ຕົກຮອບແລ້ວ…ທີມຊາດລາວ ເສຍ 3ເກມຊ້ອນ ລ່າສຸດເສຍໃຫ້ອິນໂດເນເຊຍ1-5

ຕົກຮອບແລ້ວ…ທີມຊາດລາວ ເສຍ 3ເກມຊ້ອນ ລ່າສຸດເສຍໃຫ້ອິນໂດເນເຊຍ1-5

ການແຂ່ງຂັນເຕະບານຊາຍ ຊີງແຊ້ມອາຊຽນ ຫລື AFF SUZUKI CUP 2020 ທີ່ເລື່ອນໄປແຂ່ງຂັນໃນປີ 2021 ຍ້ອນຜົນກະທົບຂອງພະຍາດ ໂຄວິດ-19, ລະຫວ່າງວັນທີ 5 ທັນວາ 2021 ຫາວັນທີ 1 ມັງກອນ 2022, ທີມຊາດລາວ ຢູ່ກຸ່ມ B ຮ່ວມກັບ ຫວຽດນາມ ແຊ້ມເກົ່າ, ມາເລເຊຍ ຮອງແຊ້ມເກົ່າ, ອິນໂດເນເຊຍ, ກຳປູເຈຍ,ສ່ວນກຸ່ມ A ປະກອບມີ: ໄທ, ມຽນມາ, ສິງກະໂປ, ຟິລິບປິນ ແລະ ຕີມໍ-ເລສເຕ້.

ນັດທີ 3 ກຸ່ມ B: ທີມຊາດລາວ ເສຍໃຫ້ ທີມຊາດອິນໂດເນເຊຍ 1-5, ທີມຊາດລາວ ໄດ້ປະຕູຈາກ ກີ້ດາວອນ ສຸວັນນີ ນາທີ 41′: ສ່ວນ ອິນໂດເນເຊຍ ໄດ້ 5 ປະຕູຈາກ ASNAWI MANGKUALAM ນາທີ 23′, IRFAN JAYA ນາທີ 34′, WITAN SULAEMAN ນາທີ 56′, EZRA WALIAN ນາທີ 77′ ແລະ EVAN DIMAS ນາທີ 84′

ອີກໜຶ່ງຄູ່ໃນກຸ່ມດຽວກັນ ຈະລົງແຂ່ງເປັນຄູ່ທີສອງ ເວລາ 19:30 ຫວຽດນາມ ແຊ້ມເກົ່າ ຈະພົບກັບ ມາເລເຊຍ ຮອງແຊ້ມ. ຕາຕະລາງຄະແນນຂອງກຸ່ມ B ຂະນະນີ້ ອິນໂດເນເຊຍ ແຂ່ງ 2 ນັດ ມີ 6 ຄະແນນເທົ່າກັບ ມາເລເຊຍ, ຫວຽດນາມ ມີ 3 ຄະແນນ, ກຳປູເຈຍ ແລະ ທີມຊາດລາວ ຍັງບໍ່ມີຄະແນນ ຕົກຮອບແນ່ນອນແລ້ວ. ທີມຊາດລາວ ສອງນັດຜ່ານມາຂອງທີມຊາດລາວ ເສຍໃຫ້ ຫວຽດນາມ 0-2 ແລະ ເສຍໃຫ້ ມາເລເຊຍ 0-4.

+ ປີ 1996 ທີມຊາດລາວ ເສຍໃຫ້ ທີມຊາດອິນໂດເນເຊຍ 1-5

+ ປີ 2004 ທີມຊາດລາວ ເສຍໃຫ້ ທີມຊາດອິນໂດເນເຊຍ 0-6

+ ປີ 2007 ທີມຊາດລາວ ເສຍໃຫ້ທີມຊາດອິນໂດເນເຊຍ 1-3

+ ປີ 2010  ທີມຊາດລາວ ເສຍໃຫ້ ທີມຊາດອິນໂດເນເຊຍ 0-6

+ ປີ 2012 ທີມຊາດລາວ ສະເໝີ ທີມຊາດອິນໂດເນເຊຍ 2-2

+ ປີ 2014 ທີມຊາດລາວ ເສຍໃຫ້ ທີມຊາດອິນໂດເນເຊຍ 1-5

+ ປີ 2020 ທີມຊາດລາວ ເສຍໃຫ້ ທີມຊາດອິນໂດເນເຊຍ 1-5

ສຳລັບທີມແຊ້ມ ຈະໄດ້ຮັບເງິນລາງວັນ 300.000 ໂດລາ, ອັນດັບ 2 ໄດ້ຮັບເງິນລາງວັນ 100.000 ໂດລາ ແລະ ທີມຜ່ານເຂົ້າຮອບຮອງຊະນະເລີດ ຈະໄດ້ຮັບເງິນລາງວັນ 50.000 ໂດລາ. ເຕະບານຊາຍຊິງແຊ້ມອາຊຽນ 12 ຄັ້ງຜ່ານມາ, ທີມຊາດໄທ ຄວ້າແຊ້ມຫຼາຍສຸດ 5 ສະໄໝ, ສິງກະໂປ 4 ສະໄໝ, ຫວຽດນາມ 2 ສະໄໝ ແລະ ທີມຊາດມາເລເຊຍ 1 ສະໄໝ. ຂະນະທີ່ ທີມຊາດລາວ ຍັງບໍ່ສາມາດຜ່ານເຂົ້າຮອບ 4 ທີມສຸດທ້າຍ.

ຂ່າວລາວ