ວິກິດການດ້ານເສດຖະກິດນໍ້າດື່ມ-ນໍ້າກ້ອນໂລມາຄຳ ຍັງຈຳໜ່າຍໃນລາຄາປົກກະຕິ

ວິກິດການດ້ານເສດຖະກິດນໍ້າດື່ມ-ນໍ້າກ້ອນໂລມາຄຳ ຍັງຈຳໜ່າຍໃນລາຄາປົກກະຕິ

ໃນໄລຍະ 2 ປີກວ່າ ທີ່ ສປປ ລາວ ກໍຄື ກັບບັນດາປະເທດຕ່າງໆໃນໂລກ ພົບກັບວິກິດການລະບາດຂອງພະຍາດໂຄວິດ-19 ໂດຍສະເພາະ ບັນດາຜູ້ປະກອບການ ທຸລະກິດພາຍໃນປະເທດ ຕ່າງກໍໄດ້ຮັບຜົນກະທົບ, ຫລາຍບໍລິສັດໄດ້ປິດຕົວລົງ ແລະ ບາງບໍລິສັດ, ບາງໂຮງງານກໍໄດ້ຢຸດເຊົາກິດຈະການຊົ່ວຄາວ. ແຕ່ສະເພາະ ໂຮງງານນໍ້າດື່ມ ແລະ ນໍ້າກອນໂລມາຄຳ ແມ່ນໄດ້ດຳເນີນການຜະລິດ ແລະ ຈຳໜ່າຍຜະລິດຕະພັນເປັນປົກກະຕິ ລວມເຖິງໄລຍະພົບຄວາມຫຍຸ້ງຍາກທາງດ້ານເສດຖະກິດ ແລະ ບັນຫານໍ້າມັນ ກໍໄດ້ຈໍາໜ່າຍຜະລິດ ຕະພັນໃນລາຄາເກົ່າ ໂດຍທີ່ບໍ່ໄດ້ມີການຂຶ້ນລາຄາ.

ທ່ານ ເກຍ ອູສິດທິເດດ ເຈົ້າຂອງໂຮງງານນໍ້າດື່ມ ແລະ ນໍ້າກອນໂລມາຄຳ, ທັງເປັນເຈົ້າຂອງບໍລິສັດ ອຸດົມຊັບ ກໍ່ສ້າງ-ຂົວທາງ ໄດ້ໃຫ້ສຳພາດຕໍ່ສື່ມວນຊົນເມື່ອບໍ່ດົນນີ້ວ່າ: ໃນວິກິດການລະບາດຂອງພະຍາດໂຄວິດ-19 ໂຮງງານນໍ້າດື່ມ ແລະ ນໍ້າກອນໂລມາຄຳຂອງພວກເຮົາກໍເປັນໜຶ່ງໃນຫລາຍໆກິດຈະການ ໂຮງຈັກໂຮງງານໃນທົ່ວປະເທດ ໂດຍສະ ເພາະ ແຂວງສະຫວັນນະເຂດ ກໍໄດ້ຮັບຜົນກະທົບເຊັ່ນດຽວກັນ ແຕ່ພວກເຮົາມີມາດຕະ ການປ້ອງກັນທີ່ເຄັ່ງຄັດ ກໍສາມາດດຳເນີນກິດຈະການໄດ້, ໃນຍາມວິກິດໂຄວິດ-19 ນໍ້າດື່ມພວກເຮົາກໍບໍ່ໄດ້ຂາດ, ຍັງຂາຍຄືເກົ່າບໍ່ໄດ້ຂຶ້ນລາຄາ ໂດຍໄດ້ຈຳໜ່າຍພາຍແຂວງສະຫວັນນະເຂດ, ນະຄອນຫລວງວຽງຈັນ, ຄໍາມ່ວນ ແລະ ຈໍາປາສັກ.

ມາຮອດປັດຈຸບັນ ກໍມີຜົນກະທົບທາງດ້ານເສດຖະກິດ ໂດຍລວມຂອງຊາດບາງດ້ານ ແຕ່ພວກເຮົາກໍຍັງຂາຍລາຄາເກົ່າ, ຜະລິດ ແລະ ຈໍາໜ່າຍປົກກະຕິ, ນະໂຍບາຍຕ່າງໆກໍປະຕິບັດຕໍ່ພະນັກງານ ຄືໄລ ຍະຜ່ານມາ.

ທ່ານ ເກຍ ອູສິດທິເດດ ຍັງໃຫ້ຮູ້ອີກວ່າ: ການເຮັດທຸລະກິດຂອງຂ້າພະເຈົ້າ ແມ່ນຕິດພັນກັບການຊ່ວຍເຫລືອສັງຄົມ ໂດຍສະເພາະໄລຍະໂຄວິດ-19 ລະບາດ ເຮົາກໍໄດ້ໄປຊ່ວຍເຫລືອປະຊາຊົນ 2-3 ບ້ານໃນເທສະບານນະຄອນ ໄກສອນ ພົມວິຫານ ລະຫວ່າງ ເດືອນເມສາ ຫາ ພຶດສະພາ 2022 ຜ່ານມານີ້, ໄດ້ສ້ອມແປງທາງຮ່ອມ, ທາງຫລັກ ທີ່ເປເພ ເປັນຂຸມ ຢູ່ບ້ານໂພນສະຫວັນ, ບ້ານໂພນສະອາດ ແລະ ບ້ານສອນໄຊ ໂດຍໄປຍົກລະດັບໃຫ້ເປັນທາງດິນແດງ ທັງໝົດ 11 ເສັ້ນ, ຄວາມຍາວ 6.000 ກວ່າແມັດ, ລວມມູນຄ່າເກືອບ 800 ລ້ານກີບ, ໃນນັ້ນ ເງິນສົມທົບກັບປະຊາຊົນ 67 ລ້ານກີບ.

ຂ່າວລາວ