ແອບອ້າງ ແລ່ນຄົນເຂົ້າທະຫານ ມີຜູ້ຫລົງເຊື່ອ ເສຍເງິນເກືອບ 600 ລ້ານກີບ

ແອບອ້າງ ແລ່ນຄົນເຂົ້າທະຫານ ມີຜູ້ຫລົງເຊື່ອ ເສຍເງິນເກືອບ 600 ລ້ານກີບ

ນາຍບ້ານຫນອງແຕ່ງເຫນືອ ເມືອງສີໂຄດຕະບອງ ນະຄອນຫລວງວຽງຈັນ

ໄດ້ເຮັດໃຫ້ ແຈ້ງຄວາມ ເຖິງເຈົ້າຫນ້າທີ່ ປກສ ນະຄອນຫລວງວຽງຈັນ ໃຫ້ຊ່ວຍຈັບຕົວ ທ້າວ ຄຳແພງ ບ້ານດອນແດງ ເມືອງຈັນທະບູລີ ( ບໍ່ມີທີ່ຢູ່ຖາວອນ )

ທີ່ແອບອ້າງເປັນທະຫານ ໂດຍສວມໃສ່ຊຸດເຄື່ອງແບບ ເພື່ອເຮັດໃຫ້ຫນ້າເຊື່ອຖື ໄດ້ສໍ້ໂກງຊັບພົນລະເມືອງ ເງິນຈຳນວນ 592.000.000 ລ້ານກີບ

ເພື່ອຈ່າຍຄ່າເອກະສານ ແລະ ຄ່າຊິ້ນເປືອງ ແລ່ນເອົາຄົນເຂົ້າເປັນທະຫານ ໃນເດືອນກັນຍາ 2021 ແຕ່ມາຮອດເວລາກໍານົດ ແລ້ວບໍ່ໄດ້ເຂົ້າເຮັດວຽກ

ດັ່ງນັ້ນ ຜູ້ຈ່າຍເງິນ ຈິ່ງໄດ້ທວງເອົາເງິນຄືນ ແຕ່ຜູ້ກ່ຽວບໍ່ຈ່າຍ ແລະ ເອົາຕົວຫລົບຫນີ

ຢ່າງໃດກໍຕາມ ທາງພາກສ່ວນກ່ຽວຂ້ອງ ໄດ້ຮຽກຮ້ອງມາຍັງບໍ່ແມ່ປະຊາຊົນ ຢ່າຫລົງເຊື່ອເດັດຂາດ ກ່ຽວກັບບຸກຄົນ ທີ່ແອບອ້າງເອົາເງິນ ເພື່ອແລ່ນເອົາລູກຫລານ ເຂົ້າພະນັກງານທະຫານ ແລະ ຕຳຫລວດ ເດັດຂາດ

ໃນການທີ່ຈະເຂົ້າເປັນພະນັກງານ ທະຫານ ແລະ ຕຳຫລວດ ທາງພາກສ່ວນກ່ຽວຂ້ອງ ກໍມີລະບຽບ ຫລັກການ ທີ່ເຂັ້ມງວດ ແລະ ຮັດກຸມ

ຂ່າວລາວ