ກຽມຮັບມືສິນຄ້າຫຼາຍລາຍການປັບລາຄາສູງຂື້ນ ໃນເດືອນ ພຶດສະພາ ນີ້

ກຽມຮັບມືສິນຄ້າຫຼາຍລາຍການປັບລາຄາສູງຂື້ນ ໃນເດືອນ ພຶດສະພາ ນີ້

ເດືອນ ພຶດສະພາ ກຽມຮັບມືສິນຄ້າຫຼາຍລາຍການປັບລາຄາສູງຂື້ນອີກ ມີປັດໄຈຫຍັງແດ່? ທີ່ຈະເຮັດໃຫ້ຫຼາຍສິນຄ້າປັບລາຄາຂື້ນໃນເດຶອນນີ້ ທີ່ອາດສົ່ງຜົນຄ່າຄອງຊີບຂອງເຮົາ ມື້ນີ້ຈະມາສະຫຼຸບສູ່ຟັງ

1. ສິນຄ້າອຸປະໂພກແລະບໍລິໂພກຂອງຫຼາຍບໍລິສັດໃນປະເທດໄທປັບລາຄາສິນຄ້າຂື້ນ ເນື່ອງມາຈາກນັບວັນທີ່ 1 ພຶດສະພາ ລັດຖະບານໄທຈະບໍ່ຕືງລາຄານໍ້າມັນກາຊວນແລະແກ໊ດອີກຕໍ່ໄປ ຈະເລິ່ມໃຫ້ເປັນໄປຕາມກົນໄກຕະຫຼາດເທື່ອລະໜ່ອຍ ສົ່ງຜົນເຮັດໃຫ້ເດຶອນນີ້ຫຼາຍບໍລິສັດຈະປັບສິນຄ້າຫຼາຍລາຍການແພງຂື້ນ ເຊັ່ນ:

– ແກ໊ດຫຸ້ງຕົ້ມ ຂື້ນເທື່ອລະ 15 ບາດຕໍ່ຖັງ

– ໝີ່ມາມ່າ ຂື້ນ 0.5-1 ບາດຕໍ່ຊ່ອງ

– ຊ໋ອດປຸງອາຫານ ຂື້ນ 10% ຕໍ່ແກ້ວ

– ແຟບຊັກເຄື່ອງ ຂື້ນ 10% ຕໍ່ຖົງ

– ເຄື່ອງດື່ມຊູກຳລັງ ຂື້ນ 10 ບາດຕໍ່ລັງ

– ນໍ້າພຼີກເຜົາ ຂື້ນ 15 ບາດຕໍ່500ກຼາມ

– ນໍ້າປາແດຼກ ຂື້ນ 2 ບາດຕໍ່ຕຸກ – ລ້ອນ ຂື້ນ 1-2 ບາດ

– ກະປິ ຂື້ນ 3 ບາດຕໍ່ກະປຸກໃຫຍ່

– ນຳມັນພຶດ ຂື້ນ 3 ບາດ (ແລະປີນີ້ກຽມຮັບມືນໍ້າມັນພືດແພງຂື້ນອີກ ເນື່ອງຈາກ

– ນຳມັນພຶດ ຂື້ນ 3 ບາດ (ແລະປີນີ້ກຽມຮັບມືນໍ້າມັນພືດແພງຂື້ນອີກ ເນື່ອງຈາກປະເທດອິນໂດເນເຊຍເປັນປະເທດສົ່ງອອກປຼາມຫຼາຍທີ່ສຸດໃນໂລກ ແລະເດຶອນທີ່ຜ່ານມາ ອິນໂດກໍ່ປະກາດຢຸດການສົ່ງອອກເພື່ອບໍ່ໃຫ້ລາຄານຳມັນພືດສູງເກີນໄປພາຍໃນປະເທດ ແນ່ນອນສົ່ງຜົນລາຄານໍ້າພືດທົ່ວໂລກແພງຂື້ນທັນທີ່) ນອກຈາກນີ້ຍັງມີຫຼາຍລາຍການທີ່ຈະຂື້ນອີກ

– ອາຫານກະປ໋ອງ – ນົມ ແລະ ຜະລິດຕະພັນຈາກນົມ – ເຄື່ອງໃຊ້ໄຟຟ້າ – ປຸ້ຍ, ຢາຂ້າແມງໄມ້ – ອາຫານສັດ – ປູນຊີມັງ, ເຫຼັກ, ເຈ້ຍ – ຢາປົ່ວພະຍາດ – ແລະຜະລິດຕະພັນອື່ນໆອີກ

