ຊົມເຊີຍ ຜົນງານກ່າຍແບບຮູບແຕ້ມ “ທ້າວເວດສຸວັນ”

ຊົມເຊີຍ ຜົນງານກ່າຍແບບຮູບແຕ້ມ “ທ້າວເວດສຸວັນ”

ຊົມເຊີຍ !! ຜົນງານກ່າຍແບບຮູບແຕ້ມ “ທ້າວເວດສຸວັນ” ຂອງສິລະປິນໄທ ຈາກ ລັດຕິກອນ ອິນທະວົງ ໜຸ່ມວິຈິດສິນ ຈາກແຂວງ ຄຳມ່ວນ ງາມບໍ່ແພ້ຕົ້ນສະບັບ.

Interview ຮູບແຕ້ມ “ທ້າວເວດສຸວັນ” ທີ່ມີຄວາມງົດງາມ ແລະ ປານີດ ເຊິ່ງທ່ານເຫັນຢູ່ນີ້ ເປັນຜົນງານການແຕ້ມ ຂອງໜຸ່ມ ລັດຕິກອນ ອິນທະວົງ (ເປິ້ນ), ໄວ 21 ປີ ຈາກແຂວງ ຄຳມ່ວນ, ນັກສຶກສາປີ 4 ຄະນະຈິດຕະກໍາ, ສະຖາບັນວິຈິດສິນແຫ່ງຊາດ ທີ່ໃຊ້ເວລາໃນການສ້າງສັນຜົນງານດັ່ງກ່າວດົນເຖິງ 58 ມື້ ຕັ້ງແຕ່ວັນທີ 25 ມີນາ ຫາ ວັນທີ 17 ພຶດສະພາ 2022 (ເກືອບ 2 ເດືອນ).

ລັດຕິກອນ  ເລີ່ມມັກໃນການແຕ້ມຮູບມາຕັ້ງແຕ່ຕອນອາຍຸໄດ້ 6 ປີ, ສິ່ງທີ່ເຮັດໃຫ້ເຂົາເປັນຄົນມັກໃນການແຕ້ມຮູບກໍຄື “ພໍ່” ເພາະຕອນຍັງນ້ອຍເຫັນພໍ່ແຕ້ມຮູບ ເລີຍແຕ້ມຕາມ ແລະ ເລີ້ມມັກມາຕັ້ງແຕ່ຕອນນັ້ນ,

ສຳລັບແຮງບັນດານໃຈໃນການແຕ້ມຮູບຂອງເຂົາແມ່ນ ຢາກຈະຮູ້ຂີດຈຳກັດຂອງຝີມືໂຕເອງ ຈຶ່ງພະຍາຍາມຫາຜົນງານຂອງສີລະປິນດັງໆ ມາກ່າຍແບບເພື່ອໃຫ້ຮູ້ວ່າ ໂຕເອງສາມາດແຕ້ມໄດ້ສ່ຳໃດ ເປັນຕົ້ນແມ່ນຜົນງານການແຕ້ມ

“ທ້າວເວດສຸວັນ” ເຊິ່ງໄດ້ອ້າງອີງຕົ້ນສະບັບ ມາຈາກຜົນງານຂອງສິລະປິນຄົນໄທ ທີ່ມີຊື່ວ່າ:Plabpluengs.Gallery

(ສາມາດເບິ່ງຕົ້ນສະບັບໄດ້ທີ່:https://cutt.ly/yHEuoIy).

ຂ່າວບັນເທີງ