ທີມຊາດລາວ ສູ້ເຕັມທີແລ້ວ ເສຍໃຫ້ ທີມຊາດມາເລເຊຍ 1-3

ທີມຊາດລາວ ສູ້ເຕັມທີແລ້ວ ເສຍໃຫ້ ທີມຊາດມາເລເຊຍ 1-3

ການແຂ່ງຂັນບານເຕະຊາຍ ໃນ ຊີເກມ ຄັ້ງທີ 31 ທີ່ ສສ ຫວຽດນາມ ລະຫວ່າງວັນທີ 12-23 ພຶດສະພາ 2022 ກຸ່ມ B ນັດທີ 3 ທີມຊາດລາວ ເສຍໃຫ້ ທີມຊາດມາເລເຊຍ 1-3 ແລະ ທີມຊາດສິງກະໂປ ຊະນະ ທີມຊາດກໍາປູເຈຍ 1-0

ຕາຕະລາງກຸ່ມນີ້ ມາເລເຊຍ ມີ 6 ຄະແນນຈາກ 2 ນັດ, ສິງກະໂປ ມີ 4 ຄະແນນຈາກ 3 ນັດ, ໄທ ແລະ ກໍາປູເຈຍ ມີ 3 ຄະແນນຈາກ 2 ນັດ, ສ່ວນທີມຊາດລາວ ມີ 1 ຄະແນນຈາກ 3 ນັດ ຕົກຮອບແນ່ນອນແລ້ວ.

ນັດຕໍ່ໄປ ຈະແຂ່ງຂັນໃນວັນທີ 14 ພຶດສະພາ ເວລາ 16:00 ໂມງ ສິງກະໂປ ພົບ ມາເລເຊຍ ແລະ ເວລາ 19:00 ໂມງ ໄທ ພົບ ກຳປູເຈຍ.

ຂະນະທີ່ ທີມຊາດລາວ ຈະລົງສະໜາມນັດສຸດທ້າຍ ພົບກັບ ໄທ ໃນວັນທີ 16 ພຶດສະພາ ເວລາ 19:00 ໂມງ ແຂ່ງຢູ່ສະໜາມທຽນເຈື່ອງ, ແຂວງນາມດິກ

ຂ່າວລາວ