ຊົມຄລິບ…ຕອນກ້ອງຖ່າຍທອດສົດຈັບພາບໄດ້ ລັກໄປເບິ່ງເຕະບານກັບກິກ ຈົນເມຍຢູ່ເຮືອນຈັບໄດ້

ຊົມຄລິບ…ຕອນກ້ອງຖ່າຍທອດສົດຈັບພາບໄດ້ ລັກໄປເບິ່ງເຕະບານກັບກິກ ຈົນເມຍຢູ່ເຮືອນຈັບໄດ້

ໃນຄ່ຳຄືນຂອງວັນທີ 22 ພຶດສະພາທີ່ຜ່ານມາ ໃນງານມະຫະກໍາກິລາຊີເກມ ຄັ້ງທີ 31 ທີ່ຈັດຂຶ້ນທີ່ປະເທດຫວຽດນາມ ໂດຍໄດ້ມີການແຂ່ງຂັນບານເຕະເພື່ອຊິງເອົາຫຼຽນຄໍາ ລະຫວ່າງທີມຊາດໄທແລະທີມຊາດຫວຽດນາມ ແລະ ຕໍ່ມາກໍເປັນທາງທີມຊາດຫວຽດນາມໄດ້ຮັບໄຊຊະນະໄປໃນຄະແນນ 1-0.

ນອກຈາກໄຊຊະນະຂອງທີມຊາດຫວຽດນາມທີ່ໄດ້ຄວ້າມາໄດ້ ມັນຍັງມີອີກໜຶ່ງປະເດັນທີ່ຊາວເນັດຫວຽດນາມເວົ້າເຖິງກັນຢ່າງຫຼວງຫຼາຍ ແລະ ກາຍເປັນກະແສໄປຢ່າງໄວວາ ເພາະວ່າມີກໍລະນີຂອງບ່າວຫວຽດນາມຄົນໜຶ່ງທີ່ໄດ້ພາຜູ້ຍິງຄົນອື່ນໄປເບິ່ງບານເຕະ ແຕ່ຖືກເມຍຈັບໄດ້ຍ້ອນຖືກຖ່າຍອອກໂທລະພາບ.

ໂດຍເລື່ອງລາວນີ້ມັນເລີ່ມຂຶ້ນທີ່ກ້ອງຖ່າຍທອດສົດຂອງງານແຂ່ງຂັນບານເຕະ ໄດ້ບັງເອີນໄປຈັບຮູບພາບຂອງຄູ່ຊາຍຍິງຄູ່ໜຶ່ງທີ່ໄດ້ນຸ່ງຊຸດສີດໍາ ເພື່ອມາເຊຍທີມຊາດຫວຽດນາມຂອງຕົນເອງ. ທັງນີ້ເບິ່ງຄືວ່າມັນຈະເປັນເລື່ອງປົກກະຕິແມ່ນບໍ່? ແຕ່ທັນທີທີ່ວິດີໂອຖ່າຍທອດສົດຂອງ 2 ຄົນນັ້ນໄດ້ຖືກເຜີຍແຜ່ອອກໄປໃນໂລກອິນເຕີເນັດ ກໍໄດ້ມີຄົນມາແຊຣ໌ຕໍ່ຢ່າງຫຼວງຫຼາຍ ເພາະວ່າຊາຍຄົນນີ້ໄດ້ລັກພາຜູ້ຍິງອື່ນມາເບິ່ງບານເຕະ ເຊິ່ງຜູ້ເປັນເມຍແລະຄົນຮູ້ຈັກຂອງຊາຍຄົນດັ່ງກ່າວຈື່ໜ້າຕາໄດ້.

ຊົມຄລິບ

ຫຼັງຈາກນັ້ນຄົນຮູ້ຈັກຂອງບ່າວຫວຽດນາມຄົນນີ້ກໍໄດ້ສະແດງຄວາມຄິດເຫັນ ໂດຍລະບຸວ່າ ເຂົາເຈົ້າຈື່ໄດ້ວ່າສາວທີ່ໄປເບິ່ງບານເຕະ U23 ກັບຊາຍທີ່ມີຄອບຄົວມີລູກມີເມຍແລ້ວ. ນອກຈາກນີ້ ຍັງມີຄົນບອກວ່າຄົນທີ່ເປັນເມຍຂອງຊາຍຄົນດັ່ງກ່າວ ລາວກໍໄດ້ເຫັນເຫດການຕອນທີ່ກ້ອງໄດ້ຖ່າຍຕິດຜົວຂອງຕົນເອງທີ່ກໍາລັງຍິ້ມແຍ້ມມີຄວາມສຸກກັບຍິງອື່ນ ເຮັດໃຫ້ລາວຮູ້ສຶກເສຍໃຈ ແລະ ເຈັບໃຈເປັນທີ່ສຸດ ເພາະຜູ້ເປັນຜົວໄດ້ນອກໃຈຕົນເອງ.

ດ້ວຍພະລັງຂອງຊາວເນັດເຮັດໃຫ້ໃນເວລາບໍ່ດົນ ກໍສາມາດຄົ້ນພົບ Facebook ສ່ວນຕົວຂອງຄູ່ຍິງ-ຊາຍຄົນທີ່ເປັນປະເດັນດັ່ງກ່າວ ພ້ອມກັບມີການເປີດເຜີຍຮູບພາບຕ່າງໆ ເຊັ່ນ: ຮູບພາບການແຕ່ງງານຂອງຊາຍຄົນນີ້ ທີ່ຢືນຢັນແລ້ວວ່າລາວມີຄອບຄົວ.

ໂດຍເຫດການນີ້ມີຄົນມາສະແດງຄວາມຄິດເຫັນຢ່າງຫຼວງຫຼາຍ ບາງຄົນກໍວ່າເຫັນໃຈຄົນທີ່ເປັນເມຍທີ່ຖືກຜູ້ເປັນຜົວຂອງຕົນເອງນອກໃຈ, ບາງຄົນກໍເວົ້າໃຫ້ຍິງສາວຄົນນັ້ນວ່າເຂົາມີຄອບຄົວແຕ່ກໍຍັງເຮັດເລື່ອງແບບນີ້ ຫຼື ບາງຄົນກໍບອກວ່າເວລາໄປເບິ່ງບານເຕະໃຫ້ລີ້ກ້ອງເອົາໄວ້.

ຂ່າວຕ່າງປະເທດ ຂ່າວບັນເທີງ