ຍ້ອນຮອຍເສດຖະກິດຕົ້ມຍຳກຸ້ງໃນໄທ ຄາຍຄືສະຖານະການໃນລາວຕອນນີ້ ມີວິທີແກ້ໄຂແນວໃດມີຄຳຕອບ

ຍ້ອນຮອຍເສດຖະກິດຕົ້ມຍຳກຸ້ງໃນໄທ ຄາຍຄືສະຖານະການໃນລາວຕອນນີ້ ມີວິທີແກ້ໄຂແນວໃດມີຄຳຕອບ

ໃນປີ 1997 ເກີດວິກິດຕົ້ມຍຳກຸ້ງຢູ່ປະເທດໄທ ຈາກທີ່ໄທ ໃຊ້ 25 ບາດແລກໄດ້ 1 ດອນ ມາເປັນ 52 ບາດ ແລກໄດ້ 1 ດອນ ພຽງຂ້າມຄືນ ຜູ້ທີ່ເປັນຫນີ້ເງິນດອນ 1 ລ້ານດອນລ່າ ຈາກທຳອິດຕ້ອງໃຊ້ເງິນ 25,000,000 ບາດເພື່ອໃຊ້ຫນີ້ ແຕ່ອີກມື້ຫນື່ງຕ້ອງໃຊ້ເຖິງ 52,000,000 ລ້ານບາດ ນຳໄປສູ່ການລົ້ມລະລາຍຂອງສະຖາບັນການເງິນ,​ ທຸລະກິດ ແລະ ບຸກຄົນ ຈົນໄທຕ້ອງຢືມເງິນ ກອງທຶນລະຫວ່າງປະເທດ ຫລື IMF ເພື່ອມາຄ້ຳມູນຄ່າຂອງເງິນຕຣາໂຕເອງໄວ້ເພື່ອໃຫ້ຍັງຄົງມີຄວາມຫມາຍ

ມາປະເທດລາວ ສະຖານະການແທບບໍ່ຕ່າງກັນ ເມື່ອກ່ອນກີບບາດ 1 ບາດເທົ່າກັບ 250 ກີບ ຕອນນີ້  500 ປາຍກີບແລ້ວ ເຊິ່ງເທົ່າກັບວ່າມູນຄ່າຂອງເງິນກີບດ້ອຍລົງ 100 ເປີເຊັນທຽບໃສ່ເງິນບາດ ຫລື ຖ້າເປັນຫນີ້ 1 ລ້ານບາດຈາກທີ່ຕ້ອງໃຊ້ພຽງ 250 ລ້ານກີບ ກໍ່ຕ້ອງໃຊ້ເຖິງ 500 ປາຍລ້ານກີບຕອນນີ້

ເງິນດອນລ່າກໍບໍ່ຕ່າງກັນ ຈາກ 8000 ກີບ ຕໍ່ 1 ດອນ ໄປເປັນ 17,​000 ປາຍກີບຕໍ່ 1 ດອນ

ເຊັ່ນ: ເງິນຕຣາຕ່າງປະເທດທີ່ເປັນຄັງສຳຮອງມີເທົ່າໃດ?​ໂຄງສ້າງຫນີ້ສິນທີ່ຕ້ອງຊຳລະເປັນເງິນຕຣາຕ່າງປະເທດມີເທົ່າໃດ?​ ລາຍຮັບທີ່ໄດ້ເປັນເງິນຕຣາຕ່າງປະເທດມີຈັກທາງ?​ຫລາຍປານໃດ?​ພຽງພໍຕໍ່ກັບການຊື້ສິນຄ້າຈຳເປັນທີ່ຕ້ອງນຳເຂົ້າບໍ?​ພາກການລົງທຶນເດ ໄປຢູ່ພາກສ່ວນໃດແດ່ ແລະ ການລົງທຶນນັ້ນສ້າງມູນຄ່າເພີ້ມໃຫ້ຄົນໃນຊາດ ແລະ ເສດຖະກິດແນວໃດ ແລະ ຫລາຍປານໃດ?​

ຄຳຖາມເຫລົ່ານີ້ ມີແຕ່ພຽງລັດຖະບານທີ່ຈະຕອບໄດ້ ຖ້າຕອບໄດ້ກໍຈະພໍເຫັນຫົນທາງຢູ່ວ່າຈະດຳເນີນນະໂຍບາຍໄປທາງໃດ?​ ເພາະຕອນນີ້ເຮົາຮູ້ສຶກວ່າປະເທດເຮົາກຳລັງປ່ວຍ ເຫມືອນເປັນບຸກຄົນທີ່ມີຫນີ້ສິນລົ້ນໂຕ ທີ່ຕ້ອງໃຊ້ຫນີ້ທີ່ຢືມເຂົາມາປຸກບ້ານ ແຖມຍັງມີລູກໃນເຮືອນທີ່ຕ້ອງກິນເຂົ້າ ຊ່ຳບໍ່ຫນ່ຳເຂົ້າພັດຊື້ຈາກປະເທດອື່ນ ເງິນຕຣາຕ່າງປະເທດທີ່ມີໃນແຮ່ຖົງກະຫລ່ອຍຫລໍ່ ຄວາມຕ້ອງການພັດມີຫລາຍ ເຮັດໃຫ້ຄ່າເງິນໂດດຂື້ນຢ່າງທີ່ເຫັນ

