ສາຍໃຕ້ເປີດເຜີຍ…ປີນີ້ຜູ້ໂດຍສານເດີນທາງຫຼຸດລົງ 50% ໃນຊ່ວງປີໃໝ່ລາວ

ສາຍໃຕ້ເປີດເຜີຍ…ປີນີ້ຜູ້ໂດຍສານເດີນທາງຫຼຸດລົງ 50% ໃນຊ່ວງປີໃໝ່ລາວ

ຈາກການໃຫ້ຂໍ້ມູນຂອງ ພະນັກງານຂາຍປີ້ລົດເມ ຢູ່ສະຖານີຂົນສົ່ງໂດຍສານສາຍໃຕ້ ໃຫ້ຮູ້ວ່າ ໃນຊ່ວງ ບຸນປີໃໝ່ລາວ ປີນີ້ ມີຜູ້ໂດຍສານເດີນທາງກັບຕ່າງແຂວງ ໄປຢາມບ້ານ ໜ້ອຍລົງກວ່າທຸກໆປີ ເຊິ່ງຫຼຸດລົງເຖິງ 50% ເມື່ອທຽບໃສ່ກັບປີຜ່ານໆມາ ເຊິ່ງສາເຫດຫຼັກໆ ທີ່ຜູ້ຄົນເລືອກບໍ່ກັບບ້ານແມ່ນມີການປັບຄ່າໂດຍສານຂຶ້ນ ຍ້ອນລາຄານ້ຳມັນທີ່ສູງຂຶ້ນ ເຊິ່ງເຮັດໃຫ້ຕ້ອງມີການປັບລາຄາປີ້ລົດຂຶ້ນໄປນຳ ເປັນຕົ້ນແມ່ນ:

1. ການເດີນທາງຈາກ ນະຄອນຫຼວງ ວຽງຈັນ ຫາ ຫຼັກ20 ຈາກລາຄາ ປົກກະຕິ 85.000 ກີບ ໄດ້ເພີ່ມຂຶ້ນເປັນ 100.000ກີບ, ລົດດ່ວນເປັນ 110.000ກີບ ແລະ ລົດ VIPເປັນ 120.000ກີບ.

2. ນະຄອນຫຼວງ ວຽງຈັນ ຫາ ປາກເຊ ຈາກລາຄາປົກກະຕິ ລົດທຳມະດາ 110.000 ກີບ ຂຶ້ນເປັນ 130.000 ກີບ, ລົດດ່ວນຈາກປົກກະຕິ 140.000 ຂຶ້ນເປັນ 160.000 ແລະລົດ VIP ຈາກປົກກະຕິ 170.000ກີບ ຂຶ້ນເປັນ 200.000ກີບ.

3. ນະຄອນຫຼວງ ວຽງຈັນ ຫາ ສາລະວັນ ຈາກລາຄາປົກກະຕິລົດທຳມະດາ 130.000 ກີບ ຂຶ້ນເປັນ 150.000ກີບ, ລົດດ່ວນຈາກ 160.000 ກີບ ຂຶ້ນເປັນ 180.000 ກີບ ແລະ ລົດ VIP ຈາກລາຄາ 190.000 ກີບ ຂຶ້ນເປັນ 220.000 ກີບ.

ຍ້ອນສາເຫດດັ່ງກ່າວ ຈຶ່ງເຮັດໃຫ້ມີຜູ້ໂດຍສານກັບບ້ານໜ້ອຍລົງກວ່າທຸກໆປີ ແລະ ອີກຢ່າງໜຶ່ງກໍເປັນຍ້ອນສະຖານະການ ການແຜ່ລະບາດຂອງພະຍາດ ໂຄວິດ-19 ຈຶ່ງເຮັດໃຫ້ຜູ້ຄົນເລືອກທີ່ຈະບໍ່ເດີນທາງກັບບ້ານ.

ຂ່າວລາວ