ໂຊເຟີ້ຂັບລົດບັນທຸກ ເຜີຍຄວາມລຳບາກ ການໃຊ້ຊີວິດຢູ່ດ່ານຊາຍແດນ ບໍ່ເຕັນ-ບໍ່ຫານ.

ໂຊເຟີ້ຂັບລົດບັນທຸກ ເຜີຍຄວາມລຳບາກ ການໃຊ້ຊີວິດຢູ່ດ່ານຊາຍແດນ ບໍ່ເຕັນ-ບໍ່ຫານ.

ໂຊເຟີ້ຂັບລົດບັນທຸກ ເຜີຍ !! ຄວາມລຳບາກ ການໃຊ້ຊີວິດຢູ່ດ່ານຊາຍແດນ ບໍ່ເຕັນ-ບໍ່ຫານ.

ອີງຕາມເພຈ ໂທລະໂຄ່ງ ທີ່ໄດ້ໂພສຄລິບຖ່າຍທອດສົດຂອງຄົນຂັບລົດບັນທຸກ ຂົນສົນສິນຄ້າຂ້າມຊາຍແດນ ລາວ-ຈີນ ຜູ້ໜຶ່ງ ໃນວັນທີ 2 ພຶດສະພາທີ່ຜ່ານມາ ເຊິ່ງຄົນຂັບລົດຜູ້ດັ່ງກ່າວ ໄດ້ອອກມາເປີດເຜີຍຊີວິດການເປັນຢູ່ ທີ່ຫຍຸ້ງຍາກລຳບາກຂອງໂຕເອງ ແລະ ຄົນຂັບລົດບັນທຸກຫຼາຍໆຄົນ ຢູ່ບໍລິເວນລານຈອດລົດຖ້າສິນຄ້າ ກ່ອນຮອດໜ້າດ່ານຊາຍແດນ ບໍ່ເຕັນ-ບໍ່ຫານ

ເນື່ອງຈາກວ່າການລໍຖ້າຂ້າມແດນແມ່ນໃຊ້ເວລາເປັນອາທິດ ຫຼື ຫຼາຍກວ່ານັ້ນ, ແຕ່ການເປັນຢູ່ໃນຂະນະທີ່ລໍຖ້ານີ້ ແມ່ນບໍ່ມີທັງໄຟຟ້າ, ນໍ້າປະປາ, ຫ້ອງນ້ຳ ຫຼື ຖັງຂີ້ເຫຍື້ອເລີຍ, ເວລາປວດຖ່າຍໜັກ, ຖ່າຍເບົາ ກໍຕ້ອງໄດ້ແລ່ນເຂົ້າປ່າ ນອກຈາກນີ້ອາຫານການກິນທີ່ກິນເຫຼືອ ກໍຖືກໂຍນຖີ້ມຂ້າງທາງສົ່ງກິນເໝັນເໜົ່າອອກມາ.

ຈາກການເຂົ້າມາສະແດງຄວາມຄິດເຫັນຂອງຜູ້ໃຊ້ເຟສບຸກຫຼາຍທ່ານ, ສ່ວນຫຼາຍແມ່ນຈະແນະນຳໃຫ້ພາກສ່ວນທີ່ກ່ຽວຂ້ອງລົງມາແກ້ໄຂ ແລະ ປັບປຸງທີ່ຢູ່ອາໄສຂອງໂຊເຟີລົດ, ການຈັດສັນຄວາມເປັນລະບຽບຮຽບຮ້ອຍ,  ໃຫ້ສົມກັບການເສຍພາສີຂ້າມດ່ານນຳ, ສະເໝີໃຫ້ທາງຂັ້ນເທິງຕິດຕາມ ແລະລົງກວດສອບຄວາມເປັນຈິງດ້ວນຕົນເອງ ແລະ ຍັງສະເໝີໃຫ້ລັດຖະບານ ສ້າງສິ່ງອຳນວຍຄວາມສະດວກ ຫຼື ໃຫ້ເອກະຊົນເຂົ້າມາຊ່ວຍແກ້ໄຂປັບປຸງບັນຫານີ້ດ່ວນ.

ຂ່າວລາວ