ນ້ຳມັນເຊື້ອໄຟບໍ່ພຽງພໍ ຍັງເປັນບັນຫາຫຍຸ້ງຍາກ ການໃຊ້ຊີວິດຂອງປະຊາຊົນ

ນ້ຳມັນເຊື້ອໄຟບໍ່ພຽງພໍ ຍັງເປັນບັນຫາຫຍຸ້ງຍາກ ການໃຊ້ຊີວິດຂອງປະຊາຊົນ

Lifestyle ໃນປັດຈຸບັນ ສັງເກດເຫັນວ່າ ບັນຫາເລື່ອງນ້ຳມັນເຊື້ອໄຟບໍ່ພຽງພໍ ໄດ້ສ້າງບັນຫາຕໍ່ຊີວິດການເປັນຢູ່ ແລະ ການທຳມາຫາກິນຂອງປະຊາຊົນລາວ ເພາະໃນແຕ່ລະມື້ຕ້ອງໄດ້ມາເສຍເວລາຕໍ່ຄິວເພື່ອລໍຖ້າໃສ່ແຕ່ນ້ຳມັນຈົນເກືອບບໍ່ມີເວລາໄປເຮັດຢ່າງອື່ນ.

ຈາກການສອບຖາມປະຊາຊົນຜູ້ທີ່ມາລໍຖ້າໃສ່ນ້ຳມັນ ບອກວ່າ ບໍ່ຮູ້ເລີຍວ່າບ້ານເມືອງເຮົາຈະເປັນເຖິງຂະໜາດນີ້ ຂ້ອຍຕ້ອງໄດ້ຕື່ນແຕ່ເຊົ້າເພື່ອມາລໍຖ້າໃສ່ນ້ຳມັນແລ້ວຈຶ່ງໄດ້ໄປວຽກ ແຕ່ກວ່າຈະໄດ້ໃສ່ກໍບໍ່ຕ່ຳກວ່າ 30 ນາທີ ບາງມື້ຖ້າມາສວຍແດ່ກໍເປັນຊົ່ວໂມງ ເຮັດໃຫ້ໄປວຽກບໍ່ທັນກໍມີ, ຖ້າຈະຖ້າໃຫ້ເລີກວຽກແລ້ວຈັ່ງມາໃສ່ ບາງປ້ຳກໍປິດແລ້ວຍ້ອນນ້ຳມັນໝົດ ຈຶ່ງໄດ້ແຕ່ທຳໃຈ ນອກຈາກລາຄາຈະແພງຂຶ້ນແລ້ວ ຍັງຊອກໃສ່ຍາກອີກ.

ແມ່ຄ້າທ່ານໜຶ່ງ ເຂດບ້ານ ໂນນສະຫວ່າງ, ເມືອງ ໄຊເສດຖາບອກວ່າ ທຸກມື້ນີ້ໄປໄສມາໄສກໍຍາກ ຍ້ອນນ້ຳມັນແພງ ຈະໄປສົ່ງເຄື່ອງໃຫ້ລູກຄ້າກໍບໍ່ຄຸ້ມຄ່າກັບນ້ຳມັນ ແຖມນ້ຳມັນຍັງຊອກໃສ່ຍາກບໍ່ຄືແຕ່ກ່ອນ ມີແຕ່ຫວັງວ່າລັດຖະບານຈະຊ່ວຍແກ້ໄຂບັນຫານີ້ໄດ້ໄວໆ ເພື່ອໃຫ້ປະຊາຊົນກັບມາໃຊ້ຊີວິດແບບປົກກະຕິ.

ນອກຈາກນີ້, ກໍຍັງມີອີກຫຼາຍໆ ບັນຫາ ທີ່ປະຊາຊົນຄົນລາວພົບພໍ້ ກ່ຽວກັບບັນຫານ້ຳມັນແພງ ແລະ ຂາດຕະຫຼາດ.

ແລ້ວທ່ານເດ້ພົບບັນຫາຫຍັງແດ່ ແລະ ມີວິທີແກ້ໄຂແນວໃດ?

ຂ່າວລາວ