ກັບມາຄຳຖາມທີ່ວ່າ ຮ້ານນອກຄືມີເງິນແລກ?​ ສ່ວນໂຕກະຄິດວ່າເຂົາເຈົ້າກະຖ້ອນຫລ້ອນແຫລ່ຄືກັນ ໃນການຫາເງິນຕາຕ່າງປະເທດມາຂາຍໃຫ້ຄົນລາວທີ່ຕ້ອງການ ຄຳຖາມບໍ່ຄວນຖາມວ່າ ເປັນຫຍັງຮ້ານນອກຄືມີເງິນແລກ ຕ້ອງຖາມກັບວ່າ ເປັນຫຍັງທະນາຄານທຸລະກິດ ຄືບໍ່ປ່ອຍໃຫ້ແລກ?​ ອັນນີ້ຂ້າພະເຈົ້າກະສັນນິຖານວ່າ ເພາະລັດຖະບານເຮົາຕ້ອງການເງິນຕາຕ່າງປະເທດເພື່ອໄປໃຊ້ຈ່າຍ,​ ຊື້ສິ່ງຈຳເປັນ ເຊັ່ນນ້ຳມັນ ລວມທັງໃຊ້ຫນີ້ໃຊ້ສິນນັ້ນເອງ…​ສິ່ງທີ່ເປັນຫ່ວງກະຄື ທະນາຄານກາງບໍ່ມີເງິນຕຣາຕ່າງປະເທດພຽງພໍທີ່ຈະຄ້ຳມູນຄ່າເງິນກີບໃຫ້ຄົງໂຕ ນະໂຍບາຍທີ່ບໍ່ໃຫ້ທະນາຄານທຸລະກິດບໍ່ໃຫ້ປະຊາຊົນແລກ ມີແຕ່ຮັບຢ່າງດຽວ ກໍເພື່ອດູດເງິນຕຣາຕ່າງປະເທດເຂົ້າລະບົບນັ້ນເອງ (ຫລືທະນາຄານໃຫ້ແຕ່ຮ້ານນອກ?​ ອັນນີ້ຂ້າພະເຈົ້າກະບໍ່ຮູ້ ຖ້າເປັນກໍລະນີນີ້ ກະຫນີບໍ່ພົ້ນທີ່ກຸ່ມຄົນໃດຫນື່ງມີເງິນຕຣາຕ່າງປະເທດໃນມືແລ້ວຈະປັ່ນຄ່າ)​ ເພາະຖ້າບໍ່ເປັນກະຕ້ອງກັບມາເບິ່ງມານະໂຍບາຍນີ້ເຮັດມາເຮັດຫຍັງ ເພາະເງິນຄົງຄັງເຮົາບໍ່ພໍບໍ?…​ນີ້ເປັນຫນື່ງໃນສາເຫດວ່າ ເຖິງຍຸບຮ້ານແລກປ່ຽນ ເຫລດເງິນກະບໍ່ລົງ

ໂຄສະນາສົ່ງເສີມໃຫ້ຄົນລາວໃຊ້ເງິນກີບບໍ່ໄດ້ຊ່ວຍຫຍັງ (ຂະຫນາດນັ້ນ)​ ເພາະເຮົາຕ້ອງເບິ່ງຕ່ອງໂສ້ຂອງຜະລິດຕະພັນທີ່ເຮົາໃຊ້ໃນແຕ່ລະມື້ວ່າມັນມາແຕ່ໃສ ຕົວຢ່າງ ເຈົ້າຂາຍເສື້ອ ເຈົ້າຮັບແຕ່ເງິນກີບຢູ່ຕອນເຂົາຊື້ ແຕ່ເຈົ້າພັດຊື້ເສື້ອຢູ່ຕ່າງປະເທດມາຂາຍໃນລາວເພື່ອກິນສ່ວນຕ່າງ ກະຄືເກົ່າ ເພາະເຈົ້າກະຍັງຕ້ອງໃຊ້ເງິນຕຣາຕ່າງປະເທດໄປຊື້ເສື້ອຢູ່ ມັນບໍ່ໄດ້ຊ່ວຍເພີ່ມມູນຄ່າທາງເສດຖະກິດແຕ່ຢ່າງໃດ ມີແຕ່ໃຫ້ປະເທດຂາດເງິນຕຣາຕ່າງປະເທດ ແຕ່ກົງກັນຂ້າມ ຖ້າຫາກເຈົ້າຜະລິດເອງ ໃຊ້ແຮງຂອງຄົນລາວເອງ ຜົນລັບມັນຈະຕ່າງກັນໃນດ້ານເສດຖະກິດ

