ສາວຂາຍເລກລະວັງກັນເດີ້…ຈັບໜຸ່ມວ່າງງານກໍ່ເຫດຊິງຊັບ ເປົ້າໝາຍແມ່ນຜູ້ຍິງຂາຍເລກຕາມແຄມທາງ

ສາວຂາຍເລກລະວັງກັນເດີ້…ຈັບໜຸ່ມວ່າງງານກໍ່ເຫດຊິງຊັບ ເປົ້າໝາຍແມ່ນຜູ້ຍິງຂາຍເລກຕາມແຄມທາງ

ໃນວັນ 7 ເມສາ 2022 ທີ່ຜ່ານມາ, ເຈົ້າໜ້າທີ່ ປກສ ນະຄອນໄກສອນ ພົມວິຫານ ໄດ້ລາຍງານຕໍ່ນັກຂ່າວພວກເຮົາໃຫ້ຮູ້ວ່າ:

ໃນໄລຍະຕົ້ນປີ 2022 ໄດ້ມີເຫດການຄົນຮ້າຍ ເຄື່ອນໄຫວກໍ່ເຫດປຸ້ນຊັບ, ຊິງຊັບ, ສໍ້ໂກງຊັບຂອງປະຊາຊົນ ຢູ່ພາຍໃນນະຄອນໄກສອນ ພົມ ວິຫານ ເຮັດໃຫ້ເກີດຜົນເສຍຫາຍຕໍ່ ຊັບສິນຂອງປະຊາຊົນ ຈາກນັ້ນ, ທາງຄະນະພັກ-ຄະນະນໍາກອງບັນ ຊາການ ປກສ ນະຄອນ ຈຶ່ງໄດ້ ແຕ່ງຕັ້ງເຈົ້າໜ້າທີ່ວິຊາສະເພາະ ລົງເກັບກຳຂໍ້ມູນຫຼັກຖານໃນສະ ຖານ ແລະພາບຈາກກ້ອງວົງ ຈອນປິດໃກ້ສະຖານທີ່ເກີດເຫດ. ມາຮອດ ວັນທີ 4 ມີນາ 2022, ຈິ່ງສາມາດຈັບຕົວທ້າວ ອາລຸນ (ປໍ) ອາຍຸ27 ປີ ອາຊີບວ່າງງານ ບ້ານດົງດຳດວນ ນະຄອນ ໄກສອນ ພົມວິຫານ ທີ່ ເປັນຜູ້ກໍ່ເຫດໄວ້ໄດ້.

ຜ່ານການສືບສວນ-ສອບ ສວນ ຜູ້ກ່ຽວເຜີຍວ່າ: ໄດ້ເຄື່ອນ ໄຫວກໍ່ເຫດຊີງຊັບທັງໜົດຈຳ ນວນ 05 ຄັ້ງ ໄດ້ໂທລະສັບ 05 ໜ່ວຍ, ສໍ້ໂກງຊັບ 11 ຄັ້ງ ໄດ້ໂທ ລະສັບ 09 ໜ່ວຍ, ເງິນສົດ 40 ພັນກີບ, ລົດຈັກ 1 ຄັນ ເຊິ່ງຜູ້ກ່ຽວ ໄດ້ໃຊ້ຮູບການຂັບຂີ່ລົດຈັກເລາະ ຕາມເສັ້ນທາງໃນຂອບເຂດນະ ຄອນ ແລະໄດ້ສັງເກດເຫັນເປົ້າໝາຍແມ່ຍິງນັ່ງຂາຍເລກຢູ່ແຄມ ທາງຈຶ່ງເຂົ້າໄປທຳທ່າຈະຊື້ເລກ ໃນເມື່ອເຫັນເປົ້າໝາຍເພີຕົວ ຈຶ່ງ ໄດ້ຍາດດຶງເອົາໂທລະສັບແລ້ວ ຂັບຂີ່ລົດປົບໜີໄປ

ຈາກນັ້ນ, ຜູ້ກ່ຽວ ກໍ່ຍັງໄດ້ໃຊ້ວິທີການຕົວະຂໍຢືມໂທ ລະສັບ ເມື່ອເຈົ້າຂອງລືມໂຕກໍ່ໄດ້ ຂີ່ລົດປົບໜີ, ໂດຍທາງເຈົ້າໜ້າທີ່ ປກສ ນະຄອນ ສາມາດໄຕ່ນຳ ເຄື່ອງຂອງກາງຄືນໄດ້ເປັນໂທລະ ສັບຈຳນວນ 5 ໜ່ວຍ ຊຶ່ງເຈົ້າໜ້າ ທີ່ ໄດ້ມີການກວດກາ ແລະຈະໄດ້ ມອບຊັບຄືນໃຫ້ເຈົ້າຂອງເດີມ. ສ່ວນຜູ້ກະທຳຜິດ ແມ່ນຈະໄດ້ດຳ ເນີນຄະດີຕາມລະບຽບກົດໜາຍ; ສຳລັບຊັບທີ່ຍັງເຫຼືອແມ່ນຈະໄດ້ ສືບຕໍ່ໄຕ່ນຳເກັບກູ້ຄືນ ເພື່ອສົ່ງຄືນ ໃຫ້ເຈົ້າຂອງຕໍ່ໄປ.

ໃນໂອກາດນີ້, ເຈົ້າໜ້າທີ່ ປກສ ນະຄອນກໍ່ໄດ້ຮຽກຮ້ອງມາຍັງປະ ຊາຊົນ, ຊາວຄ້າຂາຍ, ນັກຮຽນ -ນັກສຶກສາ ແລະຜູ້ປະກອບການ ຕ່າງໆ ໃຫ້ມີສະຕິລະວັງຕົວໃນ ການຮັກສາຊັບສິນຂອງຕົນເປັນ ຕົ້ນແມ່ນໂທລະສັບ ແລະຊັບສິນ ອື່ນໆ ພ້ອມທັງເປັນຫູເປັນຕາຊ່ວຍ ເຈົ້າໜ້າທີ່ ຖ້າພົບເຫັນເຫດການບໍ່ດີ ໃຫ້ຮີບຮ້ອນລາຍງານຕໍ່ເຈົ້າໜ້າທີ່ ໂດຍດ່ວນ ເພື່ອແກ້ໄຂເຫດການ ໃຫ້ທັນເວລາແນໃສ່ເພື່ອເຮັດໃຫ້ ນະຄອນໄກສອນພົມວິຫານຂອງ ພວກເຮົາມີຄວາມສະຫງົບສຸກ

ຂ່າວລາວ