ນາຍົກເຫັນດີ ຊີ້ນຳໃຫ້ກະຊວງອຸດສາຫະກຳ ແລະ ການຄ້າ​ ຄົ້ນຄວ້າເຈລະຈາ ຊື້ນໍ້າມັນລາຄາຍ່ອມເຍົາຈາກ ຣັດເຊຍ

ນາຍົກເຫັນດີ ຊີ້ນຳໃຫ້ກະຊວງອຸດສາຫະກຳ ແລະ ການຄ້າ​ ຄົ້ນຄວ້າເຈລະຈາ ຊື້ນໍ້າມັນລາຄາຍ່ອມເຍົາຈາກ ຣັດເຊຍ

ວັນທີ 6 ພຶດສະພາ 2022 ນີ້, ຫສນຍ ອອກແຈ້ງການເລກທີ 621/ຫສນຍ ເລື່ອງທິດຊີ້ນຳກ່ຽວກັບການສະເໜີມາດຕະການຮັກສາສະຖຽນລະພາບຂອງລາຄານໍ້າມັນເຊື້ອໄຟໃນສະພາບລາຄານໍ້າມັນເຊື້ອໄຟເໜັງຕີງສູງ

1. ໃຫ້ກະຊວງອຸດສາຫະກຳ ແລະ ການຄ້າເປັນໃຈກາງ ສົມທົບກັບກະຊວງການເງິນ ແລະພາກ ສ່ວນກ່ຽວຂ້ອງຄົນຄວ້າກົນໄກການນຳເຂົ້ານໍ້າມັນເຊື້ອໄຟຜ່ານບໍລິສັດໃນໜຶ່ງໃນການເຈລະຈາຕໍ່ລອງຊື້ນໍ້າມັນເຊື້ອໄຟ ໃຫ້ສາມາດລວມສູນໃນການນຳເຂົ້າ ແລະ ແຈກຢາຍນໍ້າມັນເຊື້ອໄຟເຊັ່ນ ໃຫ້ລັດວິສາຫະກິດ ນໍ້າມັນເຊື້ອໄຟ ຮ່ວມກັບບໍລິສັດນໍ້າມັນເຊື້ອໄຟເອກະຊົນຈຳນວນໜຶ່ງຕັ້ງເປັນບໍລິສັດນໍ້າມັນເຊື້ອໄຟແຫ່ງຊາດ ເພື່ອນຳເຂົ້າ ແລະ ແຈກຢາຍນໍ້າມັນເຊື້ອໄຟໃຫ້ມີຄວາມຄ່ອງຕົວ, ກວດກາ ແລະ ສະດວກໃນການຕິດ ຕາມເກັບລາຍຮັບ, ພ້ອມທັງເຈລະຈາຊື້ນໍ້າມັນເຊື້ອໄຟໃນລາຄາຖືກຈາກຣັດເຊຍເພື່ອຊ່ວຍຫຼຸດຕົ້ນທຶນການນຳເຂົ້ານໍ້າມັນເຊື້ອໄຟ.

2. ໃຫ້ກະຊວງການເງິນສັມທົບກັບທະນາຄານແຫ່ງ ສປປ ລາວ ແລະ ພາກສ່ວນກ່ຽວຂ້ອງ ຄົ້ນຄວ້າກົນໄກການຄຸ້ມຄອງອັດຕາແລກປ່ຽນເງິນຕາຕ່າງປະເທດ ແລະ ສະໜອງເງິນຕາຕ່າງ ປະເທດໃຫ້ພຽງພໍ ເພື່ອຮັບປະກັນໃຫ້ມີນໍ້າມັນເຊື້ອໄຟພຽງພໍກັບຄວາມຕ້ອງການ. ຈາກນັ້ນໃຫ້ລາຍງານທ່ານນາຍົກລັດຖະມົນຕີ ມີທິດຊີ້ນຳໃນເວລາອັນຄວນ.

 

ຂ່າວລາວ