ນາຍົກ ແຈ້ງສາເຫດທີ່ລັດວິສາຫະກິດຂາດທຶນ ຍ້ອນເຈົ້າໜ້າທີ່ສວຍໂອກາດ ແລະ ສໍ້ໂກງ

ນາຍົກ ແຈ້ງສາເຫດທີ່ລັດວິສາຫະກິດຂາດທຶນ ຍ້ອນເຈົ້າໜ້າທີ່ສວຍໂອກາດ ແລະ ສໍ້ໂກງ

ທ່ານ ພັນຄໍາ ວິພາວັນ, ນາຍົກລັດຖະມົນຕີ ແຫ່ງ ສປປ  ລາວ ໄດ້ຊີ້ແຈງຕໍ່ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX ໃນວັນທີ 23 ມິຖຸນານີ້ ວ່າ: ສາຫດທີ່ໄລຍະຜ່ານມາ ການດໍາເນີນທຸລະກິດຂອງລັດວິສາຫະກິດທີ່ລັດຖືຮຸ້ນ 100% ສ່ວນໃຫຍ່ມີແຕ່ຂາດທຶນ ແລະ ສ້າງພາລະໃຫ້ແກ່ລັດຖະບານ ຍ້ອນການບໍລິຫານງານຂອງເບື້ອງລັດ ແລະ ຜູ້ເຮັດຢູ່ລັດວິສາຫະກິດສວຍໂອກາດສໍ້ໂກງຫາຜົນປະໂຫຍດສ່ວນຕົວ

ບັນດາລັດວິສາຫະກິດຢູ່ລາວມີແຕ່ເປັນຕົວຈ່ອງດຶງ ຫລື ສ້າງໜີ້ໃຫ້ ລັດຖະບານໄປແກ້ໄຂຢ່າງຫລວງຫລາຍ, ໃນການນໍາເຂົ້ານໍ້າມັນເຊື້ອໄຟ ກໍພົບວ່າເຈົ້າໜ້າທີ່ກ່ຽວຂ້ອງຂອງລັດ ຮ່ວມກັບບໍລິສັດນໍາເຂົ້ານໍ້າມັນເຊື້ອໄຟ ສວຍໂອກາດຫາຜົນປະໂຫຍດໃສ່ຕົວເອງ ເພາະຈາກລາຍງານທີ່ ສປປ ລາວ ນໍາເຂົ້ານໍ້າມັນມີ 1.200 ລ້ານລິດ/ປີ ແຕ່ຈາການກວດສອບພົບວ່າມີ 1.900 ລ້ານລິດ/ປີ

ທ່ານນາຍົກລັດຖະມົນຕີ ໄດ້ກ່າວຕື່ມອີກວ່າ:  ລັດຖະບານຍອມຮັບວ່າສິ່ງທີ່ເກີດຂຶ້ນແມ່ນຍ້ອນການບໍລິຫານຂອງລັດຖະບານ ແລະ ຈະໄດ້ສືບຕໍ່ປັບປຸງແກ້ໄຂໃຫ້ດີຂຶ້ນ, ນອກຈາກນີ້ ຍັງມີປະກົດການສ້າງໂຄງການບໍ່ມີຕົວຕົນຂຶ້ນມາເພື່ອເອົາເງິນອອກມາໃຊ້, ທັ້ງນີ້ກໍ່ຍ້ອນລັດຖະບານປ່ອຍປະລະເລີຍມາແຕ່ດົນນານ.

ຂ່າວລາວ