ສະຫະປະຊາຊາດກ່າວ ຄວາມຂັດແຍ່ງ ລະຫວ່າງ ຣັດເຊຍ-ຢູເຄຣນ ກໍ່ໃຫ້ເກີດ 3 ວິກິດການ

ສະຫະປະຊາຊາດກ່າວ ຄວາມຂັດແຍ່ງ ລະຫວ່າງ ຣັດເຊຍ-ຢູເຄຣນ ກໍ່ໃຫ້ເກີດ 3 ວິກິດການ

ອີງຕາມການລາຍງານຂ່າວ CRI : ໃນວັນທີ 1 ພຶດສະພານີ້ ທ່ານອັນໂຕນິໂອ ກູເຕີເຣັສ, ເລຂາທິການໃຫຍ່ອົງການສະຫະປະຊາຊາດໄດ້ກ່າວຢູ່ນະຄອນຫຼວງດາກາຂອງ ເຊເນການ ວ່າ: ການປະທະກັນລະຫວ່າງຣັດເຊຍ ແລະ ຢູເຄຣນເຮັດໃຫ້ ເກີດວິກິດການ 3 ດ້ານຄື: ສະບຽງອາຫານ, ພະລັງງານ ແລະ ການທະນາຄານຂອງທົ່ວທະວີບອາຟຣິກາຮ້າຍແຮງກວ່າເກົ່າ, ອາດຈະເຮັດໃຫ້ເຂດຈຳນວນໜຶ່ງຂອງທະວີບອາຟຣິກາບໍ່ມີສະຖຽນລະພາບດ້ານການເມືອງແລະມີຄວາມປັ່ນປ່ວນດ້ານສັງຄົມ.

ເພື່ອຮັບມືກັບວິກິດການດ້ານສະບຽງອາຫານຢູ່ອາຟຣິກາ, ຄວນຍົກເລີກຂໍ້ຈຳກັດທີ່ບໍ່ມີຄວາມຈຳເປັນທັງໝົດແລະຄວບຄຸມລາຄາສະບຽງອາຫານ, ຮັບປະກັນໃຫ້ສະບຽງອາຫານແລະພະລັງງານເຂົ້າສູ່ຕະຫຼາດຢ່າງໝັ້ນທ່ຽງ.

ສຳລັບ ທ່ານ ອັນໂຕນິໂອ ກູເຕີເຣັສໄດ້ເດີນທາງໄປຮອດເຊເນການແລະດຳເນີນການຢ້ຽມຢາມໃນວັນທີ 30 ເມສາແລ້ວນີ້, ຫຼັງຈາກນັ້ນທ່ານຈະເດີນທາງໄປຢ້ຽມຢາມນີເຊແລະນີເຊຣີ.

ຂ່າວຕ່າງປະເທດ