ເຮົາປະຢັດບໍ່ໄດ້…​ ເພາະສິນຄ້າທີ່ເຮົາຕ້ອງໃຊ້ຕ້ອງກິນແມ່ນສິນຄ້າຈຳເປັນ ບໍ່ແມ່ນສິນຄ້າຟຸ້ມເຟື່ອຍ…​ຄຳວ່າຈຳເປັນ ຫມາຍເຖິງ ຈະເຫລດເງິນຂື້ນເທົ່າໃດກໍແລ້ວແຕ່ຄວາມຕ້ອງການຂອງສິນຄ້ານັ້ນກໍຍັງມີຢູ່ ຕົວ​ຢ່າງແບບປຽບທຽບເຊັ່ນ: ເຂົ້າ,​ ຄັນເຮົາປູກເຂົ້າບໍ່ໄດ້ ເຮົາກະຕ້ອງຊື້ເຂົາ,​ ແລ້ວຄັນເຫລດເງິນຂື້ນສູງ ມັນຈະຫມາຍຄວາມວ່າເຮົາຕ້ອງບໍ່ຊື້ເຂົ້າບໍ?​ ກະບໍ່ ເພາະເຮົາຕ້ອງກິນເຂົ້າທຸກມື້…​ແລ້ວຖ້າຫາກເຮົາບໍ່ຊື້ ເຮົາກະບໍ່ມີກິນມີໃຊ້ ຄືນ້ຳມັນນີ້ແຫລ່…​ອັນນີ້ຄືສິນຄ້າຈຳເປັນທີ່ມັນປະຢັດບໍ່ໄດ້

ນ້ຳມັນຂື້ນຊ່ວຍໃຫ້ຄົນໃຊ້ລົດໄຟຟ້າຫລາຍຂື້ນ ບໍ່ເປັນຄວາມຈິງ ຈິງຢູ່ມັນກະຕຸ້ນ ແຕ່ປະຊາຊົນລາວຈະບໍ່ຫັນປ່ຽນໄປໃຊ້ລົດໄຟຟ້າໄວໆນີ້ແນ່ນອນ ເພາະເບິ່ງໂຄງສ້າງທາງດ້ານລາຍຮັບຂອງປະຊາກອນ ປະເທດລາວມີເປັນລ້ານຄົນ ທີ່ຊື້ລົດຈັກຄັນຫນື່ງກະລອດລົ້ມລອດຕາຍແລ້ວ ສິບອກໃຫ້ມາຫັນປ່ຽນເປັນລົດໄຟຟ້າຂ້ອຍກະສິກຸມຫົວຢູ່ວ່າສິເອົາເງິນມາແຕ່ໃສ ແລ້ວໃຫ້ເບິ່ງລາຄາລົດໄຟຟ້າ ມັນບໍ່ແມ່ນທຸກຄົນທີ່ຈະຊື້ໄດ້ ມັນຕ້ອງໃຊ້ເວລາ

ບັນຫາຕ່າງໆຍັງບໍ່ນັບເອົາທີ່ວ່າ ປະເທດລາວມີພາວະເງິນເຟີ້ຂື້ນໄປເກືອບແຕະ 10 ເປີເຊັນ ເຊິ່ງຫມາຍຄວາມວ່າ ແຕ່ລະປີ ເດືອນ ມື້ ເງິນກີບທີ່ຖືໃນມື ມີມູນຄ່າດ້ອຍລົງຕະຫລອດ ເຊິ່ງແຮງກະຕຸ້ນໃຫ້ຄົນລາວຖິ້ມເງິນກີບແລ້ວໄປຖືເງິນຕຣາຕ່າງປະເທດ

ຕິດຕາມຕອນຕໍ່ໄປ 20,000 ກີບຕໍ່ໂດລາຖ້າບໍ່ດົນ ວີທີແກ້ໄຂ ບໍ່ຕ້ອງໄປຄິດລະດັບປະເທດ ຄິດຈິນຕະນາການເຖິງຄອບຄົວນ້ອຍໆຫນື່ງຄອບຄົວ ຄັນເຮົາຂາຍໄຟໃຫ້ຄົນຂ້າງບ້ານລະເອົາເງິນມາຊື້ເຂົ້າບໍ່ພໍ ເຮົາກະຕ້ອງປູກເຂົ້າເອງ ບາດປູກເອງພັດບໍ່ກິນຍ້ອນເຂົ້າບ້ານອື່ນແຊບກວ່ານິກະອັນຫນື່ງ

ຂ່າວລາວ ສາລະໜ້າຮູ້