ແຈ້ງ ປັບຂື້ນຄ່າເຂົ້າຊົມ ແຫຼ່ງທ່ອງທ່ຽວຫໍພຣະແກ້ວ, ວັດສີສະເກດ ແລະ ພຣະທາດຫຼວງ

ແຈ້ງ ປັບຂື້ນຄ່າເຂົ້າຊົມ ແຫຼ່ງທ່ອງທ່ຽວຫໍພຣະແກ້ວ, ວັດສີສະເກດ ແລະ ພຣະທາດຫຼວງ

ພະແນກຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ນະຄອນຫລວງວຽງຈັນ ອອກແຈ້ງການເລກທີ 565/ຖວທ.ນວ ກ່ຽວກັບການປັບຂຶ້ນຄ່າເຂົ້າຊົມຫໍພິພິທະພັນ 3 ແຫ່ງໃນນະຄອນຫລວງວຽງຈັນ(ວັນທີ 6 ພຶດສະພາ 2022) ໂດຍມີລາຍລະອຽດດັ່ງນີ້:

ພະແນກຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ນະຄອນຫລວງວຽງຈັນ ຂໍຖືເປັນກຽດແຈ້ງການມາຍັງບໍລິສັດນຳທ່ຽວ, ຫົວຫນ່ວຍທຸລະກິດການທ່ອງທ່ຽວ ທັງພາຍໃນ ແລະ ຕ່າງປະເທດ, ບຸກຄົນ, ນິຕິບຸກຄົນ, ພໍ່ແມ່, ປະຊາຊົນ, ທະຫານ, ຕໍາຫຼວດ, ທັງພໍ່ຄ້າຊາວຂາຍທົ່ວສັງຄົມ ແລະ ອົງການຈັດຕັ້ງສາກົນປະຈຳລາວ, ເພື່ອຊາບວ່າ:

ແຫຼ່ງທ່ອງທ່ຽວຫໍພຣະແກ້ວ, ວັດສີສະເກດ ແລະ ພຣະທາດຫຼວງ ທີ່ເປັນມໍລະດົກແຫ່ງຊາດຈະໄດ້ເກັບຄ່າເຂົ້າຊົມໃນລາຄາໃໝ່ຕາມໝວດທີ 3 ມາດຕາ 39 ຂອງລັດຖະບັນຍັດປະທານປະເທດ ເລກທີ 002/ປທທ, ລົງວັນທີ 17 ມິຖຸນາ 2021, ນັບຕັ້ງແຕ່ວັນທີ 1 ມິຖຸນາ 2022 ເປັນຕົ້ນໄປ ລາຍລະອຽດດັ່ງລຸ່ມນີ້:

1. ຄົນລາວ ລາຄາເກົ່າ 3.000 ກີບ/ຄົນ ມາເປັນ 5.000 ກີບ/ຄົນ

2. ຄົນຕ່າງປະເທດ ລາຄາເກົ່າ 10.000 ກີບ/ຄົນ ມາເປັນ 30.000 ກີບ/ຄົນ

ຂ່າວລາວ