ຂໍ້ຄິດທິດສະດີ”ກົບຕົ້ມ” ໃຊ້ໃນການອະທິບາຍໂລກທຸລະກິດ ຖ້າຫາກບໍ່ຕື່ນຕົວກໍ່ຄາຍຄືກົບທີ່ຢູ່ໃນໝໍ້ລໍຖ້ານ້ຳຮ້ອນເດືອດ

ຂໍ້ຄິດທິດສະດີ”ກົບຕົ້ມ” ໃຊ້ໃນການອະທິບາຍໂລກທຸລະກິດ ຖ້າຫາກບໍ່ຕື່ນຕົວກໍ່ຄາຍຄືກົບທີ່ຢູ່ໃນໝໍ້ລໍຖ້ານ້ຳຮ້ອນເດືອດ

The Boiled Frog Theory ຫລື ທິດສະດີກົບຕົ້ມ ເປັນທິດສະດີໜຶ່ງທີ່ມາຈາກການທົດລອງ ໂດຍແບ່ງເປັນ 2 ກໍລະນີຫຼັກໆ ຄື

1. ຈັບກົບໃສ່ໃນໝໍ້ຕົ້ມນ້ຳຮ້ອນ ເມື່ອກົບສຳຜັດກັບນ້ຳຮ້ອນ ມັນກໍຮີບກະໂດດອອກຈາກໝໍ້ທັນທີ.

2. ກົບທີ່ຢູ່ໃນໝໍ້ອີກໃບ ເປັນນ້ຳອຸນຫະພູມປົກກະຕິທີ່ຄ່ອຍໆ ຖືກເພີ່ມຄວາມຮ້ອນຈົນເດືອດ ກວ່າທີ່ກົບໂຕນັ້ນຈະທັນຮູ້ໂຕ ມັນກໍຖືກຕົ້ມຈົນສຸກ ເສຍຊີວິດຄາໝໍ້ໃບນັ້ນ

ແລ້ວທິດສະດີກົບຕົ້ມ ກ່ຽວຂ້ອງກັບໂລກທຸລະກິດ ໄດ້ແບບໃດແດ່ ?.

ໃນປີ 2020 ຜ່ານມາ, ທຸກທຸລະກິດລ້ວນໄດ້ຮັບຜົນກະທົບຈາກວິກິດໂຄວິດ 19 ເຊິ່ງກໍມີຢູ່ຫຼາຍທຸລະກິດທີ່ສາມາດຢູ່ລອດໄດ້ ແລະຫຼາຍທຸລະກິດກໍລົ້ມຫາຍຕາຍຈາກໄປ

ບາງທຸລະກິດສາມາດປັບໂຕຕໍ່ວິກິດໄດ້ໄວ ກໍຄືກັບກົບທີ່ກະໂດດລົງໄປໃນໝໍ້ນ້ຳເດືອດແລ້ວຮີບກະໂດດຂຶ້ນມາໄດ້ທັນ ແລະມີຊີວິດລອດຕໍ່ໄປໄດ້

ໃນຂະນະທີ່ບາງຄົນຫລືບາງທຸລະກິດ ທີ່ເບິ່ງເຫັນແລ້ວວ່າທຸລະກິດຂອງໂຕເອງກຳລັງຖືກວິກິດເຂົ້າມາທ້າທາຍ ຫລືກຳລັງຈະຖືກດິດຣັບ ແຕ່ກໍເລືອກທີ່ຈະຝືນຕໍ່ແລະສຸດທ້າຍກໍໄປບໍ່ລອດໃນທີ່ສຸດ ຄືກັບກົບທີ່ຢູ່ໃນໝໍ້ທີ່ນ້ຳຄ່ອຍໆຮ້ອນຂຶ້ນເລື້ອຍໆ ຈົນສຸດທ້າຍກໍຕາຍໄປ ເພາະບໍ່ຍອມກະໂດດອອກມາ

ຕົວຢ່າງເຊັ່ນ ກໍລະນີສຸດຄລາດສິກຂອງ “Kodak” ທີ່ເຄີຍປະສົບຄວາມສຳເລັດຈາກການເປັນຜູ້ຄິດກ້ອງດິຈິຕອນໂຕທຳອິກ.

ແຕ່ບໍລິສັດກໍຍັງກໍຄົງເລືອກໂຟກັດກັບການຜະລິດຟີມຕໍ່ໄປ ເນື່ອງຈາກມີອັດຕາກຳໄລທີ່ສູງກວ່າ ຕໍ່ມາຄົນທົ່ວໂລກຫັນມາໃຊ້ກ້ອງແບບດິຈິຕອນກັນຫລາຍຂຶ້ນ

ແຕ່ກວ່າທີ່ Kodak ຈະຍອມຮັບເທຣນການປ່ຽນແປງເທື່ອນັ້ນ ກໍສາຍໄປແລ້ວ.. ແລະສຸດທ້າຍ Kodak ກໍຕ້ອງເຂົ້າສູ່ແຜນຟື້ນຟູກິດຈະການໃນທີ່ສຸດ

ສະຫລຸບແລ້ວ ທິດສະດີຕົ້ມກົບນີ້ ກຳລັງບອກເຮົາວ່າ: ເມື່ອວິກິດມາ ທຸລະກິດກໍຕ້ອງຮີບຕື່ນໂຕ ແລະຮີບປັບໂຕຮັບມືກັບວິກິດນັ້ນ ແລະເຖິງແມ່ນການດິ້ນຮົນປັບໂຕອາດເຮັດໃຫ້ຕ້ອງເມື່ອນກວ່າເກົ່າ.

ແຕ່ກໍຍັງດີກວ່າ ການຢູ່ເສີຍໆບໍ່ເຮັດຫຍັງເລີຍ? ຄືກັບກົບທີ່ລໍນ້ຳຮ້ອນຕົ້ມ ຈົນຕາຍໄປໃນທີ່ສຸດ..

ສາລະໜ້າຮູ້