ຄູຝຶກອິນໂດ ບໍ່ພໍໃຈທີ່ໄທຫວຽດນາມ ສະເໝີກັນກອດຄໍກັນເຂົ້າຮອບ ເຮັດໃຫ້ເຈົ້າພາບ ອິນໂດເນເຊຍ ຕົກຮອບ

ຄູຝຶກອິນໂດ ບໍ່ພໍໃຈທີ່ໄທຫວຽດນາມ ສະເໝີກັນກອດຄໍກັນເຂົ້າຮອບ ເຮັດໃຫ້ເຈົ້າພາບ ອິນໂດເນເຊຍ ຕົກຮອບ

ຫຼັງຈາກທີ່ເຈົ້າພາບ ອິນໂດເນເຊຍ ຕ້ອງຕົກຮອບທຳອິດໃນ AFF U19 ຊີງແຊ້ມອາຊຽນ “ຊິນ ເຕຢອງ” ຫົວໜ້າຄູຝຶກທີມຊາດອິນໂດເນເຊຍຊຸດ U19 ໄດ້ອອກມາກ່າວຫຼັງເກມແບບນ້ອຍໃຈຜົນການແຂ່ງຂັນຂອງອີກຄູ່ໜຶ່ງ

“ມັນເປັນເລື່ອງຈິງຕາມກົດລະບຽບ H2H ໃນສະຖານະການທີ່ພວກເຮົາເປັນຢູ່ເຮັດໃຫ້ພວກເຮົາບໍ່ໄດ້ໄປຕໍ່ ຕາມກົດລະບຽບຂອງ FIFA ຫຼື AFC, ແຕ່ມັນຍັງມີຄວາມຜິດປົກກະຕິເລັກນ້ອຍໃນກົດລະບຽບຂອງ AFF ໃນການນຳມາປະຕິບັດ

ມັນເປັນເລື່ອງຈິງທີ່ວ່າພວກເຮົາຕົກຮອບ ມັນບໍ່ສົມເຫດສົມຜົນ ເພາະວ່າຄູ່ແຂ່ງຂອງພວກເຮົາຄວນຫຼິ້ນກັນຢ່າງເຕັມທີ່ ແຕ່ໃນຄວາມເປັນຈິງມັນບໍ່ແມ່ນແນວນັ້ນ

ຂ້ອຍ​ຄິດ​ວ່າ ​ໄທ ​ແລະ​ ຫວຽດ​ນາມ​ ພວກເຂົາອາດຈະຢ້ານ ອິນໂດເນເຊຍ ເລັກນ້ອຍ. ດັ່ງນັ້ນຂ້ອຍຈຶ່ງຮູ້ສຶກຜິດຫວັງເລັກນ້ອຍ ແລະ ບໍ່ພໍໃຈກັບສະຖານະການນີ້. ໝາຍ​ຄວາມ​ວ່າ ​ໄທ​ ແລະ​ ຫວຽດນາມ​ ຮູ້ສຶກ​ວ່າ​ກິລາ​ບານ​ເຕະ ​ອິນ​ໂດ​ເນ​ເຊຍ​ ກຳລັງດີ​ຂຶ້ນ ສະນັ້ນພວກເຂົາຈຶ່ງຫຼິ້ນກັນແບບນັ້ນ

ສຸດທ້າຍຂ້ອຍຂໍຂອບໃຈນັກເຕະທີ່ເຮັດວຽກຫນັກ ແລະ ເຕັມທີ່ ພວກ​ເຮົາ​ບໍ່​ຈໍາ​ເປັນ​ຕ້ອງ​ເສຍໃຈກັບລາບການນີ້” ຊິນ ເຕຢອງ ກ່າວ

ຈາກ​ກົດ​ລະ​ບຽບ​ການ​ແຂ່ງ​ຂັນ​, ນີ້​ແມ່ນ​ຂ້ອນ​ຂ້າງ​ເຫັນ​ໃຈ ​ອິນ​ໂດ​ເນ​ເຊຍ ​ເຊັ່ນ​ດຽວ​ກັນ​. ເພາະຜົນງານໃນ 5 ນັດຂອງເຂົາດີກວ່າທັງ ໄທ ແລະ ຫວຽດນາມ ເຊິ່ງ 3 ນັດ ຊະນະ 2 ສະເໝີ 2 ແຕ່ຍິງໄປເຖິງ 17 ປະຕູ ເສຍ 2 ປະຕູ ຈົບລົງດ້ວຍຜົນຕ່າງ +15 ຫຼາຍກວ່າທຸກທີມ ແຕ່ ຕ້ອງຕົກຮອບໄປ.

ຂ່າວຕ່າງປະເທດ