ດັ່ງທີ່ເຮົາຮູ້ກັນ ປະເທດລາວນຳເຂົ້າສິນຄ້າອຸປະໂພກແລະບໍລິໂພກຈາກໄທຫຼາຍທີ່ສຸດ ເຊິ່ງກວມເອົາ 50% ຂອງມູນຄ່າການນຳເຂົ້າທັງໝົດ ເເນ່ນອນການຂື້ນລາຄາສິນຄ້າເຫຼົ່ານີ້ ສົ່ງຜົນຕໍ່ຜູ້ບໍລິໂພກປະເທດລາວເຊັ່ນດຽວກັນໃນການຊື້ສິນຄ້າທີ່ແພງຂື້ນ

2. ສົງຄາມຣັດເຊຍກັບຍູເຄຼນ ຍັງບໍ່ມີສັນຍານຈະຈົບງ່າຍໆ ເຮັດໃຫ້ສິນຄ້າຫຼາຍລາຍການຍັງຄົງສູງຕໍ່ໄປ ບໍ່ວ່າຈະເປັນເຊັ່ນ: ນໍ້າມັນເຊື້ອໄຟ ແກ໊ດທຳມະຊາດ ລາຄາເຫຼັກ ລາຄາປຸ້ຍ ແລະ ສານເຄມີໃນການເຮັດກະສິກຳຕ່າງໆ ເນື່ອງຈາກປະເທດຣັດເຊຍແລະຍູເຄຼນ ເປັນຜູ້ສົ່ງອອກລາຍໃຫຍ່ຜະລິດຕະພັນເຫຼົ່ານີ້

3. ການປະຊຸມທະນາຄານກາງສະຫະລັດ (Fed) ລະຫວ່າງວັນທີ່ 3-4 ພຶດສະພານີ້ ຄາດວ່າປັບຂື້ນດອກເບ້ຍ 0.5% ເປັນເຫດໃຫ້ໂດລາແຂງຄ່າ ແລະ ຊັບສິນທົ່ວໂລກອາດຈະມີການປັບລົງ ບໍ່ວ່າຈະເປັນຄຳ, Bitcoin ແລະ ສະກຸນເງິນຕ່າງໆທົ່ວໂລກອ່ອນຄ່າລົງ ລວມທັ້ງເງິນກີບຂອງປະເທດນຳ ຖ້າເປັນໄປຕາມນັ້ນກໍ່ສົ່ງຜົນເຮັດໃຫ້ການນຳເຂົ້າສິນຄ້າຈາກຕ່າງປະເທດແພງຂື້ນຕື່ມ

ສະຫຼຸບ: ປະຈຸບັນຫຼາຍປະເທດພົບບັນຫາເງິນເຟີ້ ແລະ ສົງຄາມຣັດເຊຍ-ຍູເຄຼນ ຍັງບໍ່ມີທີ່ທ່າຈະຈົບງ່າຍໆ ສົ່ງຜົນເຮັດໃຫ້ລາຄານໍ້າມັນເຊື້ອໄຟແລະແກ໊ດຍັງຄົງສູງຢ່າງຕໍ່ເນື່ອງເປັນເຫດໃຫ້ກະທົບຕົ້ນທຶນສິນຄ້າຕໍ່ຫຼາຍປະເທດ ປະກອບກັບລັດຖະບານໄທບໍ່ຕືງລາຄາແລ້ວ ເຮັດໃຫ້ຕົ້ນທຶນຫຼາຍບໍລິສັດເພີ່ມຂື້ນ ແນ່ນອນເມື່ອຕົ້ນທຶນເພີ່ມຂື້ນ ບໍລິສັດເອງກໍ່ຈຳເປັນຕ້ອງຂື້ນລາຄາສິນຄ້າເພື່ອຄວາມຢູ່ລອດ ສົ່ງຜົນເຮັດໃນເດຶອນນີ້ຫຼາຍສິນຄ້າທີ່ເຮົານຳເຂົ້າລາຄາອາດເເພງຂື້ນ

ຂ່າວຕ່າງປະເທດ ຂ່າວລາວ