ຜູ້ບໍ່ໄດ້ສັກວັກຊີນມີໂອກາດເສຍຊີວິດຍ້ອນພະຍາດໂຄວິດ​ ສູງເຖິງ​ 14​ ເທົ່າ​ ທຽບໃສ່ຜູ້ສັກ

ຜູ້ບໍ່ໄດ້ສັກວັກຊີນມີໂອກາດເສຍຊີວິດຍ້ອນພະຍາດໂຄວິດ​ ສູງເຖິງ​ 14​ ເທົ່າ​ ທຽບໃສ່ຜູ້ສັກ

ຜົນການສຶກສາໄດ້ຢັ້ງຢືນວ່າ​ ຜູ້ບໍ່ໄດ້ສັກວັກຊີນມີໂອກາດເສຍຊີວິດຍ້ອນພະຍາດໂຄວິດ​ ສູງເຖິງ​ 14​ ເທົ່າ​ ທຽບໃສ່ຜູ້ສັກ

ດຣ​ ຣັດຕະນະໄຊ ເພັດສຸວັນ ຫົວກົມຄວບຄຸມພະຍາດຕິດຕໍ່ ກ່າວ ໃນ​ວັນທີ​ 27​ ພະຈິກ​ 2021​ ນີ້ວ່າ: ຕາມຂໍ້ມູນຂອງຜົນການສຶກສາໄດ້ຢັ້ງຢືນໃຫ້ເຫັນວ່າ ຜູ້ທີ່ບໍ່ໄດ້ສັກວັກຊີນແມ່ນມີໂອກາດເສຍຊີວິດຍ້ອນພະຍາດໂຄວິດ-19 ສູງເຖີງ 14ເທົ່າເມື່ອສົມທຽບກັບ ຄົນທີ່ໄດ້ຮັບຢາວັກຊິນ.

ນອກຈາກນັ້ນຄົນທີ່ບໍ່ໄດ້ຮັບວັກຊີນແມ່ນມີໂອກາດຕິດເຊື້ອໂຄວິດສູງເຖີງ 6 ເທົ່າ ເມື່ອສົມທຽບກັບຄົນທີ່ໄດ້ສັກຢາວັກຊິນ. ສະນັ້ນ ສັງລວມໄດ້ວ່າຄົນທີ່ໄດ້ຮັບການສັກຢາວັກຊີນມີໂອກາດຕິດເຊື້ອ ແລະ ເສຍຊີວິດໄດ້ໜ້ອຍ ເມື່ອສົມທຽບໃສ່ຄົນທີ່ບໍ່ໄດ້ສັກຢາວັກຊີນ.

ທຸກຄົນທົ່ວປະເທດ ຕ້ອງໄດ້ເຂົ້າເຖິງການສັກວັກຊີນ ເພື່ອຫລຸດຜ່ອນຄວາມສ່ຽງຈາກການເຈັບເປັນຮຸນແຮງ ແລະ ການເສຍຊີວິດຈາກພະຍາດໂຄວິດ-19.

ການສັກວັກຊີນເປັນໜຶ່ງເກາະປ້ອງກັນທີ່ສາມາດຊ່ວຍຮັກສາຊີວິດຂອງທ່ານ ແລະ ຄົນອ້ອມຂ້າງໄດ້.

ຂໍເຊີນຊວນທຸກທ່ານ ໃຫ້ໄປສັກວັກຊີນກັນພະຍາດໂຄວິດ-19 ຢູ່ທຸກຈຸດບໍລິການທົ່ວປະເທດ.

ຂ່າວລາວ