ດ່ວນ…ກ່ອງດຳເປີດເຜີຍແລ້ວ ສາເຫດຂອງເຮືອບິນເຈັດ China Eastern Airlines ຕົກ ຍ້ອນນັກບິນຕັ້ງໃຈເຮັດໃຫ້ຍົນຕົກ

ດ່ວນ…ກ່ອງດຳເປີດເຜີຍແລ້ວ ສາເຫດຂອງເຮືອບິນເຈັດ China Eastern Airlines ຕົກ ຍ້ອນນັກບິນຕັ້ງໃຈເຮັດໃຫ້ຍົນຕົກ

ຈາກການກວດສອບຂອງເຮືອບິນ China Eastern Airlines (600115.SS) ແມ່ນເກີດຈາກການກະທຳໂດຍຕັ້ງໃຈຂອງນັກບິນ ເຊິ່ງບໍ່ມີຫຼັກຖານວ່າມີຄວາມຜິດປົກກະຕິທາງເຕັກນິກຂອງເຮືອບິນ.

ໃນວັນອັງຄານທີ່ຜ່ານມາ ຂໍ້ມູນການບິນຈາກກ່ອງດຳຂອງ ໂບອິ້ງ 737-800 ໄດ້ລະບຸວ່າມີຄົນໃນຫ້ອງນັກບິນ ຕັ້ງໃຈເຮັດໃຫ້ເຮືອບິນຕົກ.

ເຮືອບິນ ໂບອິ້ງ 737-800 ໃນລະຫວ່າງທາງຈາກ ຄຸນໝິງ ໄປຫາ ກວາງໂຈ ໄດ້ຕົກໃນວັນທີ 21 ມີນາ ທີ່ເທິງພູເຂົາຂອງກວາງຊີ ຫຼັງຈາກມີການຊັດລົງຈາກບ່ອນສູງຢ່າງກະທັນຫັນ ເຮັດໃຫ້ຜູ້ໂດຍສານທັງໝົດໃນເຮືອບິນ 123 ຄົນ ແລະ ລູກເຮືອ 9 ຄົນ ເສຍຊີວິດ.

ຈາກການກວດສອບເຫັນວ່າ ນັກບິນບໍ່ຕອບສະໜອງຈາກການເອີ້ນຫຼາຍເທື່ອ ຂອງຜູ້ຄວບຄຸມການຈະລາຈອນທາງອາກາດ ແລະ ເຈົ້າໜ້າທີ່ໄດ້ລະບຸວ່າ ບໍ່ຮູ້ເປັນການກະທຳທີ່ຖືກບັງຄັບ ຫຼື ບໍ?

132 ຊີວິດທີ່ຈາກໄປກັບເຮືອບິນທີ່ອຸບັດຕິເຫດເມື່ອວັນທີ 21 ມີນາ 2022 ຜ່ານມາພາຍຫຼັງໄດ້ຄົ້ນຫາພົບກ່ອງດຳທັງສອງໜ່ວຍ ແລະ ໄດ້ພິສູດເອກະລັກບຸກຄົນຂອງຜູ້ເສຍຊີວິດ. ທັງນີ້ ເຮືອບີນ Boeing 737 ຂອງສາຍການບີນ China Eastern Airlines ໄດ້ປະສົບອຸບັດຕິເຫດຕົກໃນເວລາປະມານ 14:38 ນາທີ ຂອງວັນທີ 21 ມີນາ 2022 ຕາມເວລາທ້ອງຖິ່ນໃນລະຫວ່າງເດີນທາງຈາກຄຸນໝິງໄປຍັງ ກວາງໂຈ ຕາມຂໍ້ມູນຢືນຢັນຈາກຜູ້ອຳນວຍການສຳນັກບໍລິຫານ ການບິນພົນລະເຮືອນແຫ່ງຊາດຈີນ ແມ່ນບໍ່ພົບສັນຍານຜູ້ລອດຊີວິດ

ຂ່າວລາວ