ທີມຊາດລາວ ເສຍໃຫ້ ກຳປູເຈຍ 0-3. ຕົກຮອບແບບບໍ່ມີຄະແນນ ເສຍ 4ເກມຊ້ອນ

ທີມຊາດລາວ ເສຍໃຫ້ ກຳປູເຈຍ 0-3. ຕົກຮອບແບບບໍ່ມີຄະແນນ ເສຍ 4ເກມຊ້ອນ

ການແຂ່ງຂັນເຕະບານຊາຍ ຊີງແຊ້ມອາຊຽນ ຫລື AFF SUZUKI CUP 2020 ທີ່ເລື່ອນໄປແຂ່ງຂັນໃນປີ 2021 ຍ້ອນຜົນກະທົບຂອງພະຍາດ ໂຄວິດ-19, ລະຫວ່າງວັນທີ 5 ທັນວາ 2021 ຫາວັນທີ 1 ມັງກອນ 2022, ທີມຊາດລາວ ຢູ່ກຸ່ມ B ຮ່ວມກັບ ຫວຽດນາມ ແຊ້ມເກົ່າ, ມາເລເຊຍ ຮອງແຊ້ມເກົ່າ, ອິນໂດເນເຊຍ, ກຳປູເຈຍ,ສ່ວນກຸ່ມ A ປະກອບມີ: ໄທ, ມຽນມາ, ສິງກະໂປ, ຟິລິບປິນ ແລະ ຕີມໍ-ເລສເຕ້.

ກຸ່ມ B ວັນທີ 15 ທັນວານີ້: ທີມຊາດລາວ ເສຍໃຫ້ ທີມຊາດກຳປູເຈຍ 0-3 ຈັນ ວັດທະນາຄາ ນາທີ 31′, 41′ ແລະ ຊຽງ ຈັນເທຍ ນາທີ 74′

ອີກໜຶ່ງຄູ່ໃນກຸ່ມດຽວກັນ ຈະລົງແຂ່ງເປັນຄູ່ທີສອງ ເວລາ 19:30 ໂມງ ຫວຽດນາມ ແຊ້ມເກົ່າ ຈະພົບກັບ ອິນໂດເນເຊຍ. ຕາຕະລາງຄະແນນຂອງກຸ່ມ B ຂະນະນີ້ ຫວຽດນາມ ແລະ ອິນໂດເນເຊຍ ແຂ່ງ 2 ນັດ, ມາເລເຊຍ ແຂ່ງ 3 ນັດ ມີ 6 ຄະແນນເທົ່າກັນ, ກຳປູເຈຍ ແຂ່ງ 3 ນັດ ແລະ ທີມຊາດລາວ ແຂ່ງ 4 ນັດ ຍັງບໍ່ມີຄະແນນ ຍິງໄດ້ 1 ປະຕູ ເສຍ 11 ປະຕູ ຕົກຮອບແນ່ນອນແລ້ວ. ທີມຊາດລາວ ສອງນັດຜ່ານມາຂອງທີມຊາດລາວ ເສຍໃຫ້ ຫວຽດນາມ 0-2, ເສຍໃຫ້ ມາເລເຊຍ 0-4 ແລະ ເສຍໃຫ້ ອິນໂດເນເຊຍ 1-5.

ທີມຊາດລາວ ພາຍໃຕ້ການຄຸມທີມຂອງທີມງານຄູຝຶກຊາວສິງກະໂປຊຸດນີ້ ຕົກຮອບແບບບໍ່ມີຄະແນນ 2 ຄັ້ງຕິດຕໍ່ກັນ ຕໍ່ຈາກປີ 2018 ເສຍທັງ 4 ນັດ ຍິງໄດ້ 3 ປະຕູ ເສຍໃຫ້ 12 ປະຕູ.

ສະຖິຕິທີມຊາດລາວ ພົບກັບ ກຳປູເຈຍ ໃນການຊິງແຊ້ມອາຊຽນ:

+ ປີ 1996 ທີມຊາດລາວ ຊະນະ ທີມຊາດກຳປູເຈຍ 1-0

+ ປີ 2000 ທີມຊາດລາວ ເສຍໃຫ້ ທີມຊາດກຳປູເຈຍ 0-3

+ ປີ 2004 ທີມຊາດລາວ ຊະນະ ທີມຊາດກຳປູເຈຍ 2-0

+ ປີ 2018  ທີມຊາດລາວ ເສຍໃຫ້ ທີມຊາດກຳປູເຈຍ 1-3

+ ປີ 2020  ທີມຊາດລາວ ເສຍໃຫ້ ທີມຊາດກຳປູເຈຍ 0-3

ສຳລັບທີມແຊ້ມ ຈະໄດ້ຮັບເງິນລາງວັນ 300.000 ໂດລາ, ອັນດັບ 2 ໄດ້ຮັບເງິນລາງວັນ 100.000 ໂດລາ ແລະ ທີມຜ່ານເຂົ້າຮອບຮອງຊະນະເລີດ ຈະໄດ້ຮັບເງິນລາງວັນ 50.000 ໂດລາ. ເຕະບານຊາຍຊິງແຊ້ມອາຊຽນ 12 ຄັ້ງຜ່ານມາ, ທີມຊາດໄທ ຄວ້າແຊ້ມຫຼາຍສຸດ 5 ສະໄໝ, ສິງກະໂປ 4 ສະໄໝ, ຫວຽດນາມ 2 ສະໄໝ ແລະ ທີມຊາດມາເລເຊຍ 1 ສະໄໝ. ຂະນະທີ່ ທີມຊາດລາວ ຍັງບໍ່ສາມາດຜ່ານເຂົ້າຮອບ 4 ທີມສຸດທ້າຍ.

ຂ່າວລາວ