11 – 32 ອົງສາ.

ນະຄອນຫຼວງວຽງຈັນ: ອາກາດໜາວເຢັນ ຍັງຈະມີຝົນຕົກໃນລະດັບຄ່ອຍ ຫຼື ເນື້ອທີ່ການປົກຫຸ້ມຂອງຝົນເທົ່າກັບ 20%. ອຸນຫະພູມໃນລະຫວ່າງ 17 – 29 ອົງສາ.

ພາກກາງ (ແຂວງ ວຽງຈັນ, ບໍລິຄໍາໄຊ, ຄຳມ່ວນ ແລະ ສະຫວັນນະເຂດ): ອາກາດເຢັນ ຫາ ໜາວເຢັນໃນຕອນເຊົ້າ ຍັງຈະມີຝົນຕົກໃນລະດັບຄ່ອຍ ຫຼື ເນື້ອທີ່ການປົກຫຸ້ມຂອງຝົນເທົ່າກັບ 40% ຂອງພາກ. ອຸນຫະພູມໃນລະຫວ່າງ 16 - 31 ອົງສາ.

ແຂວງໄຊສົມບູນ: ອາກາດໜາວເຢັນຫຼາຍ ຍັງຈະມີຝົນຕົກໃນລະດັບຄ່ອຍ ຫຼື ເນື້ອທີ່ການປົກຫຸ້ມຂອງຝົນເທົ່າກັບ 20% ອູນຫະພູມໃນລະຫວ່າງ 09 – 23 ອົງສາ.

ພາກໃຕ້ (ແຂວງ ຈຳປາສັກ, ສາລະວັນ, ເຊກອງ ແລະ ອັດຕະປື): ອາກາດເຢັນ ຫາ ໜາວເຢັນໃນຕອນເຊົ້າ ຍັງຈະມີຝົນຕົກໃນລະດັບຄ່ອຍ ຫຼື ເນື້ອທີ່ການປົກຫຸ້ມຂອງຝົນເທົ່າກັບ 30% ຂອງພາກ… ອຸນຫະພູມໃນລະຫວ່າງ 16 - 30 ອົງສາ.

ຂ່າວລາວ