ມາເບິ່ງສະຖິຕິ ທີມຊາດລາວ ພົບ ອິນໂດເນເຊຍ ໃນການຊິງແຊ້ມອາຊຽນ 6ນັດທີ່ຜ່ານມາ

ມາເບິ່ງສະຖິຕິ ທີມຊາດລາວ ພົບ ອິນໂດເນເຊຍ ໃນການຊິງແຊ້ມອາຊຽນ 6ນັດທີ່ຜ່ານມາ

ການແຂ່ງຂັນເຕະບານຊາຍ ຊີງແຊ້ມອາຊຽນ ຫລື AFF SUZUKI CUP 12 ຄັ້ງຜ່ານມາ ທີມຊາດລາວ ເຄີຍພົບກັບ ທີມຊາດອິນໂດເນເຊຍ ລວມທັງໝົດ 6 ຄັ້ງ, ໃນນີ້ ອິນໂດເນເຊຍ ຊະນະ 5 ນັດ ແລະ ສະເໝີກັນ 1 ນັດ, ອິນໂດເນເຊຍ ຍິງໄດ້ເຖິງ 30 ປະຕູ, ທີມຊາດລາວ ຍິງໄດ້ 5 ປະຕູ ແລະ ອິນໂດເນເຊຍ ຊະນະ ລາວ ຂາດສຸດໃນລາຍການນີ້ເຖິງເຄິ່ງໂຫລ 6-0 ຈຳນວນ 2 ຄັ້ງ ໃນປີ 2004 ແລະ 2012.

ສຳລັບການແຂ່ງຂັນໃນປີນີ້ ທີ່ປະເທດສິງກະໂປ ຈະພົບກັນໃນວັນທີ 12 ທັນວານີ້ ທີ່ສະໜາມ ບີຊານ ເວລາ 16:30 ແລະ ອີກໜຶ່ງຄູ່ໃນກຸ່ມດຽວກັນ ຈະລົງແຂ່ງເປັນຄູ່ທີສອງ ເວລາ 19:30 ຫວຽດນາມ ແຊ້ມເກົ່າ ຈະພົບກັບ ມາເລເຊຍ ຮອງແຊ້ມ.

ຕາຕະລາງຄະແນນຂອງກຸ່ມ B ຂະນະນີ້ ມາເລເຊຍ ແຂ່ງ ນັດ ມີ ຄະແນນເຕັມ, ອິນໂດເນເຊຍ ແລະ ຫວຽດນາມ ແຂ່ງ ນັດ ມີ ຄະແນນ, ທີມຊາດລາວ ແລະ ກຳປູເຈຍ ແຂ່ງ ນັດຍັງບໍ່ມີຄະແນນ. ສອງນັດຜ່ານມາຂອງທີມຊາດລາວ ເສຍໃຫ້ ຫວຽດນາມ 0-2 ແລະ ເສຍໃຫ້ ມາເລເຊຍ 0-4.

+ ປີ 1996 ທີມຊາດລາວ ເສຍໃຫ້ ທີມຊາດອິນໂດເນເຊຍ 1-5

+ ປີ 2004 ທີມຊາດລາວ ເສຍໃຫ້ ທີມຊາດອິນໂດເນເຊຍ 0-6

+ ປີ 2007 ທີມຊາດລາວ ເສຍໃຫ້ທີມຊາດອິນໂດເນເຊຍ 1-3

+ ປີ 2010  ທີມຊາດລາວ ເສຍໃຫ້ ທີມຊາດອິນໂດເນເຊຍ 0-6

+ ປີ 2012 ທີມຊາດລາວ ສະເໝີ ທີມຊາດອິນໂດເນເຊຍ 2-2

+ ປີ 2014 ທີມຊາດລາວ ເສຍໃຫ້ ທີມຊາດອິນໂດເນເຊຍ 1-5

ສຳລັບທີມແຊ້ມ ຈະໄດ້ຮັບເງິນລາງວັນ 300.000 ໂດລາ, ອັນດັບ 2 ໄດ້ຮັບເງິນລາງວັນ 100.000 ໂດລາ ແລະ ທີມຜ່ານເຂົ້າຮອບຮອງຊະນະເລີດ ຈະໄດ້ຮັບເງິນລາງວັນ 50.000 ໂດລາ. ເຕະບານຊາຍຊິງແຊ້ມອາຊຽນ 12 ຄັ້ງຜ່ານມາ, ທີມຊາດໄທ ຄວ້າແຊ້ມຫຼາຍສຸດ 5 ສະໄໝ, ສິງກະໂປ 4 ສະໄໝ, ຫວຽດນາມ 2 ສະໄໝ ແລະ ທີມຊາດມາເລເຊຍ 1 ສະໄໝ. ຂະນະທີ່ ທີມຊາດລາວ ຍັງບໍ່ສາມາດຜ່ານເຂົ້າຮອບ 4 ທີມສຸດທ້າຍ.

ຂ່າວລາວ