ລາວຂາດດຸນການຄ້າ ສູງເຖິງ 60ຕື້ບາດໃນປີ 2021 ສ່ວນໄທມີຍອດການຄ້າ ເກີນດຸນ ຈາກການສົ່ງອອກຫຼາຍກວ່າການນໍາເຂົ້າ 6ເທົ່າໂຕ

ລາວຂາດດຸນການຄ້າ ສູງເຖິງ 60ຕື້ບາດໃນປີ 2021 ສ່ວນໄທມີຍອດການຄ້າ ເກີນດຸນ ຈາກການສົ່ງອອກຫຼາຍກວ່າການນໍາເຂົ້າ 6ເທົ່າໂຕ

ປະເທດໄທມີຍອດການຄ້າ ເກີນດຸນ ຈາກການສົ່ງອອກ ດ່ານລາວ-ໄທ ຫຼາຍກວ່າການນໍາເຂົ້າ 6 ເທົ່າໂຕ.

ເລ​ຂາ​ທິ​ການ​ໃຫຍ່ ກົມ​ມາດ​ຕະ​ຖານ​ກະ​ສິ​ກຳ ແລະ ສະ​ບຽງ​ອາ​ຫານ​ແຫ່ງ​ຊາດໄທ ໄດ້ລົງຢ້ຽມຢາມຕິດຕາມຄວາມຄືບໜ້າ ແລະ ຄວາມພ້ອມໃນການປະຕິບັດໜ້າທີ່ຢູ່ດ່ານໜອງຄາຍ, ເຊິ່ງໄດ້ຖືກເພີ່ມເຂົ້າໃນອະນຸສັນຍາກ່ຽວກັບການສົ່ງອອກ ແລະ ການນໍາເຂົ້າໝາກໄມ້ທາງບົກ ລະຫວ່າງ​ໄທ​ ແລະ​ ຈີນ “ໂດຍຜ່ານ​ປະ​ເທດ​ທີ​ສາມ ຄື ສປປ ລາວ” ໃນເດືອນກັນຍາ 2021.

ດ່ານພາສີ ແຂວງໜອງຄາຍ ໄດ້ລາຍງານພາບລວມຂອງສະຖິຕິການຄ້າຊາຍແດນສໍາລັບປີງົບປະມານ (Border Trade) ມູນຄ່າການຄ້າລະຫວ່າງໄທ ແລະ ສປປ ລາວ. ລວມທັງການນໍາເຂົ້າ-ສົ່ງອອກໃນປີງົບປະມານ 2021 ມີມູນຄ່າ 70,000 ລ້ານບາດ,

ໂດຍທີ່ປະເທດໄທມີຍອດການຄ້າ ເກີນດຸນ ຈາກການສົ່ງອອກຫຼາຍກວ່າການນໍາເຂົ້າ 6 ເທົ່າໂຕ.

​ເຖິງ​ວ່າ​ສະຖານະ​ການ Covid-19 ຈະ​ສົ່ງ​ຜົນ​ກະທົບ​ຕໍ່​ການ​ຄ້າ​ສາກົນ ລວມທັງການເດີນທາງຂອງປະຊາຊົນກໍ່ຕາມ, ແຕ່ການຄ້າຊາຍແດນຢູ່ດ່ານພາສີໜອງຄາຍ ພົບວ່າ ການສົ່ງອອກສິນຄ້າເພີ່ມຂຶ້ນຫຼາຍກວ່າ 23%, ມູນຄ່າເພີ່ມຂຶ້ນ 12,000 ລ້ານບາດ, ໃນຂະນະທີ່ການນໍາເຂົ້າຫຼຸດລົງ ປະມານ 2,000 ລ້ານບາດ.

ຂໍ້ມູນ BTL Bangkok Terminal Logistics

ຂ່າວລາວ